بعدعشر سنين صداقه

بقولك قصتي مع من كنت اعتبرها صديقه تزوجت بعدي بسنه وبحكم عمل ازواجنا سافرنا عن اهاليناوتعرفنا ودرسنا سوى وماكان زوجها مقتدر فساعدناه وصار المطبخ مشترك بيننا في بعض الوجبات ورمضان قضيناه مع بعض والمذاكره سوى وكنت اشكي لها وتشكي لي وشاء القدروتحسنت اوضاعهم ونقلو بيت و كنت دايما ازورها وتزورني واحيانا تنام عندي بحكم العمل وانا انام عندها ومشت الايام ومرت سنين اهديها على ولادتها اغلى الهدايا وهي كانت هداياها بسيطه قلت عشان ظروف زوجها شوي صعبه وبعدين فجاه تغيرت وصارت ماتكلمني ويوم اكلمها عادي تسولف معي وكنا نعزمهم يطعلوا معنا تقول بنام وبعدين تكلمني تقول طلعنا قلت يمكن تبغى تطلع مع عيالها لحالهم صرت ادق عليها ماترد وجلست شهرين على ذا الحال واكتشفت انها كانت تقول اسراري كلها لجاراتي وكل السواليف كانت توصلها لهم وزعلوا مني وانا اعتبرتها مثل اخي كنت اشكي لها كل شي يضايقني واخيرا اكتشفت انها عمرها ماحبتني وارتاحت لي وانا والله كنت اكلمها وتكلمني بالساعات توصل لخمس ساعات احيانا اكثروماحسيت من كلامها شي وعلاقتنا يمكن توصل لعشر سنين من عمر ولدي وبنتها وكانوا اولادنا مثل الاخوان واكثر والحين لنا اربع سنوات من قطعنا بعض بس احيانا اقول كم كنت غبيه طيبتي هي اللي سوت فيني كذا وش رايكم في السالفه ولوانتوا مكاني وش بتسوون
انا والله ماندمت الاعلى اني كنت وفيه معها لابعد حد وكنت محترمه الصداقه بس مااقول الا الله يسامحها