بعدد التعب '

السلام عليكم ورحمة الله وبركاته
الحمدلله على كل حال.
لي فترهه عن المنتدى فالكم وحشه.
،،حب لأخيك المسلم ماتحب لنفسك،،
بتكلم عن مواضيع بسيطه لاكن يشهد علي الله تغيرت حياتي بعدها
اول شيءفي حوشكم في سطح بيتكم سويلك مكان بسيط وحطي فيه طعام يومي للعصافير
كان انتي او اخوانك او اولادك يحطون للعصافير طعام بهذا المكان وخلاص يوميا مشيها ولاتهتمين
وان شاء الله تتيسر امورك .،تيسرتلي امور في حياتي وأشياء ماكنت اتوقعها ابد الحمدلله لك ياربي


الشيء الثاني امك وأبوك مهما قالولك مهما سوو لك بريهم ولاتقصرين معهم صدقيني بتتيسر امورك لك وبتحصلين دعوات حلوه


الشيء الثالث لاتيئسين أبد خليك دائما متفائله خليك انسانه طموحه


الشيء الرابع يابنات أكتبه لكم وانا ابكي الحين فرحه انجاز سويته
مو مدح في نفسي لاكن أبغى كل وحده يائسه بهذا القسم تقوم تنجزماتحط يد على يد وتتشكى
مريت بفتره يابنات ماانام الاثلاث ساعات باليوم شغل بالبيت شغل براى البيت وهم فوق راسي
والحين يابنات نفسي اروح اليوم قبل بكره بعدهذا الانجاز وبعد هذا التعب وبعد هذا الهم لناس الي كانو يتشمتون
والححين الطريق قدامي طويل وافكار ببالي ان شاالله انجزها هذي السنه.


… .تكمله لكلامي الأخير لاتفكرين ب فلانه وعلانه وش قالو عنك فكري بشيء تطمحين له انتي
ثقفي نفسك لو عبر الانترنت خوذي دورات إبدي بحاجه بسيطه وتطلعين فوق
فيه مواضيع اقرها واتعلمها واشاهدها من النت فقط والحمدلله يجون البعض يقولون اخذتها دوره وانا والله مااخذتهابس من كثر مااطلع عليها فهمتها


الحياه حلوه بتعشينها مره وحده ف لاتخربينها بتفكيرك اليائس


كوني طموحه والحمدلله لك يارب على كل حال