بعد إرادة الله سبحانه وتعالى هذه تجربتي في الحمل بالبنت والولد

بسم الله الرحمن الرحيم


السلام عليكم ورحمة الله وبركاته.

اخباركم عزيزاتي

هالموضوع من تجربتي الشخصيه ورجاءا اللي مومجربه ومو مصدقه طريقه إنجاب البنت والولد حسب موعد نزل البويضه لا ترد ولا تتفلسف😙

أولا وأخيرا الأمر لله وما بيصير إلا اللي ربنا كاتبه

ثانيا من خلال متابعتي لهالمواضيع بكثره جمعت شويه معلومات عن تحديد جنس الجنين عن طريق العلاقه بين وقت الجماع مع وقت نزول البويضه

في حملي الأول تابعت التبويض لين صارت البويضه ناضجة حجمها 17
وأخذت ابره تفجيريه وقالت لي الدكتوره الجماع يكون بعد 36 ساعه
) طبعا اذا صار الجماع بعد 36 ساعه بتكون البويضه نزلت اكيد وبيكون الجنين ولد بعد أمر الله سبحانه)
بس لمن قلت لزوجي خاف انو البويضه تنزل وماتتلقح وخصوصا انو الدكتوره قالت البويضه اذا نزلت تعيش 24 ساعه
كنا قلقانين خصوصا أنه أول حمل
فصار جماع في نفس اليوم اللي ضربت فيه الابره التفجيريه ( يعني نلعب ع المضمون احسن 🙈 )
يعني حصل الجماع قبل نزول البويضه ب30 ساعه تقريبا
وطلعت المولوده بنت
بس توفت على الولاده والحمدلله دعواتكم ربي يعوضني في حملي الثاني ويتمم لي بخير يارب


وفي حملي الثاني تابعت البويضه لين صارت 18 وأخذت ابره تفجيريه
وانتظرت هالمره لين عدت 30 ساعه على الابره وصار الجماع
والحمدلله اللهم بارك الحين حامل في الرابع وقالو لي ولد بفضل الله

الخلاصة انو لازم تتابعي التبويض واذا ماتحبي تاخذي ابره تفجيريه لازم تتابعي مع الدكتورة لين تعرفي بالسونار انو البويضه نزلت بعدها يصير جماع لإنجاب الولد
واذا تبغي بنت مجرد تقول لك البويضه ناضجة لازم يصير جماع قبل نزول البويضه
لأنو الكروموسومات الذكريه تموت بسرعه ولمن تنزل البويضه تلقى بس الكروموسومات الأنثوية اللي تعيش 72 ساعه

والاعتماد أولا وأخيرا على الله سبحانه وتعالى والإكثار من الاستغفار والباقيات الصالحات والدعاء

دعواتكم ربي يجبر خاطري ويتمم حملي بخير ويجعله سليم من الأمراض تام حسن الخلق والخلقه
ويسهل حمله ووضعه ويهون عليا الوحم والتعب
😔😔😔

والله يرزق كل محرومه الذريه الصالحة ❤❤

ودي لكم🌷🌹🌷🌹