السلام عليكم ورحمة الله وبركاته
افضل عنايه بنظري ورفاهيه للجسم الترطيب ثم الترطيب ثم الترطيب بعد الاستحمام
لانك وقتها بتكونين نشفتي جلدك من الزيوت الطبيعية اللي زالت مع الاوساخ وفتحت المسام ...
هنا الترطيب شي مهم وضروري.. لان هذا سبب التبقع والخشونه والقشور البيضاء.. لاتنسون من زين مويتنا مويه تحليه مصفاه بكلور ومواد كيماويه ضاره
دكتوره جلديه كانت تقول لامي بخصوص الحساسية لازم بعد الاستحمام تستخدمي كريم اي كريم والجسم مبلول ادهني على جسمك يخفف من الالتهابات الجلديه ويطري الجلد ويطول شبابه
دكتور جلديه اخر قال ان الترطيب المستمر للجلد يشيل الاثار تبع الاكزيما ويصفي البشرة
ممكن انك كمان تعملي لك خلطه من الخلطات اللي ما فيها ريحه وتفتح وتسرعين معدل تفتيح بشرتك
وجهك طبعا اختاري له كريم ليل ونهار ممكن اعطيك خيارات اولاي او لوريال ترطيب وتفتيح هذول جربتهم واعجبوني جدا
اما بالنسبه للشعر فمن الخطا انك تتركينه ينشف بالهواء
راح يجف ويتكسر ...طيب
اول ما تخرجين من الحمام وشعرك مبلول اختاري خلطه من زيوت خفيفة وريحتها حلوه زيت زيتون مريميه وسمسم
نقطي نقطتين بيدينك وافركيها (حطي الشي اللي مايلصق شعرك)
ثم امسحي بيديك على كامل شعرك وكرريها لين تحسي شعرك صار لين مو مزيت ( ممكن كمان اذا عندك خمريه شعر حطي بهااللحظه وهو مبلول )ثم خلخلي شعرك بيدينك
لما يصير نصف مبلول مو ينقط لمي شعرك بيدينك فككي التشابك قد ما تقدري ثم ارفعيه على فوق ولفيه وامسكيه بكلبسه واربطي شعرك بربطه والنتيجه شعر لامع لا بنات افكار وراح يكثف وتقوى الشعرة وتطول
يدينك كذلك رطبيها ما فيه مثل كريم فازلين لليدين ورجولك قشريها بالحجر مو بالمبرد ثم رطبيها بفازلين او خلطات مبيضة والبسي شراب وانعمي برجول رطبه ونظيفه وناعمه
هالشيء خليه عاده مو لمرحله معينه للعمر كله على طوووول .. اذا كنتي تحبين نفسك دلعيها
@لوليتا@ @lolyta_22
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
عن جد اعجبني..
لك ودي