Aشاي اخضر بسكرA @ashay_akhdr_bskra

عضوة مميزة

بَطلي تَتنيـــــح وَ رَكزي!

صبآح /مساء السعادة

السَعادة لها مَفاهيم كثيرة جداً وعلى كِيف كِيفكم.. كل شخص له قِصة مع السعادة ورأي خاص فيه ... السَعادة مو مَحصورة وحَكر على طَبقات من البَشر او مَاديات ..
السَعادة عناصرها بَسيطة بس ضَرورية ..
اهم عُنصر لها هو ( تَفتيح العين ) فَتحي عِينك ، اِقرصي نفسك ، اَدركي واقعك ..

رُبما السَعادة تجيك بحركة وحده تسوينها، مُمكن السعادة بكلمة تجيك ، بَطلي كَسل مَعنوي .. اِشتغلي .. المَصنع المغبر اللي بعقلك نَظفيه وشغليه عَدل ..

افااا .. اَحس هالمرة زَودتها مَعاكم وصرت مااقول كِيف الحآل والأحوال ..لكن تبون الصرآحة .. اَتنرفز واستغرب كمية رسائل الخَاص هنا او الدايركت باِنستقرام بسبب سُؤال واحد( ساعديني ، كيف اكون سَعيدة ، كيف اكون مِثلك يا شــآي؟) ...

نَحتاج مَنطق شوي .. لي سنين اَكتب لمين .. ؟ جَميلاتي .. بَعد الإِعجاب بكلامي اللي فعلاً اعتبره اِعجاب يسعد قَلبي ، خُذو الفائدة وتنعمو بها .. ليه ماتتمسكون بالقَناعات اللي عَجبتكم بكلامي .. جَربوها .. بتستفيدون وبتخف حِيرتكم .. مرآت ارد على هالبنات واقولهم ( شوفي كلامي السابق) احس نفسي اَروج لكلامي هههه بس فعلاً كلام دَونته خلال فترات مهمة من حياتي..

عُموماً.. انا مُتفهمه شُعور اللي ترسل لي على اَمل بطلع لها حُلول سِحرية، انا فَاهمة الطَبيعية البشرية ، مَرات نبحث عن الدوا بالصِين وهو اصلاً عندنا هنا ...عِند عَربنا!

لما تُعجبين بأكلة مُعينة ، سَويها نفسها ، حَسب الاُصول او الوصفة المُعينة الي ارضت حَاسة التذوق عِندك .. حتى تلاقين نَفس الطعم .. نفس الشي بكلامي طَالعيه ، اِستوعبيه .. حتى تكونين مِثلي واحسن ( طبعاً انا مااقصد اني وااااو ! لا ابداً .. اقصد اني مجرد رُوح مُتفائلة لا اكثر .. ) حتى لو ماشكرتيني عآدي يَكفيني دَعوة بظهر الغَيب او فائدة تعود عليك .. هالشي فُوق الممتاز لي ..

يلا نِبدا الاَن بالروآآق ..

كِيفكم ؟ وِش الدنيا بكم؟

هَاتو كُوب مليان بمشروبكم المُفضل لأن ( اَحتاجكم مروُقين ومركزين)

هالفترة عِندي الجَو خُرآفي ، الشِتوية قَاعدة تِتجمل مَعاي لأَخر لحظة ..

.. هالكَلام اللي تِشوفونه مُدون مسبقاً لكن اَضفت عليه الأن زيادة اكراماً لكذا بنت كَلموني بنفس الأمر ..

لَفت نَظري ضَياع عُمر بعض الأشخاص، اشوف اَمامي نَظرة مُستقبليه عن حَالهم ( للتِحلطم ، الحَسرة ، و رثاء العُمر ) ..

هالأَمر يعود الى اِنغماس شَريحة كَبيرة من الناس بأمور غَير مهمة ، لا تَخدم المَصلحة الحَقه لكل شَخص ..

هالأَمر هو ( مُراقبة البَشر وتَقليدهم والإِنشغال بهم) !!

فعلاً .. العُمر يمشي ، الفُرص تِروح وانتِ اصلاً ماعَرفتي ان هالفُرصة جَاتك بسبب اِنشغالك بأمور مارح تِفيدك .. سَواء مراقبتك للبشر واِنشغالك فيهم ، او خَوفك من البشر ، او كَسلك وحُبك للتِقهوي والتَبطح على الاَطلال!

