بطاقتي الشخصيه ؟؟شفتوا الطفش ايش يسوي

السلام عليكم ورحمه الله وبركاته


جيتكم متحمسه افتح لي مدونه واكتب فيها كلام في خاطري ما اقدر اقوله و اوصف احساسي بعيد عن الأحراج والخوف من نظره الناس لي ويمكن شي يطلع مني اللي يعرفوني مايتوقعوه مني او انا احاول اخفيه عنهم
هنا بس

اريح نفسي من الكتمان والتفكير

هنا بس

اخرج كل اللي ف خاطري

هنا بس

اتكلم براحتي>>> يالبى الراحه و على قول خالي""اعشق الراحه""

تم الأفتتاح
//ه
يوم السبت وانا في غرفتي وتحديدآ ع سريري



في البدايه بطاقتي الشخصيه:

الأسم/مسجل رسمي في كرت العايله>> لا عاد جبت شي جديد

العمر/ مضى من عمري  سنه والله اعلم كم باقي>>> وحده من صحباتي تقول اني عجوز

المستوى الدراسي/ ثانوي

امممم وش باقي



الهوايات
كانت/ الرسم >>> قدر ربي انها تنتهي قبل ما تبدأ

صارت/ الرقص على معشوقتي موضي الشمراني>>يالبى صوتها ياناس


احب/
*من البشر اهلي وماي فاميلي>> وصحباتي الله لايحرمني منهم
اللهم لا حسد كثيرات مافيني اكتب اسماءهم كلهم
بس وقت الجد مالاقي احد فيهم ههههههههههه
*من الصفات
التطنيش بقوه خصوصآ اللي يطنش الدنيا وهمها و يعيش يومه بالطول والعرض
واحب الفله والدجه والنذاله >بس من باب المزح
واحب الصداقه واقدسها بشكل فضيع
واحب البرستيج >>ياكذابه ماانتي خربتي برستيج حلوم>>يالبى قلبها ما اخذت فيها خير

‏*من الأكل>> تراني ماتغديت
الشكولاتات والبطاطس والمقالي والمشاوي وكل مالذ وطاب>> اخواتي ينصحوني اسوي رجيم
احب الي يحسسني بالحب واكره الي احس في قلبه غيره مني

الخياااااانه>لو بيدي مسحتها من وجه الأرض
والثقل الزايد زي اللي ما يضحك ويستانس بحكم انه في مكان عام

واكره الكأبه والأستسلام للطفش
واكره شي عندي شغل البيت والكرف>> عقدتي في الحياه

اكره نفسي اذا جتني لحظات دلاخه وما افهم كلام اللي يسولف معي

اكره احساس اني كبرت


مو من طبعي الكلام الكثير بس هنا راح اهذر براحتي

المهم عاد ماقلت اني اكره الكذب اقوى شي>>> ياما بكيت من مواقف كلها كذب اه اه

اقول لكم وش قالو عني:
مرجوجه> انا اشوفها مدحه
وخفيفه دم>> عاد وقتها انا انحرج
واوقات يقولون اني سخيفه>> هذاك الوقت القط وجهي

واحلى ماقالو عني ان قلبي ابيض>> استخدم صابونه لوكس خخخ

وحده قالت اني اللي يعرفني غصب عنه يحبني >> لا لا خلاص صرت طماطم


ودي اكون/
*مصدر سعاده للي حولي نفسي كل الي اعرفهم اقدر اساعدهم باي شي اقدر عليه
وبذات اذا حسيت احد محتاج شي
‏*تاجره او رجله اعمال>> اقول انطقي حدك ربيت بيت فاشله
‏*ودي اصير طباخه محترفه>>بس اخاف من حالات التسمم
‏*ودي اصير قويه في المواقف الصعبه واحسم الخلاف واي احد يهينني اقدر ارد عليه وبكل جراءه
‏*ودي اتحكم في دموعي ولا تنزل إلا في وقتها لاني بكايه من كل شي مدري ليه \هههالاخت حساسه
*اخ بس لو انحف>> جبت الزبده
‏*اخر شي والمفروض احطه نصب عيناي"دراستي" ودي اسوي المستحيل واكمل الجامعه اه الله يهدي زوجي ويخليني ادرس




يللا سلام بأروح اخلص اشغالي>> شخصيه مهمه

ولنا باك