السلام عليكم ورحم الله وبركاته :::::::
اكتب هذا المقال بعد طول زمان عن منتدى عالم حواء النسائي ..... لاارجو من أحد سوى الدعاء .
وسأتحدث بلغة مبسطة سهلة :
فعلى بركة الله :
---------------
بطارية الاجهزة المنقوله مثل الكمبيوترات المحمولة والجوالات والاتصالات اللاسلكي ونحوها تصنع من مادة اللثيوم Lithium. وهذه البطاريات لها عمر افتراضي وتنتهي ، فهي تعتمد على الشحن والتفريغ ( تشارج & دستشارج )
نجي لزبدة الموضوع وحصره في بطاريات الجوال :
أهم مشاكل نواجهها انك تبي تتصل في حالة حرجة ومستعجل وماعندك وقت ثم تجيك احلى وانعم والطف وألذ وأرق رساله وتقولك بكل برود ( البطارية فارغة فضلا اعد شحانها) وهنا انت وتحكمك بأعصابك :p
لذلك مادام أنها تعتمد على خلايا الليثيوم معناه لابد بعد التفريغ من شحن فماهي (التوصيات بشكل عام ):
1- لاتشحن بطارية جوالك الا اذا قاربت التفريغ ، لانها الخلايا مكونه من كتلة خلايا موحدة. محمد : طيب .. الى متى انظر واذا صرت مستعجل ولا فيه الا مستوى واحد للبطارية وعندي شغل ... ( يشيء راجع لك واذا كانت قريبة من التفريغ وتبي تفرغها يفضل يكون بأصوات والا بأي شيء).
2- اذا شحنت بجهاز الشحن فاشحن البطارية كاملة الى ان تسمع من اجوال نغمة الشبع ( فضلا البطارية ممتلئة). محمد: ماتلاحظ أخوي حتى الفنلنديين مؤدبين معنا ان فضت والا شحنت تشوف فيها كلمة ( فضلا).
3-تأكد أن شاحن البطارية أصلي قدر الامكان هذا اذا كانت حالتكك المادية تمام ويكون أصلي ميه المية من بائع معتمد....
محمد: طيب وش تفرق دام كله جهاز شحن بطارية بأصلي والا تقليد ..أبي اشحن أن شاء الله بأبو ريالين .. (( طيب أصبر لاتستعجل .
( التزمت شركة نوكيا بجودة بطارياتها وكفاءتها وسلامتها ، مثل ماتشوف عيونك -في هذا الرابط :
http://mea.nokia.com/A4405249
والشيء اللي ماتعرفه - يابو ريالين- أنه بالتجربة الشخصية- حقك هذا ابو رفسه يجلس نصف ساعه ماشحن الا درجتين
بعكس الشاحن الاصلي والشيء الثاني رح بنفسك المس التجاري تلقاه مولع حراره - يعني ممكن تسلق عليه بيضين ونص وتمشي حالك .
وعلى فكرة سعر شاحن السيارة الاصلي=60 ريال وشاحن البيت تقريبا 80 .
4- وفيه أشياء كثيرة لانستغني عنها ونستخدمها بكثرة بس أقولها باختصار( كثرة تشغيل الصوتيات والافلام - الالعاب - تشغيل الكاميرا ونسيانها بلا تصوير- - زيادة الاضاءة - تشغيل مكبر الصوت طبعا أحسن شيء الكبر اقل من سماعة الاذن ضرر على الرأس - تشغيل البلوتوث.) كل ماذكر يسحب جزئيا من البطارية.
5- لاتترك البرامج تعمل في الخلفية مثل ايقاف صوت والا لقطة فيلم تاركها ... محمد: ياكثر ماخليها كذا، لا وبعد
اروح أصلي وانا كاتم أبوه ماتسمع ولانغمه ..(( ايه شفت أقولك ..)). محمد : ياكثر ماتقولي بس خويك مايحب الا شغل وطفي.
(( ياعزيزي : الجوال صنع للفائدة مو لصرف بطاريات على الفاضي )) محمد : أقول لاياكثر هالحكي لااشغلك هالحين
لقطة تسحب أم البطارية . (( هههههههههه )).:22:
6-اكررها دوما- اذا شحنت وانتهيت اسحب الشاحن من الفيش ..محمد: والله ياكثر حرصك ياخي هذا أنا مخليه بالفيش له خمسه شهور وزي الحلاوه .:p
-((طيب يابو خمسة شهور..- هذا الكلام ماهو من حسابي ،هذه توصيات شركة نوكيا كما في كتالوج الانستراكشن بهذا النص :
(حينما لايكون جهاز الشحن قيد الاستخدام افصله (يعني امعطه ) عن التيار الكهربائي وعن الجهاز. لاتترك البطارية المشحونة بالكامل متصلة بالشاحن ، حيث أن الشحن الزائد قد يقصر من عمر البطارية . اذا تركت بطارية كاملة الشحن دون استخدامهافسيتم تفريغها تلقائيا بمرور الوقت . واذا كانت البطارية فاغة تماما فقد يستغرق مؤشر الشحن دقائق قليله حتى يظهر على شاشة الهاتف ،أو تمر عدة دقائق قليلة قبل ان تتمكن من اجراء اية مكالمات .)) معلومات البطارية ص 110 .
