السلام عليكم
هذي أول مشاركة لي في منتدى الطبخ وحبيت اني أشارك كشكر وعرفان لهذا المنتدى والبنات اللي قايمين به من مشرفات ومشاركات........حتى المتفرجات:laughing:
ندخل في المفيد
المقادير:
5 حبات بطاطس (أو حسب الكمية المطلوبة)
كوب لحم مفروم (أو حسب الكمية المطلوبة)
بهارات متنوعة (ملح- فلفل أسود - {بهارات أمي الصفرا :icon30: :confused: بس ما أدري وش مكوناتهاأذكر ان فيها بزار (كزبرة يابسة) وكركم} أ وغيره من البهارات اللي تفضلونها)
1 بصلة كبيرة مفرومة
2م ك زيت
3/4 كوب جبنة موزاريلا
زيت للقلي
الطريقة:
نقطع البطاطس أنصاف إذا كانت صغيرة وهي الأفضل أو نقطعها 3 قطع إذا وسط أو كبيرة
بعد كذا نفرغها من الداخل
وتكون عندنا بهذا الشكل
بعدين نقليها في الزيت حتى تحمر شوي
نحط البصل مع الزيت في مقلاة ونبدا نحمسه إلين يكون لونه ذهبي بعدين نضيف اللحم المفروم ونحمسه معه إلين تنشف مويته ثم نضيف البهارات ونحركه شوي ثم نطفي عنه
ملحوظة صغيرة: ممكن إضافة فلفل بارد مقطع أو كزبرة مفرومة أو بقدونس أو أي شي لك الخيار(أنتي الطباخة:7_2_103v: )
تذكرون الحشوة اللي طلعناها من البطاطس لا ترموها جت حاجتها
نسلقها بموية وملح بعدين نصفيها من الماء ونضعها في إناء مع جبن الموزاريلا ونخلط حتى يتجانس الخليط
نصفّ البطاطس في الصينية بعدين نبدا نحشيه باللحم المفروم زي الصورة الموجودة
نضع الخلطة السابقة في كيس ونقطع طرفه حتى نقدر نصبّه فوق البطاطس زي الصورة
نحط فوقه للتزيين رشة من فلفل البابريكا أو إكليل الجبل أو غيره من الزينات
نضعه في الفرن حتى يحمر من فوق بعدين
بالهناء والعافية
إن شاالله تعجبكم الطبخة:42:
وشكرا على مروركم وردودكم مقدما
أشوف خطوطكم على خييييييييييييير