ام رغودة وتوفى @am_rghod_otof
عضوة جديدة
بطاطس مقرمشة ومش شاربه زيت
بسم الله الرحمن الرحيم دى اول مشاركة لية فى هذا القسم وارجو انى افيدكم زى ماستفدت كتيير من تجاربكم انا حابه اقولكم على طريقتى فى تحمير البطاطس والى بتخليها زى الى تيجى مع الوجبات السريعة او النص مقلية الى نشتريها اولا لازم تقطعى البطاطس حلقات زى الى بتعمليها لما تكون صينية وكل ما كانت رفيعة كان احسن لكن مش لدرجة الشيبسى وبعد كدة قطعى الحلقات اصابع فى الوقت ده تكونى مجهزة ماء ساخن لدرجة عالية ممكن يكون مغلى وتضيفى للماء خل وتقطعى البطاطس مباشرة وتسقطيها فى الماء وتتركيها حوالى ربع ساعة او نص ساعة وبعد كدة تشطفيها كويس علشان الخل وتحمريها هتطلع مقرمشة وهشة وجميلة وممكن كمان تعمليها نص تحمير لو عندك كمية وتحتفظى بيها بالفريزر فى اكياس وتطلعيها تحمريها وهتكون دى نص مقلية وبتكون برضة رائعة ارجو انى اكون افدتكم واتمنى منكم الدعاء لى بالفرج:cook:
5
1K
يلزم عليك تسجيل الدخول أولًا لكتابة تعليق.
الصفحة الأخيرة
ان شاء حجربها في اسرع وقت