7- خلك دائما تحتاط ببطارية اضافية جديده لو تجارية .. محمد : الله يعين بس .. ماكفتنا بطاريتنا بنجيب درزن بطاريات
الا وش رايك أشيل معي بطارية تريله .. (( ياحليلك .. شوف عزيزي البطارية الاحتياطية تحتاجها في المواقف المحرجة
والعاجل وصدقني كم مره انقذتني بعد توفيق الله .. بل وساعدت بعض زملائي اللي معهم نفس جوالي لين وصلنا .
اما هالمواقف صادق . . بس بشرط )).. محمد : لاتقولي تكون أصلية .. والله ماشري الا ام ريالين ... ((لا انتبه لازم تكون مليانه - للطواريء وخاصة اذا بتروح رحله والا بتسافر داخل او حتى خارج المملكة ورحلة الطيران طويله - تشوف فعلا حاجتها))
محمد : صادق والله بس ترى حدودي من بيتنا وحارتنا واذا طولت رحت لبيت عمي .:D
5- اذا سافرت - قصدي قبل تسافر اخذ معك السلك الصغير المحول الى ان 70 و82 وشلتهم
محمد : حتى بعد بنشيل أسلاك معنا وش رايك أخذ معي لفتين ستطعش متر ماهو احسن بعد .
6- كيف اعرف أن البطارية أصلية .. محمد: بعد هذي بتسوي لنا فيها سالفه .... (( أيه انتبه لايغشونك .. خلك ذهين وفاهم)) محمد: سمعت مره انك تقول لها كم طعش علامه .. :o (( ياحبك للزود بالكلام ... ماجبت أصلا طاري الطعش وشلتها ... هي فقط (أربع علاماتللتاكد من ان البطارية أصلية ) :
1- شعار اليدين
2- شعار التعزيزات
3- النقاط
4- الرمز
صورة البطارية:
وشف هذا الرابط :
شعار النقاط السوداء حول ختم نوكيا
http://mea.nokia.com/A4405238
شعار اليدين
http://mea.nokia.com/A4405237
وكل هذا موجود على موقع نوكيا بالعربي في هذا الرابط :
http://mea.nokia.com/appmanager/UnitedArabEmiratesArabicNOKIA_MEA_AR_30/Get_support;JSESSIONID_NCOM=9hcHGbTpPlSJlt5G6TDTK5Q3QHSQbGckLnhcrnXX9CZnRy20Jsxw!-223549487?_nfpb=true&_windowLabel=T62087830461177834748298&_pageLabel=P465377&wsrp-urlType=blockingAction&wsrp-url=&wsrp-requiresRewrite=&wsrp-navigationalState=&wsrp-interactionState=_action%3D%2Fpageflows%2FBatteryCheck%2FCheckBatteryCode&wsrp-mode=&wsrp-windowState=
7- محمد: خلصنا من توصياتك والا باقي بعد ... لا بقي وحده :: الله يصبرني عليك بس ... (( هههههههه : شف ياعزيزي :
رح الان وهات شاحن جوالك وشف عليه INPUT: 350 MA - INBUT: 150MA أوINBUT: 500 MA
ومعناه انه قوة الشحن المفترضة هي كذا مل امبير لذلك التسخين والحرارة وبطيء الشحن وتطويله لانه أقل من قوة النسبة المفترض الشحن بها ))
محمد : أنا بصراحه مافهم في شغلات زي كذا بس انا ماشحن جوالي الا بشاحني ومريح راسي من هالخرابيط .
(( أنت بصراحه مايصلح لك الا جوال يتصل ويرسل بس )) محمد : ايه هين : الا اذا بتحصلي جوال بطارياته حقة أم بس
اللي بريال ونص اشوف لي اقرب بقاله واخذلي حبتين، اريح من ساعة جالس ركب واشحن .:22:
(( هههههههه عشان تخسر شركة نوكيا )) .:D
والسلام :)
ABOAHMD
( هذه المشاركة خاصة فآمل حفظ الامانة عند النقل..)
17/6/1429 .
