بعدأشعة الصبغه(الفاجعه)رحم ذو القرنين أم حاجز رحمي

مرحبا يا اخوات ......................اسالكم بالله تفيدوني

بعد مشوار دام سنتين من المنشطات والابر وعدم انتظام الدوره وابر تفجيريه وجلوكوفاج وحمض الفوليك وتعب مادي ونفسي ومن دكتوره لدكتوره ومن ليه سته شهور زواج بديت اتعالج والحين بخلص ثلاث سنين

وتحاليل ودري وشو وجلست ازن على زوجي سوي تحليل الين سوا وطلع سليم

خلال هالفتره ظهر عندي كيس على المبيض وجلست سته شهور معاناه خلطات شغلات تلوع النفس وتحملت وشربتها وما ادراك ما الخلطات جربت واعشاب وعسل ورحت لثلاث ممرخات
كل وحده تقولي شئ اللي مايل واللي نازل واللي فيك هواء

ما في شئ ما سويته تروشت بالسدر انا وزوجي لاسبوع كامل وفي ايام البرد التزمت بالرقيه الشرعيه والاستغفار قريت البقره اربعين يوم

بعدت عن الاسكريم والغازيات والشكلاتات ولشبس والكتشب واكل الفاست فود واشايء كثير احبها
وكل ما سمعت شئ سويته قالولي انحفي
زنيت واشتريت سير كهربائي ونحفت خمسه كيلو بطلوع الروح مع انه المفروض عشره
قالولي

بعد الل ....لا تقومين بسرعه حطي مخده يا ما تعبت زوجي ارفع رجولي لفوق عشر دقايق وهز ني وحط مخده تحت ظهري وانواع الفضايح
لدرجة كنت انزل من السرير واانقلب راسي تحت ورجولي فوق وسانده على الجدار زي القرده تالي الليل ما عاد استحيت من زوجي قلت خليه ينزل للبويضه مع اني احسه نزل بمخي .............(معليه)

عطوني حبوب منع الحمل (انواع الهم ) الين راح الكيس.......طرت فرح وحمدت ربي ومن بعدها صار يسير عندي تبويض وبويضات كويسه

بس ما في حمل .................رحت لمركز سليمان الحبيب وغالي علي بس قلنا خلاص ما بدها توفير يكفي اللي صرفناه

الدكتوره زينب ابو طالب قالت لي سوي أشعة الصبغه......تفائلت قالو كثير حملو بعدها

سويتها ..................طبعا ما بقولكم قد ايش حزنت على نفسي مو من الالم لانه الاخوات اللي سواها خلو بس عيبها الالم
لا حزنت يوم تكشفت شئ يحزن سدحوني وكشاف والدكتوره تحط وتسوي والمساعده رايحه جايه وانا ولا كاني ايش متكشفه وشئ يفشل المهم انا خرجت من الاشعه وانا نفسي ابكي على نفسي بس تمالكت نفسي قدام زوجي ...........وامي واهلي مو عندي وانا بس مع زوجي

المهم ............رحت للدكتوره زينب
وفجعتني بالنتيجه صعقت بالنتيجه ولا عرفت انطق ولا حرف عندها سكت وتنحت وخرجت لاني انصدمت بالنتيجه اللي ما افهم فيها شئ ولا قد سمعت عنا حتى هنا بالمنتدى اللي كل يوم انا فيه

قالت لي الانابيب سليمه بس رحمي طالع ذو القرنين.............وهيه مو متاكده اذا كان ذو القرنين ولا فيه حاجز رحمي يخلي شكله ذو القرنين
قالت لا زم اسوي اشعة الرنين المغناطيسي ........عشان يبان اذا كان رحمي ذو القرنين ولا هناك حاجز رحمي

وذا طلع حاجز رحي لا زم ينشال بعمليه منظار عمليه عمليه جراحيه وبنج لانه مستحيل احمل وهوه فيه
تخيلو بعد ذا كله والخساير النفسيه والماديه
تخيلوا خسرت الف ريال كذا عشان الصبغه وادويتها
والحين اشعة الرنين ب 2000 ريال بس عشان نعرف هل رحمي ذو القرنين ولا فيه حاجز رحمي .

ومن وقتها وانا ابكي من يوم خرجت من الدكتوره وانا ابكي حتى نقابي تخمر زوجي يقولي لا تفشلينا نقابك مخمر ودخلت السياره انفجرت بكى........ ومدري كل ما هديت يوم اصلي ابكي و طول الصلاه وانا ابكي بصوت غصبن عني

والله يا اخوات قلبي مقبوض والدنيا سوده بوجهي حتى رجولي مدري ايش فيها ثقل ماني قادره امشي اصحى من نومي ويطير النوم واجلس ابكي وانا لحالي لا عندي اهلي ولا امي اروح لها كم يوم ارتاح
طول اليوم لحالي زوجي بشغله ويجي الساعه سبعه وانا من الصبح لحالي بس اتذكر ابكي

ادري اني طولتا بس ايش اسوي بموت لو ما فضفضت ..............الله يهديك يا (قلبي مع عيالي )
ما تبغانا نفضفض ولا تبغى المنتدى ينقلب دردشه ............غصبن علينا طيب

مثل حاليتي يا بنات ليه سنتين وانا مو احسب شهر بشهر لا واللله ....اني احسب يوم بيومه والله حياتي وايام تحسب بالدوره وايامها وكم بقي عليها واليوم الكم منها حتى سفري لاهلي بكون بالايام اللي ما نتوقع الحمل فيها وارجع بسرعه

الحين يا اخوات لو رحمي ذو القرنين ...........قالو مافي مشكله بتاخر الحمل مشكلته تبدا اذا تم الحمل

يعني استنى احمل تخيلو وانا ادري لو حملت ممكن اجهض او ولا ده مبكره وصعب الحمل بتؤم


واذا هناك اجز رحمي .....زلا زم عمليه والعمليه خطيره ولها اضرار اذا تمت بشكل خاطئ

وماني عارفه حتى ايش ادعي اقول يارب ما يطلع فيه حاجز ولا ايش.............استغفر الله العظيم


سؤالي لكم يا اخوات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

من تعرف عن حالتي وهل اسوي اشعة الرنين هاذي الغاليه ,,,,,,,,ام هناك وسيله اخرى اشعة الالترا ساوند مثلا ولا اخلي دكتور ثاني يشوف نتيجة الاشعه الصبغه
ولااستمر مع الدكتوره زينب ولا احول ملفي عند الدكتور جعفر توفيق ولا البقنه ؟؟؟؟؟؟؟؟؟؟؟
اسالكم بالله تفيدوني لاني متنحه وخلاص مخي وقف عن التفكير



ومعليه ...........................طولتها بسوالله مالي غيركم





ح