-اوك شَــاي .. وش هي الأمور اللي تِفيدني وكيف مُمكن اَتجنب هـ ( الحَسرة المُستقبلية) ؟

الأَمر بسيط بس يَبيله ذَكاء ، وَعي ، اِدراك لحَالك وَ وضعك .. طَالعي نفسك ، طَالعي حُولك وخذيلك لَفة بأَفكارك وتَخيلاتك وَ توقعاتك لمُستقبلك من خِلال وَ ضعك الحَالي ..

نَفذي كَلامي ..

رَكزي .. كُوني مَنطقيه .. مُدركة .. وبَلاش من الضَحك على النَفس ..

كَيف وَضعك الحَالي ؟ وَضع مُحيطك ؟ وش اَنجزتي ؟ طُموحك و خُططك وينهم ؟ مادياتك لابد انك فُوق الـ ٢٠ سنة وسواء كُنتي متزوجة ام عَزباء لابد لك تَوقعات مُستقبليه لحالك الَمادي.. دَرستي ولك هِوايات فهل اِستغليتيهم لتَنمية جانب حَياتك المادي ؟ اِدخرتي؟ اِستثمرتي؟

اِحنا 2015 .. طَالبي نَفسك الكَسولة بالمُثول امام مَحكمة ( الذَات) .. واسأليها ماذا انجزت! .. مِثل ماقلت لك اِحنا 2015 زَمن الصَراحه ، الوَاقعية ، الرَكض وراء المَصالح ولو بااَبسط الأُمور .. واتوقع الأَمثلة كثير .. مثلاً جَالسة بالبيت وقدرتي على ان تكوني مَندوبة ( مَشروع تِجارة صُغنن) بس اِستثمار ذَكي يخليك تكتسبين سُمعة عَظيمة ، مَهارة بالتعامل مع المُجتمع، تَقوية لثِقتك ، سُرعة ظُهور النَتائج اللي هي ( المَردود المادي) ..

طبعاً هالشي مِثال من عشرات الاَفكار اللي تُوضح ان البنت العَربية وخاصة الخليجية قادرة ان تِصنع خط معين لها يَخدم مصالحها ..

اِياك والتَذبذُب ، اِياك ومُراقبة الناس دون حَركة ! هالمراقبة والتذَبذب بيكلفك قُدراتك، سَعادتك، فُرصك، رَاحة بالك والاَهم ( عُمرك الغَالي) ..

تِدرون وش مُشكلة البشر ؟

مشكلتهم ( الإِطالة بالتَتنيح ) .. فعلاً ..

يحبون يطالعون غِيرهم ، يشغلون نفسهم بغيرهم ، مع ان ( غِيرهم ) تِعب ، اَنجز ، نَجح ، فَشل ، مَات .. وهم لسه يطالعون متنحين !

مافيه حَركة ، مافيه نَشاط ، مافيه ( اَخذ الزِبدة ) يعني الفَائدة واِستغلالها ..

قِصة قَصيرة للتَوضيح ..

وانا صِغيرة يمكن ثَاني اِبتدائي .. كان فيه بمدرستنا صُندوق كبير مُخصص للأَكل اللي ماياكلونه الطَالبات ، تعرفون واِحنا صغار ناخذ سَاندوتشات من البيت وماناكلها وقت الفُسحة لأن نبي شِبس وشوكولاته وغيره .. مُدرسات المَدرسة قالوا هالصُندوق لكم كلكم فإِحترموا النِعمة وبلاش ترمون سَندوتشاتكم بساحة المدرسة وحطوها بالصَندوق .. طبعاً البنات صغار جداً ولا يعون هالشي واستمروا يرمون الساندوتشات بالسَاحة .. وقتها لَفت نَظري بنت بعمري كانت تَاخذ اي ساندوتش مَرمي بالساحة وتحطه بالصَندوق .. لفتتني يمكن اُسبوع كَامل اَراقبها .. فَجاة المديرة والمدرسات كَرمُوها تَكريم عظيم وكان مُفاجأة واعطوها تَاج بسبب حرصها على النِعمة.. وقتها فَار دمي ( غِيرة اطفال) ..أمي لاحظت وقالت لي ( انتِ شفتيها يومياً ليه ماسويتي مثلها؟ ليه تنحتي فيها ومافكرتي تسوين الصح؟) وقتها فهمت انه انا ما اجمع افكاري ، مصنعي مايشتغل عدل ! سُبحان الله .. بعدها صِرت ممتازة بإِدارة اُموري بمدرستي من نواحي عدة .. اَهتم بالنَشاطات حتى اللي نتايجها بعيدة المَدى .. تعلمت انه لابد فيه مُكافاة بتجيني سَواء من البَشر او برضاي عن ذاتي او بتطوير شَخصيتي ...

