الدولة دعمت المدارس الأهلية واللي المفروض رواتبها 5600 ريال
بس للأسف ما سمعت مدرسة طبقت هالنظام اغلبهم على 2000 ريال !!
والمشكلة رافعين الرسوم على الطلاب وماشفنا زيادة للرواتب ؟؟
والمفروض محد يقبل بهالراتب ونسوي لهم مقاطعه
يايرفعون الرواتب زي العالم والا يسكرون مدارسهم
هزلت !!!!!!

موضوعك جاء ع الجرح
تخيلي اليوم دقو عليه مدرسه ب١٦٠٠ع الاقل انتي ٣٠٠٠حلوه
انا كنت بوافق عشان ابي خبره اللي ذبحونا فيها والمشكله الحكوميه اللي رواتبهم من ٨٠٠٠وطالع ماتبي خبره
وهذولا يبون والله حاله من زين رواتبهم

المهم في الاخير انا رفضتها لان زوجي رافض رفض نهايا يقول لو احنا في حاجته كان عادي تذلين نفسك عشان ١٦٠٠بس خليهم يشبعون فيها محنا ميتين جوع الله يغنينا عن رواتبهم

مافهمتوا ؟؟؟؟؟
مدرسة وظفتني على اساس الراتب 4000
داومت 3 اسابيع
لما جاء توقيع العقود قالوا لا مو 4000 انتي بتاخذين 2500 من الدولة و المالك يعيطك 500 كذا صاروا 3000
احمدي ربك !!!
قلت لا مو على اساس الراتب عشان الكذب مدرسة رافعة رسومها على الطلاب وماخذه المعلمات حجة
قالوا امسكي الباب
قلت ابي راتب ال3 اسابيع ماشتغلكم بلاش
قالوا بنعطيك راتب اسبوعين و اسبوع ما عليه راتب لانه تجريبي!!!
مكتب العمل قالوا مافي شي اسمه تجريبي
قالوا بنعطيك عن كل يوم 50 ريال على اساس ان الرواتب 1500
مكتب العمل قال مو شي قانوني تحسب يوميتي 50 بينما بقية المعلمات يوميتهم 133

الله ينصرك
ويعوضك احسن منها
حكوميه

الله المستعان تخيلوا بس ١٠ الاف معلم ومعلمة انطبقت عليهم الزيادة ٢٠ الف لسى تحت رحمة ربكم

غير اللي انفصلوا وانا اولهم الله كريم

لكن يا بنات قلوا الله يجزاهم خير لا تدعون عليهم الدعوة بيجيك منها نصيب فادعي ان الله يجزاهم خير ويوفقكم ليصيبك منها ويوفقك انت