بعد التضحيه وضياع احلى سنين عمري احصل الفشل والخذلان

مساء الخيرات
بدخل بالموضوع بدون مقدمات
انتم اكيد عندكم خلفيه عن مشاكلي واللي ما تعرف بختصر لها مشكلتي
انا تزوجت من شخص مطلق قبلي مرتين والقسمه والنصيب وارادة الله اني اخذه
هل الشخص ضاهرياء اللي يشوفه يقول مشاءالله دين وخلق وامام مسجد
وفي البيت شخص اخر بخيل وما عنده اسلوب احترام يتلفض بالفاض ما تنقال لبنت ناس وطبعا خينات ومكالامات وحتى شكله دب وغير مرتب ممكن يلبس ثوب متمزق عادي مع ان الله معطيه وغني ودايم تفكيره كيف يتزوج وابي وحده مواصفاتها كيت وكيت طبعا المواصفات حتى امير ما يحصلها بااي بنت المهم دايم اشوفه يراسل خطابات ويكذب اما انه يقول مطلق واهو كذاب او متزوج ويكذب بعدد الاطفال طبعا اهو عنده اطفال من اللي قبلي واللي بعدي غير اطفالي وسبق وطلقني وتزوج وبعدها طلق ورجعني
وبعد ما رجعة ما شفت الا الهم وقل القدر وضعه اهو اهو ومشاكل
نجي للي حاصل الان وابي استشيركم فيه
انا قبل اسبوعين عندي اوراق بادائره حكوميه في المدينه اللي فيها اهلي قلت له ودني اسويها رفض قلت بروح مع اهلي اهم يودوني واسويها وفعلا رحت واهو على تواصله مع البنات والخينات والخطابات يعني لا جديد المهم رحت اسوي اوراقي قالو ما نقدر نخلصها لك الا تعدلي بالاحوال انك متزوجه مو مطلقه الاخ ما اضافني بعد ما رجعة المهم سىلته ليش ما تضيف اوراقي توقفة قال ليش اضيف وانا بعدها اشيل واحد وحده بدالك عديتها وسكت واليوم متصل يقول خلاص لا ترجعين وانا بطلق وارد فلانه قلت تبي تتزوج تبي ترد ما يخصني ليش تقول لي وانا فعلا ذى الرجال طايح من عيني مره كارهته وابي اجلس فقط لطفالي الا بدا يهين اهو على اساس انه زعلان لاني تاخرت ما رجعت صار لي اسبوعين واهلي ما فضو يودوني وعندهم مناسبه واهو يعرف قلت تعال اخذني قال بستهزاء انا اجي اخذك حتى مشاويرك مرح اوديك المهم سكر قلت اوك برسل اخوي ياخذ بقيت اغراضي قال لا تجين انتي تاخذينها طنشة
الا شوي يتصل عندك بكره تجين او لا تجين بالمره قلت بكره ما عندي احد يجيبني يومين ثلاثه يمكن ويسكر وبعدها يتصل ويقول اذا بترجعين مافيه مصروف طبعا اهو يعطيني مصروف الف ريال حليب الأطفال والبامبرز منها انا هنى طفح الكيل قلت الف ريال الظمان الاجتماعي يعطينيها ومصروف الاطفال بدال الخمس اللي ترسلها قبل طبعا فترة الطلاق كان يرسل خمس ميه مصروف باخذ بحكم الشرع اقل شي الف وخمس وانتها الاتصال
وانا خبرت امه باللي حاصل لان جد احس ذا الانسان موب طبيعي واخليها بالصوره حتى ما يكذب علي
وبعدها اتصل ويرسل واتس وانا ما رديت
شوركم يا خواتي وش اسوي اتوكل على الله واتطلق مره ثانيه والطلاق افضل لي نفسيا لاني تعبت من ذا الانسان بس يضر اطفالي اهو حنون معهم واهم يحبونه
وكيف احذر الخطابات واعطيهم خبر انه شخص نصاب وكذاب وعكس ما يدعي
جد مابي بنات المسلمين يشوفن اللي شفته وينغشن مثل ما انا انغشية