انا ماتشائمت بس كل الي حولي جابو اولاد وصارو يخبونهم ويتحسسون مني ومن اهلي لان ماعندنا ولاولد بنات في بنات
مدري وش السبب هل هي وراثه والا مكتوب محد يجيب ولد يصير سند له ولبناته انا تعبت نفسيا من التفكير لان كم كلمه جارحه وصلتني من كل جهه وكل يدعي بالولد يحسسوني بالنقص وظروفي سيئه دايم افكر كيف اسعد هالبنات وانا ماعندي حتى دخل ثابت لي او ماديه زينه احس بتعب نفسي وكل شي والحمدالله على كل حال

اخواتي لاتيأسوا ابد الي نسويه اسباب ربي سخرها حتى معرفتنا للمعلومات هذي كلها تسخير من رب العالمين لنا وماننسى ان الله قريب يجيب دعاءنا وظيف بينا الاخوه كل وحد تدعي لبنات الملف والحمد لله هذا من تعلقنا بالله
الله يرزقنا وياكم ذكور صالحين تامين الخلقة

ملف مبارك يارب وفال خير للجميع يارب

فطومه أسال الله أن يمسح قلبك بالرضى بما كتب لك


قال تعالى : { فكان أبواه مؤمنين فخشينا أن يرهقهما طغيانا وكفرا} أي يحملهما حبه على متابعته الكفر، قال قتادة: قد فرح به أبواه حين ولد وحزنا عليه حين قتل، ولو بقي لكان فيه هلاكهما، فليرض امرؤ بقضاء اللّه فإن قضاء اللّه للمؤمن فيما يكره خير له من قضائه فيما يحب، انتهى .


فسبحان من كان ارحم بنا من انفسنا .

يارب ما تشوفينها الا بعد تسع شهور وجنبك احلى ولد

اللهم آمين
انا كنت احسبها من الإمارات ههههه الله يسعدها

تابعي التبويض اذا تقدرين ولا تبالغين في الحميه
لو حملتي بتجلسين تلومين نفسك ليتي تابعت ليتي سويت اعملي بالاسباب حسب استطاعتك

الف الف مبروك البنوته
وماعليك من الناس والبنات رزقهم واسع وبكرا اذا صفو الخطاب عند بابك الكل بيحسدك بعد ما كانوا يخافو منك
بكرا اذا كبرتي وبناتك كل وحده تخدمك من جهه وبيتك ( حي ) و ام العيال بيتها فاضي الكل بيحسدك
بكرا اذا شفتي عيون بنتك اللي ببطنك بتقولين اللي لا يبارك بالناس وكلامهم اللي خلوني احزن علشانك بنت
جدتي جابت عشر بنات. والكل يحسدها الحين على جمعتهم حولها وان بيتها ما يفضي ودايم حول امهم ذي والده وذي زوجها مسافر وذي مسيره عليها
وجارتنا عندها سبع بنات وثلاث اولاد ويسمونها ام البنات وتقول كنت ابكي كل ماجبت بنت والحين بناتها مدرسات ولا نفعها الا هم مع ان اولادها كلهم مناصب ماشاء الله بس والله ما نفعها الا بناتها بس
اقسم بالله تقول لو يرجع بي الزمن كان صحت يوم اجيب الولد مو البنت
ادري ان المجتمع غبي ونظرته قاصره ومايرحم
ادري ان الضغط عليك اقوى من تحملك
وادري انك صرتي حساسه وكل تصرف تتوقعين انك المقصوده لو مو قصدهم
بس نصيحة اخت
رددي اللهم اختر لي الخير حيث كان ثم ارضني به
ادعي بالرضا
وكل صباح ومساء رددي رضيت بالله ربا وبالإسلام دينا وبمحمد صلى الله عليه وسلم نبياً ورسولا
من قالها حين يصبح وحين يمسي كان حقاً على الله ان يرضيه


الله يخليها لك ويحفظها
والله ما ضيعنا الا تفكير هالمجتمع الاهبل


سبحانه نعم اهم شي الثقه بالله

الله يجزاكم خير
الله يرضيني بما كتبه لي ويارب بارك لي في بناتي واعني على تربيتهم واسعادهم