طَالعوا الأن .. مثلاً .. اِنشغل العالم بالمَشاهير .. الفَنانة الجَميلة ذات القوام المَمشوق ..

نَطالع فيها ونُعجب ونقرر نركز على انه نبي اَجسامنا مثلها ونداوم على تَمارين وتروح فلوسنا نوادي وفِيتامينات واَنواع البروتين واَجهزة .. ( طبعاً على بالنا اِننا اَذكياء وعندنا غِيرة إِيجابية لأننا نَبي ننجز) .. ماِندري اننا ياحبة عِيني متنحين اكبر تَتنيحه ومانفكر صح ..

هالفَنانة المَشهورة بعيداً عن كونها حَسناء.. فهي مُثقفة .. معاها شَهادة ولها بزنس مُعين او خَط مُعين ماشية فيه ويخدم مَصلحتها .. هالفنانة تَركض ركض ورا مَصالحها.. وقتها ثَمين جداً.. تنجز عدة امور بوقت ضَيق .. بإختصار هالفنانة تبي"the whole package".. الفوائد كلها وهذا حقها.. لكن مين اللي ركز على امر معين وترك بقية المصالح ومتطلبات السعادك والراحة بهالدنيا؟

انتم جاوبوا ..

طبعاً هالمثال وَاقعي بعيداً عن ارآئكم الشَخصية عن الفَنانة الخ... لكن ابي ابين لكم ان البَشر ياخذون الأمور بظَاهرها فقط دون التَدبر بـ مَكمن الفائدة ..

نِحب التتنيح وجَعل حَياتنا عن أَمر واحد ..
مثلا حياتك عن الرَياضة فقط ، لانك تحتاجين تنزلين وزنك فَصار شُغلك الشَاغل جمال الاَجسام ، الرَشاقه ، الاَكل ذو السُعرات الحَرارية القليلة .. نِسيتي سَعادتك ، رَواقك ، مَصالحك، قَلبك ، عَقلك ، والاَهم( تقبلك لنفسك ورِضاك عنها)

لما تِطالعين بشَخص مُعين وتُعجبين فيه ، بطلي تَتنيح ورَكزي واِشتغلي تُكونين اَفضل منه .. بَطلي الُمراقبة (المثيرة للشفقة) دون السَعي لمصالحك.. !

اَحمد الله واَشكره على وُجود الاَفضل مني ، لأن بفضل الله ثم وُجودهم جَعلوني ادرك وش نَاقصني حتى اَكون احسن ، حتى اَعرف طعم مُميز بـ هالحَياة يمكن حتى هالاَشخاص المُميزين بنظري ما ذَاقوه!

بأي امر بهالدِنيا لابد تِسوين اِستراتيجية تِخدمك .. تِفهمين الوضع زين .. تدرسينه.. تعرفين تَبعات الفَشل والنَجاح والأَهم مُتطلبات الإِنجاز ..

كَنك بمعرض لـ لَوحات جَميلة ، لما تقيمين لوحة مُعينة هل تقربين منها كثير وتلصقين فيها بس؟ طبعاً لا .. لابد تَبتعدين شوي عنها وتنظرين لها كَـكُل ، حتى تعرفين عن ماذا تُعبر ووش الجَمال فيها ..

لابد هالشَي تِسوينه بأُمور حياتك ، دَققي بحياتك كنك مِستخدمة مِجهر للتكبير ، ثم طالعي بشكل عَام .. نَبهي نفسك ، تعلمي من اَخطاء غِيرك .. دائماً حطي "Back-up Plan".. "خُطة بديلة" تعينك وتنفعك بأسوأ الحَالات .. اِعتمدي على نفسك .. قَوي ثقتك .. مارسي المرونة بتفنن..

