السلام عليكم
بقولكم الحين طريقتي واللي شفتها من زمان في التلفزيون وهي لذيذه وايد
المقادير :
نص كيلو لحم مفروم
4 حبات بطاطس مقشره ومسلوقه بالمكرويف اسهل لان
علبة ذره
بصل ابيض كبير
ملح فلفل ابيض، كركم
فصين ثوم مهروسين
زبده
حليب سائل
قشطة كي دي دي نص علبه
اربع ملاعق جبن سائل
جبنة موزاريلا للوجه او جبن كرفت علبة متوسطة مبشوره
الطريقة :
اكشني البصل في الزيت مع شوي زبده وحطي الثوم واللحم المفروم والملح مكعب ماجي لو حبيتي مع الفلفل الابيض اذا ماعندج حطي اسود بعد زين ،،،،
خلصنا الحين من كشنة اللحم نجي الحين للبطاط
طبعا انتي سالقة البطاط الحين اهرسيه ،، بالشوكه حطي عليه القشطه مع الجبن السائل كرفت ،، واخلطيهم الحين خففيهم في الحليب السائل شوي شوي وشوفي انتي شلون تبينه لين او جامد شوي بكيفك ،، يعني يكفي نص كوب حليب او اكثر شوي ،، واخليطهم زين وحطي عليهم ملح وشوي فلفل ابيض احسن شي ،، ولاتنسين تحطين ملعقتين طعام زبده لورباك او المراعي ،،،
الحين حبيبتي الجميله شتسوين؟؟؟؟
اخذي بايركس حلو مربرب مثلي ادهنيه ، ،، حطي طبقة من البطاطس المهروسه وحطي اللحم المفروم وابسطيه رتبيه بالملعقة ،، زين ،، بعدين حطي الذره صفيه فوق اللحم ،، زين ؟؟ الحين حطي باقي البطاطس المهروس وغطيه زين وامسحي على الوجه شوي قشطة ورشيه بالجبن المبشور ودخليه الفرن خليه يتحمر من فوق بس ،،،
وصدقوني بنات لو ازواجكم وصديقاتكم يحبون هالاكلات راح يستخفون عليكم ودايما يطلبونها
حلوة مربربة @hlo_mrbrb
عضوة فعالة
يلزم عليك تسجيل الدخول أولًا لكتابة تعليق.
الهاجسه
•
تسلم ايدك
أموووووت في أطباقكم يابنات عالم حواء ..
شكراً على الطبخة اللذيذة ..
اللهم أجعلها في موازين حسناتك ..
شكراً على الطبخة اللذيذة ..
اللهم أجعلها في موازين حسناتك ..
الصفحة الأخيرة