بصراحه قولوا لي ردي عليها صح او غلط؟؟؟؟؟؟؟

بسم الله الرحمن الرحيم

السلام عليكم ورحمة الله وبركاته,

السالفه وباختصار ان بنت اخوي اسمها " ضي" المهم هي سمرا برونزيه يعني
سمارها حلو وحتى الاجانب يتمنون البشره البرونزيه

كنا في عزومه قبل فتره قامت وحده من الحريم الله يسامحها و
قالت: المفروض اسم ضي يكون على وحده مثل الضي اسم على مسمي المفرض
مسمين" فيً "طبعا الكلام كل الحريم القاعدات اسمعوه.

طبعا عارفين اسم" فيُ" معناه الظل والسمار.
رديت انا: قلت والله اذا قصدك انها سمراء فهذي بنتك سمراء بعد.


يوووووووووه انا قلت كذا كل اللي بالمجلس قاموا علي بنظرات حاده ووحده من العجايز
الله يهديها هي قريبتي وبعد ام صاحب البيت قامت تكلم وتدافع عنها وتقول انها صادقه
والاطفال حلاتهم بيض ومادري ايش تخيلوا ليه يبون يتحكمون بخلق الله لا
وبنتها سمراء حنطيه بعد الله يخليها لها والسمار والبياض مو عيب كلهم خلق الله
اهم شيء الصحه والعافيه والحمد لله على كل شيء .
ومن بعدها محد كلمني كان كل اللي قاعدات زعلوا علي وحنا رايحين العزيمه من بدري
وخلوا اتحسف اني رحت بصراحه كاني اجرمت يوم رديت عليها كذا وبعدين جوا بنات
ماحضروا السالفه وقعدوا عندي قعدت اسولف معاهم ومشى الوقت ورجعنا البيت
الحمد لله ونسيت اقولكم حتى يوم قمنا على العشاء وشافتني قمت مارضت تتعشى
الا لما خلصنا وبعدين على طول مشت بعد العشاء تبي توري اصحاب البيت انها زعلانه
ليش طيب بصراحه قواوا لي ردي عليها صح او غلط ؟؟؟؟؟؟؟؟؟؟؟؟