السلام عليكم

حبيبتي من تجربتي الشخصية .. حاولي إنك ما تسيئين لزوجج .. ولا تسيئين الظن

بس خلك حريصة ..

مثلاً أنا عملت جمعية .. أولاً ضيعت حسبته متى راح آخذها ..؟؟!!

ما يعرف متى باخذها ..

الشيء الثاني .. هو يدري إن عامله جمعيه ..

بس لعبت لعب خطيرة وهي إن في فترة احتاج مبلغ .. وقمت أخذت من راتبي

طبعاً هو لا يعرف كم استلم راتب ولا يعرف الحساب ولا الرقم السري

وسلمته مبلغ على أساس إن مستلفة من صديقتي عشان اساعده ..

وإني راح أخذ هالمبلغ من الجمعية ..

يعني انخصم من مبلغ الجمعية .. على اساس ان سلف وبارد السلف لأصحابه ..

رغم إنه من راتبي ..

لما تنزل الجمعية .. على طول راح أخذ هالمبلغ أو راح أطلبهم منه في حالة عطيته الجمعية اللي هو على اساس بيني وبين زوجي سلف من صديقتي .. وبيني وبين نفسي هو من راتبي ..

وأنا دائماً استخدم اسلوب السلف .. أو اسلوب أن الفلوس مو فلوسي .. فلابد إنك تعطيني عشان ارد فلوس الغير

أمور لازم كل زوجة تحتاط لها :

عارفه إن الزوج غالي .. ولا فلوس الدنيا وماقيها ابديها على زوجي

بس الصدر يتكدر لما تدفعين .. ولما تحسين إن زوجك عينه على فلوسك أو سيارتك أو ذهبك وتسحين إنه استغلال .. بس تخافين تهدمين حياتك ...

..

إنتي اهني خليك واعية .. وذكية وعندك افكار

تحافظين فيها على زوجك وعلاقتك به .. وتحافظين على فلوسك .. اللي هي بتكون له ولك .. ولأولادكم ...

والقرش الأبيض ينفع لليوم الأسود

إذا كنتي بتساهمين في بناء مستقبلكم .. بيت الأحلام مثلا .. ممكن تساهمين بمبلغ .. ويكون حقك واضح .. وضوح الشمس وهو لازم يكون عارف بهالشيء .. لأنك يا وخيتي ما تضمين الأيام اللي يايه ولا تضمين زوجك .. اليوم معاك بكرة الله أعلم ..

الله يوفقكم لما فيه الخير والصلاح إن شاء الله

غاليتى وانا اقراء مشكلتك مر قدامي زوجي الغالي

وسئلته وقلت له وحده من الربع تعاني من مشكله


وخبرته عن مشكلتك

تصدقى ايش قال :














قال لا تعطيه وليش تعطيه هذا حقها والمفروض اذا بتعطيه تسئله اذا كان محتاج او في ورطه لا سمح الله
اما ان يحطه بحسابه هذا كلام ما ارضاه لاختى .



اختى اظن نصائح الاخوات في محلها وهم ما قصروا معاج


الله يوفقك يا رب:26:

حبيبتي ماله حق يزعل
واذا زعل خليه يزعل شوي وبعدين يرضى
ماله حق يطالببالفلوس من غير رضاك وبعدين ليش باني اماله على حسابك خليك شديده معاه وقوليله اذا تبغى تصير سلف ودين عليك وخلي هالكلام باوراق رسميه
الرجال يا عيني مالهم امان ابدا ابدا
وخلي تصرفاتك طبيعيه يعني لا تبينين انك خايفه من زعله ترى بعدين يستغل هالشي فيك
وقوليله انا ابغى اسوي فيها مشروع لنا ولعيالنا ان شاء الله
اهم شي ما تضعفين قدام مطالبه وخصوصا اذا كانت ماديه بحته
والله يرزقكم من اوسع ابوابه ويبعد عنكم الزعل الي ماله مناسبه ابدااا

مهى:اكيد ما فيه احسن من الاتفاق من اول اما الفواتير و مصاريف البيت فهي عليه اولا و اخيرا و الحمد لله عمرنا مااختلفنا عليها
أثير الهمس:حطيتي اصبعك علىالجرح هذا اللي قاعده احاول اسويه كيف احافظ على علاقتي معاه و في نفس الوقت احفظ حقوقي المادية......فكرة السلف عجبتني- الله لايحدني- بس اذا صار و انحديت شكلي بسويها
مخلصه لزوجها:الحمد لله زوجي عندة نفس المبدأ حكيت له قصة و حده زوجها ظلمها و اخذ راتبها بعدين طلقها و اخذ العيال و جحدها فلوسها جلس يدعي عليه و يقول هي غلطانه ليش تضعف قدامه .المهم بديت اغرس في قلبه هذي الافكار عشان تكون عليه حجة بعدين
! طـواري !:الحمدلله ابشركم الزعل راح ورجع عااااااااادي ماكأن شيء صار لانه داري في قرارة نفسه انه غلطان و الحمد لله صمدت قدام اول دقة وعدت بسلام

وانا رايي من راي الخوات

ماله حق يزعل وليش الزعل هذا حقك

واصلا مو حلوه في حقه انه يزعل عشان فلوس

تمسكي بحقك بس بحكمه وبتروي بدون ماتجرحيه

ونصيحه اذا بقيتي تستثمرين فلوسك خل استثمارك بعيد عن زوجك

احسن لك واريح لبالك

وتحياتي لك