جبت لكم طبق يعتبر من المقبلات ورح تآكلوا أصابعكم وراه لذيذ وسهل جدآ وللأمانه أنا شفت هالطبق كاتبته وحده في احد المنتديات وهو مجهودها وأنا طبقته
رح أكتب لكم أنا بنفسي المقادير والطريقه عشان تكون واضحه
نبدأ بسم الله
المقاديــــــــــــــــــر
6حبات بطاطس
ملعقه صغيره زعتر
ملعقه صغيره بابريكا (بودرة الفلفل الحلو)
شطه حسب الرغبه
مكعب مرقة دجاج
ملح
(علبة قشطه _ علبه متوسطه جبنة كرافت تشيدر مبشوره _ فص كبير ثوم _ زبده _ ملح _ فلفل أسود)
الطريــــــــــــــــــقه
- اغسلي البطاطس واسلقيها بقشرها في مويه وأضيفي ملح وبابريكا وزعتر وشطه ومكعب مرقة دجاج
- بعد استواء البطاطس قشريها واهرسيها وأضيفي لها من ماء السلق حتى تتكون عجينه متماسكه وليست سائله وذوقي الملح وأضيفي إذا احتاج
- خذي كوب متوسط واملئيه من البطاطس واضغطيها في الكوب ثم اقلبي الكوب في الصينيه ثم احفري وسط البطاطس حفره عميقه قليلآ ومتسعه (على شكل بركان) حضري مجموعة (براكين)
- ادهنيها من الخارج بزبده سائحه
- خذي ملعقه صغيره زبده وسيحيها في قدر صغير وأضيفي لها الثوم وحركي لمدة 5ثواني فقط (لاتحمرينه فقط نبي الطعم)
- اضيفي القشطه وحركي
- اضيفي الجبن المبشور وحركي حتى يذوب
- تبليها بملح وفلفل أسود وبابريكا
- املئي الحفر تمامآ ودعي الحشوه تخرج للخارج قليلآ على أطراف البركان
- دخليها الفرن من الأعلى فقط حتى تتحمر الحشوه قليلآ
وعليكم بالعااااافيـــــــــــــــه
الطبق لذيذ جدآ خاصة مع المشويات
وهذي صورة البطاطس المهروسه