-كيف اُمارس المُرونة بحياتي؟
بـ التَقبل .. تَقبل الفَشل ، النَصيب ، الحُزن ثم المُضي قدما نحو الأمام .. المضي قدماً مو شرط يعتمد على النِسيان ! بل يعتمد على المُحاولة والاِستمرار بطريق هالدنيا .. تقبلي اللي صَار لكن اِياك وجعله يتحكم بسعادتك او مَصالحك! الجأي الى الله سُبحانة ، اِسعي وتوكلي .. اياك والتواكل !

مُوفقين ..

يلزم عليك تسجيل الدخول أولًا لكتابة تعليق.

تسجيل دخول

الحلوه المزيونه💕 • 10 سنوات

جزاك الله خير على هالدرر ماقصرتي يالغلا
××××××

سانغ مي • 10 سنوات

جزاك الله خير
كلام رائع

sosoalcherif • 10 سنوات

موضوع راااااائع ومتميز
👏👏👏
لا عدمنا جمال مواضيعك
سلمت يداك
وسلمتي لنا
يا عسل 🌹

أمل وتفاءل • 10 سنوات

كلامك صح
الكلام هذا لو قريته قبل سنتين كان اقلكم كيف التطبيق
الحمدلله من فضل ربي عليا اني كنت مريضه ماادري ايش ابغى من الحياه
بعد عمليه سويتها المهم اللي صاحني وماكنت قبلها
الامضرب المثل في لحكمه وحسن التصرف
الحمدلله راجعت اموري كلها وتغير تفكيري تمام بعدها برغم المعاناه اللي شفتها لكن رحمة ربي اوسع
موضوع عن الناموس وكيف يستفيد من قدراتها
في برنامج للدكتور راتب النابلسي لو
احد سمع عنه
جدا مميز قلت دحين ناموسه افضل مني انا اللي قلك ابو عقل
وين عقلي مغبته
استودعته عند الله ومن ثم شغلته المحاولات كثير لكن الحمدلله
افضل من الحزن والقعدة في مكاني
وابتليت بانسانه كانت تقولي انت مريضه انت مدري ايش تحقرني والله يابنات
كنت باتجنن وقلت ليش تسوي كدا وبعدين قلت باتدرب عليها كيف اطنش كلامها كيف اقلب كلامها لقوه
مني خايفه احد يطقني عين ولا حسد استودعت نفسي عندالله
ولكن عشان تتعلموا ويكون عملي استعينوا بالله
وابدوا واهم شي لاتظلموا ولاتضروا حتى اللي ظلموكم ادعوا
وربي قريب مجيب

الطرفه • 10 سنوات

أمل وتفاءل :

كلامك صح الكلام هذا لو قريته قبل سنتين كان اقلكم كيف التطبيق الحمدلله من فضل ربي عليا اني كنت مريضه ماادري ايش ابغى من الحياه بعد عمليه سويتها المهم اللي صاحني وماكنت قبلها الامضرب المثل في لحكمه وحسن التصرف الحمدلله راجعت اموري كلها وتغير تفكيري تمام بعدها برغم المعاناه اللي شفتها لكن رحمة ربي اوسع موضوع عن الناموس وكيف يستفيد من قدراتها في برنامج للدكتور راتب النابلسي لو احد سمع عنه جدا مميز قلت دحين ناموسه افضل مني انا اللي قلك ابو عقل وين عقلي مغبته استودعته عند الله ومن ثم شغلته المحاولات كثير لكن الحمدلله افضل من الحزن والقعدة في مكاني وابتليت بانسانه كانت تقولي انت مريضه انت مدري ايش تحقرني والله يابنات كنت باتجنن وقلت ليش تسوي كدا وبعدين قلت باتدرب عليها كيف اطنش كلامها كيف اقلب كلامها لقوه مني خايفه احد يطقني عين ولا حسد استودعت نفسي عندالله ولكن عشان تتعلموا ويكون عملي استعينوا بالله وابدوا واهم شي لاتظلموا ولاتضروا حتى اللي ظلموكم ادعوا وربي قريب مجيب

كلامك صح الكلام هذا لو قريته قبل سنتين كان اقلكم كيف التطبيق الحمدلله من فضل ربي عليا اني كنت...

جمييييل
كل اللي تقولينه ياشاي حلو مثلك 😘
بس احس مواضيعك في تشعب بالافكار والنقاط الكثيره !!!!
هذا مش نقد ولكن انا احس كذا يمكن غيري لا !