بطبق كلام بقايا جروح بس ماني عارفة لان وضعي صعب

بسم الله الرحمن الرحيم

شوفوا يابنات انا بدخل بالموضوع على طول :

انا متزوجة وعندي 4 اطفال والحمد للة زوجي مو مقصر معانا وطاير فينا بس دوام الحال من المحال يعني في السنة الاخيرة احس بانة تملل مني ومن سواليفي وصرت على قولت الغالية بقايا جروح زي الكتاب المفتوح وحابة اني اطبق كل كلامها لانة عين العقل بس انا وضعي غير يعني زوجي يشتغل برا البلد ست ايام دوام وثلاث ايام اجازة وعلى هالحال من اربع سنوات احس انة الجفا بدت تدخل حياتنا هو اتصالات مختصرة جدا جدا فى الصباح وقبل النوم من جاكم وشلون العيال تبين شي ؟
بالبداية كنت اتهاوش ليش ماتكلمنا وتسولف معاي بس بالاخير ماحبيت اغصبة على شي هو مايبغاة حتى لو كنت انا الخسرانة مع اني لما يجي ماخليت شي من المنتدى ماسويتتة اهتمام بغرفة النوم والعيال والبيت طايرة فية بس بالاخير تملل مني ومن كشختي المشكلة بنات انة حتى بالاجازة يسمعني كلام مثل السم انا بروح لاهلي بروح لربعي بسهر معاهم انتي معقدة روحي اطلعي ولانك ماعندك صديقات فضيتي لي محد يبغاك ومن هالكلام اللي يجرح كل هذا لاني اقول اني انا واولادي اولى بالايام هاذي بما اني ضحيت وصبرت معاك وشلت مسولية البيت والاولاد من هموم المستشفيات والمدارس واغراض البيت ومشاكل خلوها على الله بس ع الاقل ودي مثلا يقولي مرة وحدة ماقصرتي يا م فلان انتي قد المسولية كلام حلو بس عمك اصمخ ...........الله المستعان
لاتقولون لي اصبري واحتسيب الاجر لاني ماازكي نفسي ايماني بالله عظيم ودايما اشكر الله على هالستر والخير والصحة بس يابنات من جد احس اني على وشك انهار تعبت والله تعبت يكفي جلستي بالبيت الكبير بروحي لما ينامون الاولاد والوحدة شينة يكفى انك شايلة مصروف البيت ومترقبة اى مفاجءة على نطاق مادي او نفسي او اجتماعي صحيح الرجال قوامون تكفون بنات انا بحاجة لنقاط بسيطة وواضحة اتعامل فيها مع زوجي البارد والغير شاكر مع اني احط لة الف مبرر الغربة وفارقة بيتة واولادة واهلة بس انا بشر ولي حد وسلامتكم يالغاليات