ما اعتقد له دور كبير
ممكن يعلم على السنع وتحمل المسؤوليه
لكن الفطنة من الله حتى بالاطفال تلاحظين في طفل فطين ومايفوتة شي وفي طفل العكس

الفطانة والنباهة موهبة من الله مالها علاقة بالشغل والدليل فيه أولاد فطينين وأطفال بنات وأولاد
وناس ماعمرهم شالوا كاسة وعندهم فطانة
وهذا يخليهم يكتسبوا المهارات بسرعة حسب فطنتهم على أيش تتركز
لكن ممكن تخلي إبنك يكتسب الفطنة والنباهة بس طبعا ماحيكون بنفس اللي الله معطيه إياها خلقة
لكنها نقدر نكتسبها بالتجارب مع التعوديد على الأعتماد على النفس وتحمل المسؤلية
طبعا كل تجربة يمر بها الإبن أو البنت لازم يكون درس وعرف كل شيئ صار فيها ليش صار كذا وليش ماصار كذا
يعني يكتشف الأسباب أو تساعدينه في كشفها وشوي وشوي ومعو معو تلاقينهم إكتسب تجربة ومهارة
تخليه فطين ونبيه لأمور مشابهة أو على الأقل لنفس الأمر اللي مر عليه

أما شغل البيت فيكسب خبرة ومهارة في الشغل نفسه فتحسي أنهم فطينات
الكلام أكيد أمهم نفسها ردودها قوية فتحسي أنهم فطينات فالأبناء يكتسبون أمور كثيرة من
أمهم ويتعلمون منها أكثر خاصة الأم اللي
تجلس مع أولادها فترات طويلة وتكون قريبة منهم تعلمهم كل شيئ وتشرح لهم
غير عن الأم اللي مهيتة أولادها وماتدري عنهم

فعلا يزبدهم مهاره ..وتحمل المسؤليه يجعلهم يحسون بالاخرين

انا معك شغل البيت يخلي الوحدة ((حاارة))

يعنني تترك البلادة

هذا اللي شفتة باغلب الناس
يعني ماتتحمل تجلس والمكان مو مرتب لانها عارفة انها هي اللي بتسوية بالنهاية فتلقينها تحاول تنظم امورها وتكتس صفة التنظيم والترتيب .. وبكذا تلقينها تحس نفسها مسؤؤلة عن كل شي

اما اللي ماسيشتغلون يحسون ماهمهم اي شي الا نفسهم لانهم عارفين ان في احد يقوم بالشغلة هذي عنهم
وبكذا تتكون عندهم البلادة وعدم تحمل المسؤؤلية

مشكورة ع الموضوع الحلو

والله بخصوص الفطنه والنباهه هذي من الله سبحان الله
مالها علاقه لا بالشغل ولا بالإختلاط ولا بالدراسه ولا بشي هذي هبه من الله سبحانه

بس أنا معك بخصوص تشغيل البنت بالبيت لكن مو أكرررررررف خااااااامسها
وأخليها تكره عمرها لا الوسطيه زينه بعد بكل شي
عندي بنتي 14 سنه وبما إني مسفره الخدامه أخليها تساعدني
لإني أحب إنها تتعلم بعض الشغلات وتكون عندها شوي خبره ما أظمن عمري
أنا بدوم لها ولا لأ سبحان من يعلم والله يعطينا طولت العمر
مثلا أخليها تساعدني ببعض الشغلات بالمطبخ تمسح الصحون وترجعها مكانها
أعلمها على طريقة إستخدام المكنسه الكهربائيه
أخليها تمسح الطاولات
تجمع معي الله يكرمكم زبايل البيت ونغير أكياسهم يعني شغلات بسيطه تنمي عندها
حب الشغل والمشاركه صحيح أوقات تعند وترفض بس ما أشد عليها أتركها براحتها
وإذا بتحل واجباتها أو بتتفرج ع التلفزيون ما أغثها وأكرفها ما أبيها تكره هالشي
ودايم أذا إعترضت أذكرها إنه أنا ماراح أدوم لها وحلو يكون عندها خلفيه بسيطه
وإنه زوج المستقبل مو شرط يوفر لك خدامه تساعدك ويمكن تطلعين وتتغربين
لذلك ماندري عن المستقبل كيف بيكون فالأفضل الأم تهيأ بنتها وتعينها
على مواجهة ظروف مستقبلها
أما نتركهم يتسدحون وطلباتهم أوامر وحتى غرفهم ما يرتبونها ولا يشيلون شي بعدهم
وماغير مقابلين التلفزيونات والأجهزه هالشغلات كلها ماراح تنفعهم بعدين
ومحد منا قااااااادر يضمن بالمستقبل كيف بتكون حياتهم و وضعهم
دلع وإهتمام مع شوية تعويد ومشاركه كذا بإذن الله نساعدهم على أنفسهم