أسأل الله العليم رب العرش العظيم أن يعطي كل وحدة ماتتمنى يااااااارب

هلا كبكوبتي أنا يا عسل قالت لي ضعف شديد وكتبت لي كورس إبر مع الكلوميد مدة ست ايام وارجع لها وتشوف احتاج زيادة أو خلاص والله كريم

فطومة حبيبة قلبي لو تبين شور أخت لك ابعدي فترة عن تجمعنا مو قلة ود بينا لا والله ابيك تريحين تفكيرك شوي من هاجس الحمل بالولد
حبيبة قلبي دائماً اجعلي على لسانك " اللهم رضني وقنعني بما قسمت لي " صدقيني راح تشيلين الفكرة من رأسك على الأقل خلي بنتك يصير عمرها سنتين وبعدها وكلي أمرك لربك وادعي ان يعطيك اللي في بالك
من هالوقت لين تعيدين فكرة الحمل بأعطيك مفاتيح ان شاء الله انها تعطيك ماتتمنين :
الهدف من هالمفاتيح انك تصلحي ما بينك وبين ربك مثال :
&& اول شي شوفي صلاتك اذا فيها نقص كمليه مثل على وقتها زيدي السنن والنوافل
ولاتنسين سهام الليل
حاولي قدر المستطاع تكفلين يتيم وخلي هالموضوع سريرة بينك وبين ربك
تصدقي بكل ما تستطيعين مو شرط مال اي شي اضعف الإيمان الكلمة الطيبة
رددي كل يوم سبحان الله ، الحمد لله ، لا اله الا الله ، الله اكبر على الأقل في اليوم 100 مرة
حاولي قدر المستطاع ان تكونين على وضوء كل ما أحدثتي
&& ثاني شي راعي زوجك واخدميه بعيونك وخليه دايم راضي عنك وفي بالك خلي هالعمل تقرب من رب العالمين لانه ان شاء الله راح يرضى عنك دامك ارضيتي زوجك واسعدتيه
&& بناتك لهم حق كبير عليك اهتمي في أمورهم مو بس أكلهم وشربهم وملابسهم لا الناحية العاطفية قربي لهم توددي لهم العبي معهم دربيهم على أساسيات دينهم ربيهم تربية صحيحة ولاتنسين الاحتساب
&& وأكيد لاتنسين أن لبدنك عليك حقاً متبعي نفسك واهتمي ببشرتك وصحتك رفهي عن نفسك بقدر المستطاع

شوفي يا عسل اذا حاولتي تطبقين أغلب ما ذكرت لك صدقيني راح تحسين بسعادة عمرك ما حسيتي فيها وراحة بال وحتى النوم راح يكون بعمق بإذن الله لأنك ارضيتي ربك اولا ثم زوجك وبناتك وأنفسكم
راح تزيد ثقتك بنفسك اكثر
راح تزيد قناعتك بما وهبك إياه رب العالمين
راح تتغير نظرتك لمن هم حولك صدقيني احيان تصدر من غيرنا حركات عادية وحنا تفسرها غلط ونظلمهم
بسبب تفكيرنا السيء خصوصا اللي جابت ولد ومن القرايب وحتى لو كانت قاصدة راح تتقبلين الموضوع جداً عادي لأن عندك قناعة 100٪ بما أعطاك الله ووهبك إياه

صدقوني يا بنات لو وصلنا لهذي النقطة راح نعيش بسعادة مدى الحياة والاهم ان ربي ان شاء الله راضي عنا
لانه وحده أعلم أيش اللي أصلح لنا
عن نفسي صح أسعى ونفسي أجيب اولاد خصوصا بعد مرض زوجي وحتى اخر تحليل له كان سيء جدا الحمد لله وزادت الهواجيس عنده وتفكيره في البنات
بس عندي يقين تااااام بأن ربي أعلم أين الخير الذي يصلح لنا

نقطة أخييييييرة أبي الكل ينتبه لها هو صح اننا نبذل الأسباب بحذافيرها احيان ولكن ربما بذنب نراه صغيرا الله يريد ويمنع عنا ما نريد يعني لمن تبذلي الأسباب اول شي ابذلي كل الأسباب الدينية ثم الدنيوية يعني ما ينفع اروح أكفل يتيم وانا معاملتي مع خادمتي جداً سيئة اعتبرها انسانة أصلا وقيسي على ذلك في جميع أمور حياتك
هذي رسالة خرجت من قلبي أتمنى توصل قلوبكم يا أحلى وأعز خوات بالدنيااااااا :)

هدوئي روايه مثلي اخر شي اليوم سويته طلع ظل خط وانا متاخره 10 ايام الله يكتب لنا اللي فيه الخير بنتظر الين يوم الاحد واحلل دم تعبت نفسيا الله يرحم حالنا 

حبيبة امها



مدري كيف اشكرك على كلامك

لكن بدعي لك في صلاتي ان الله يرزقك توام ذكور ويشفي زوجك

مرحبا

فطوم اللي فهمته انك حابه تحملين اذا بنتك مابعد خلصت السنتين انتظري لين تخلص،، واستخدمي علاج.  الدكتور عبدالعظيم مثل الاخت ام الاشبال 
مجرد ماقريت موضوعها رحت واخذت الكتاب وجالسه اقراه واستفدت منه كثير