احنا نظامنا فطور ساندويتشات وبالويكنند لا اتفنن فرصة نتجمع علي الفطور. والغدا بما انه زوجي يرجع متأخر ويكون طبخ دجاج او لحم مع رز او غيره. وبكذا يكون العشا خفافي كل واحد يسوي اللي يشتهيه خفايف حلو الواحد ينام وهو خفيف صعب وجبة رئيسيه بالليل كيف. الواحد يقدر ينام

مانتي مقصرة ولا شي
بالعكس ماهو لاقي عيب فيكي
والدليل ماسك عالطبخ بس
صحيح حلو يذوق اصحابه من اكلك
بس مو واااااجب ابدااااا
فلا تهتمي الا بنفسك وراحتك
ماعليكي ياما رجال اصرو على اشياء تافهة ورجعو يقولو ماجبرناهم
ماجبرك مجرد راي منه
فخليكي زيما انتي
كفاية عليكي تطبخي غدا وعندك اطفال < يعني ذاق طبخك وشبعان منه
الفطور سهل بيض جبنة او تونة؟
مايحتاج طبيخ وفوضى زي الغدا
والعشا خفايف علشان صحتكم اما طبخ في الليل؟؟؟؟؟
مانتي مجبورة يحمد ربه انه يلقى اكل فيه ناس تنام جيعانة كمان يتشرط؟

ياترى هو كامل مو مقصر عليكي في شي؟؟؟؟؟؟؟؟؟؟؟؟؟؟
يعطيكي مصروف شهري يكفيكي؟
ينزلك السوق كل شهر ملابس واكسسوارات جديدة؟
الا ادا بيزيد مصروفك الشهري والا بيزيد من خرجاتكم وعزوماته عالمطاعم وتفريحك كل شوي والتاني
وقتها اكرفي في المطبخ لين يشبع :)

اسمعي مني حبيبتي لا تزعلين انت غلطانه !!

ان كان على الكمية استغلي روحاتك لاهلك واطبخيلهم طبعا كذا راح تتعلمي على الكمية الكبيره وشوفي اخطائك وين واتفاديها اذا عزم زوجك احد كذااا راح تعودين نفسك وتسيرين شاطره

من تجربة اتكلم الرجال مهما دلع وسكت عن اخطاء زوجتك ما راح يسكت على التقصير بالطبخ ولازم ترفعين راسه قدام اخوياه
وصدقيني انت راح تعتزي بنفسك وراح ينبسط منك كثييييييير

انت ام يعني شلون تربين بنتك على سنع البيت ؟؟ لا ابدي بالتغيير من هاللحظه وابدعي موفقة يا رب

والله كل طبخي بالبيت وكل الوجبات وضيوفه على عيني وراسي واحﻻ طبخ ونظافه وفوق هذا وﻻشايف شي من اللي اسويه
انتي اللي تعودي تطبخي العشا ومو ضروري شي دسم ومتعب

حبيبتي غالبا الرجال اذا الحرمه طبخت لضيوفه يمشي وراسه مرفوع خاصه بين اصحابه فيمكن زوجك يحسك مقصره جدا خاصه اذا كانوا زوجات اصحابه يطبخون لضيوف انتِ حاولي قد ماتقدرين ومو لازم تكلفين على نفسك سوي مثلا رز مع لحم وسلطه والله هذي الأشياء تكفي طبعا مع لبن أوسفن