بصراحه رجولكم ياحريم

نفس المعاناة اغار لما اشوف رجلين بعض الحريم شلون ناعمة ومتوحد لونها ومافيها تشقق من تحت يعني معقولة اقضي طول امري كريمات وشراب؟!!

في شرابات السيراميك حلوه وخفيفه
وقبل لاتنامي تدهني ب جلسوليد
تصير ناعمه وبدون تشققات

خلي الفازلين اساسي في الدرج قبل النوم حطي والبسي شراب احيانا انا تضايقني وطول النههار البسي شراب البيت مره حلو طقمي مع ملابسك انا كذا والحمدلله رجولي مشاءالله ذي خدي نااعمه

أنا بالليل ادهنهم بفازلين والبس شراب طويل وأنام ولا قمت الصباح اغسلهم بصابونة بابايا وادهنهم بكريم مرطب والبس شراب سيراميك الخفيف وكل بعد أسبوعين انقعهم بماء دافئ ونعناع وليمون والحمدلله لاسواد ولا تشققات 😊

اذا السراميك نظيف مره ما اتوقع بيسود الرجول
والشبشب مسألة تعود وبناتي صغار اشتري لهم شباشب اشكال والوان علشان يتعودون عليها
اذا ما تحبين الكريمات خلي لك زيارة اسبوعية للمشغل لحد ما تنظف رجلك مضبوط بعدها بس انتي حافظي لا تتتركين حالها يسوء البسي شراب الخفيفه حقت السيراميك اذا ما تبين شبشب وخلي كريم عند راسك قبل تنامين ادهنيها