اهلين بنوتات حواء الحلوات
انا راح احكيلكم حكايه صغيرونه وممكن تقرونها للنهايه اذا ماعليكم كلافه
كان يامكان في قديم الزمان ...
كان فيه كتكوته صغيره كان لها شعر اسود حلو وناعم ويلمع
وكثير ( مو كثير حيل بس الحمدلله نعمه من ربي )
في يوم من الأيام اتخرجت الكتكوته من الثنوي ومن فرحتاها بالتخرج
قررت تسوي شي جديد يحسسها انها كبرت ( وياليتها ماسوت هذا الشي )
قررت انها تصبغ شعرها وراحت ودارت وسألت عن الألوان الموضه وعن هذي الأشياء
وجابت وحده تصبغ لها الله يسامحها وصبغت كتكت لون احمر بس لأن شعر كتكوتتكم اسود
وناعم ويلمع مرره ( مشاء الله ) وماعمرها صبغته ايش سوت هالكوافير سوت شي فضيع
قامت وسحبت لون عشان يضبط اللون على شعر كتكوته وكتكت ياغافلين لكم الله ماعمرها
صبغت فقالت لها سوي الي انتي تبينه وياليتها ماقالت لها لما غسلت الكريم حق سحب اللون
وش طلع شعر كتكت :06::06::06:
تحول الى لو اصفر مائل الى البياض وكان عباره عن ليفة مواعين ( عرفتوها هذيك الي تكون سلك حقة القدور ) :06::41::06:
طبعاً كتكت جاها انهيار عصبي
وقالت لها الكوافير لا تخافين
الحين كل شي يصير تمام
طبعاً كتكت كانت مضطره تسمع كلام الكوافير
وقامت وخلطت اللون وحطته بشعر كتكت وصبغته
والحمدلله ربك عداها على خير
وصار شعر كتكت لونه احمر عنابي حلو
بس ايش صار
بدى مع الوقت شعر كتكت يتساقط
ولمعته راحت
ومرة فتره على الصبغه وشعر كتكت مااتحسن
وبدى يتحول اللون من احمر الى لون نحاسي شنيع
فإيش سوت كتكت
قامت وشرت صبغه من الصيدليه بلون بني غامق
والحمدلله تحسن اللون شوي
بس كتكوته ماتتوب
وقررت تخوض التجربه مره ثانيه مع انه شعرها كان يتساقط ولمعته مره خفت
هذا الكلام بعد سنه من الصبغه الأولى
وراحت لصالون محترم وطلبت من الكوافير تسوي لها شي موضه
والكوافير ماقصرت عملت لها بيج وعسلي مع ارضيه بندقي وطلع فعلاً شي رائع وإبداع
بس المشكله انه شعر كتكت ماإتحمل زاد تساقطه
والي زاد الطين انها كانت يومياً تسوي له إستشوار ولا تعمله كيرلي يعني ذبحته
من العمايل الي تعملها فيه
وبعد هذا كله وش تتوقعون بيصير على شعر كتكت
وايش الحل الي اتوصلت له كتكت وهل نفع معها ولا لاء؟
هذا الي بتعرفونه في الحلقه القادمه اذا شفت تجاوب منكم
وتقبلو تحياتي
الى لقاء آخر
اختكم
:27: ^الكتكوته^ :27:
^الكتكوته^ @alktkoth_2
محررة برونزية
يلزم عليك تسجيل الدخول أولًا لكتابة تعليق.
ههههههههههههههههههههههههههههههههه
والله اني متحمسه كملي
واهم شي حمام الزيوت له تاثير اكثر من روعه
والله اني متحمسه كملي
واهم شي حمام الزيوت له تاثير اكثر من روعه
كملي يا قلبي الله يعين شعيرااااااااااتك عليك اقول تراهم بيتبرون منك <<<< الشعر
الصفحة الأخيرة
إنه يرتاح من صبغة لثانية
كملي وش صار بعدين........