بعدين مع لقافة الحريم

السلام عليكم ورحمة الله وبركاته

كيفكم ياحلوات

كتبت الموضوع من باب التسليه لان الظاهره هذي منتشره عند الحريم خصوصا العجايز :mad:

انا ايام المدارس مااحب اطلع كثير ولااشوف قرايب ولا معارف يعني بيت اهلي وام زوجي بس

لما جت العطله عوضت مضبوط كل يوم طالعه وزمان عن الناس


وانا ببداية السادس وبطني كأني بالتاسع مشالله لاحول ولاقوة الا بالله


واحس انه بينفجر من كبره ولما سئلت الدكتوره قالت هذا الحمل ورى بعض يسبب ارتخاء بعضلات البطن :44:

المهم رحت لزواج قريبنا اول يوم صدمه للي شافوني

ثاني ليله اول وحده سلمت علي قالت لي ( مبروك الحمل بس صدمتينا ليه ماقلتي وشو اللي ببطنك ولد اوبنت ) < قبل لاتقول كيف الحال


ثاني وحده جتني تسلم قالت ( يقولون انتي حامل بتوأم ؟ ) < هذي مشهوره بالكذب بس بما معناه يعني اعترفي ان فيك توأم

على العشاء وحده تقول ( كثري اكل علشان الطاقه وانتي تطلقين شكلك بشهرك وانتي ماتعرفين تحسبين او ماتبين تعلمين ) < لاحول انتفها هذي :icon33:

قبل لااطلع قالت اكبر عجوز معمره ( انتي صورتي ؟ شكلك ماتجبين الا عيال :09: انا وجهي الوان قلت اصلا مايهمني قالت اجل ولد بس ماتبين تقولين < لاحظو مصممه الاخت

قلت اجل لاتسئلين لاني انا نفسي مااصدق يعني لوقلت ولد وجبت بنت شراح يكون موقفي؟؟؟
ولو قلت بنت وجبت ولد برضوه بتقولون تكذب



خلصنا الحفله وانا وجهي الوان فشيله وقهر وحامت كبدي من العالم الملقوفه


فيه حرمه ملقوفه وبس مشغوله بخلق الله وفجاءه يقولون فلانه ولدت حتى الحمل تخفيه عن الناس ولاابن امه يدري على بالها كل الناس مثلها مشفوحه ولاشافت خير

ووحده اذا حملت بالبنت تقول ببطني بنت واذا حملت بولد ماتعلم الا اذا ولدت ليه طيب البنت برضوه نعمه وخير وبركه


واذا قلتي لاوالله ماعلمت سونار او مو باين قالو اكيد ولد وخايفه

طيب اذا انا مااصدق السونار وحتى زوجي مااعلمه وكل قصدي عدم ثقه بخبرة الدكتوره او غلط بالسونار