وبعد فترة سألت اخت ثانية ومدحته كثير
فقلت أجرب حظي وأطلب .... والحمد لله لقيت الخام ما شاء الله مثل ما هو موجود في الصورة والمقاسات كانت مضبوطة ولله الحمد
وقلت أنزل لكم الصور الموجوده في الموقع والصور إللي صورتهم بنفسي ومن غير رتوش وبخلي الحكم لكم بإذن الله تعالى عشان ما تحتارون مثلي
طبعاً عند التوصيل كان الدولار = 3 دراهم و 77 فلس
فكانت ضريبة التوصيل 41 درهم
وكنت طالبه أقل من 1000 درهم
وإذا طلبت أكثر من 1000 كانوا بياخذون مني لكل 1000 درهم 50 درهم زيادة + ضريبة التوصيل
وعلى العموم عند حساب البضاعة يحطون قيمة الضريبة
والبضاعة إللي تشوفونها كلها مع بنطلون جينز ما نزلته ومع قيمة التوصيل
كلفني 650 درهم فقط لا غير
طريقة الطلبية
1- الدخول على الموقع الخاص بهم
http://www.gymboree.com/index.jsp
2- تختارين الخام إللي تبغينه
3- تحددين العمر
4- وعدد البضاعة إللي تبغينها
5- بعدين تضغطين على Add To Bag
6- بعدها يطلع مستطيل صغير فيه البضائع إللي اخترتيها
7- وفي نهاية المستطيل على جهة اليمين مكتوب Checkout إضغطي عليه
( والتوصيل متوفر للدول التالية : الإمارات العربية المتحدة - المملكة العربية السعودية - كويت - البحرين )
8- وتضغطين على Checkout مره ثانية
9- وبعدها تسجلين عنوان بريدج في New User إذا كنتي لأول مره تطلبين من عندهم
10- تعبين البيانات إللي تنطلب منج
11- ومن جهة اليمين تختارين إما
International Standard Delivery ( توصيل عادي )
أو
International Express Delivery ( توصيل مستعجل )
طلبيتي كانت توصيل عادي ووصلت خلال 10 أيام تقريباً
12- وبعدها تضغطين على Continue Checkout
13- في خانة على جهة اليمين في المربع السفلي مكتوب فيه Credit Card تعبين البيانات كلها
14 وفي نهاية الصفحة في شي مربع صغير على جهة اليمين مكتوب فيه Review Order إضغطي عليه وكملي الإجراءات
