بعتمر وبتصدق عن اللي بتحل معاناتي .. لأني والله العظيم تعبت

السلام عليكم
ماعندي أي مشكلة اللي بتقول لي العلاج أعتمر عنها وأتصدق عنها واللي تبيه يصير
بس ألقى حل
عندي أنا مشكلة رائحة العرق مو كمية العرق
طبعاً ريحة العرق اللي تطلع مني مش ريحة العرق المزعجة والكريهة اللي تتخيلونها لاااااا أبداً وأحمد ربي وأشكره أنها ماتوصل كذا
بس تطلع فيني ريحة عرق مزعجة شوي وتزعج اللي حولي وهذا الشي الاحظه فيهم إنهم يبتعدون ويتقرفون
وكمية العرق عندي بسيطة بس من أعرق خلاااااااص
المشكلة هي مهما أحط مزيل ريحة عرق مايفيد معي لأني من أعرق على طول تطلع ريحة عرق غير مستحبة
وهالشي سبب لي أحراج كثير وأنطويت والله على نفسي
لا مناسبات صرت احضرها والدراسة تغيّبت عنها أسبوعين كاملات مما سبب لي نزول بالدرجات
لأن التيتشر بنفسها تتضايق من ريحتي حتى اللي معي وهالشي واضح عليهم إنهم متضايقين
كثيييييير أهتم بنفسي وبنظافتي بشكل محد يتصور أتروش في اليوم مرتين وأحياناً ثلاث مرات
قبل ما أروح للدوام هالشي ضروري بس مع هذا ...
وقبل يومين أنرفضت من عمل بسبب هالشي وهذا اللي تعبني أكثر وضيّق صدري
لأن هي حاكتني على الفون على أنهم موافقين يشتغلوني رغم إن راتبهم بسيط بس حاجتي للعمل وللراتب
المهم لما حضرت كان واضح عليهم إنها تضايقت من الريحة وقالت خلاص بخلّيك في الإحتياط لأننا اكتفينا :44:
وأنا عرفت إنهم ماأكتفوا كثر ماهي متضايقة لأن العمل يترتب الإختلاط فيها كثير
طبعاً كل الكلام هذا مو وسوسة اللي الكثير بيقولها لاااااا أبداً .. أنا متأكدة مليون في المية
رغم إني استعملت تقريباً كل شي كل شي بس مافيه شي جاب لي نتيجة
أستعملت ليمون وهالشي أخفى قليل من ريحة العرق بس ماأخفاها كلياً
وأستعملت مزيل ليدي سبيد ستيك واستعملت شبة مع البودرة
وشبة لحالها وشبة مع مرطب وليمون وبودرة ومافاد معي
قريت إن يمكن خلل في الهرمونات ورحت أشرب بردقوش لمدة شهر وماشفت نتيجة
وابتعدت عن البصل والثوم والبهارات لأن قريت هي اللي تفرز رائحة في الجسم وماشفت نتيجة
واشرب موية ورد مع الموية ولا شفت بعد نتيجة
واستعملت فيبيكس ولا فاد
طيب ايش أعمل ؟!!!!!!!!!
قولولي والله العظيم تعبت بشكل كبير أعتزلت العالم وبحرم نفسي من الدراسة والعمل وأنا بحاجتهم
والدكتور ما أقدر اروح ولا تسألوني عن السبب
تعععععععععبت والله
الله يوسع لها في رزقها ويرزقها من حيث لا تحتسب اللي تحل معاناتي