ابكتب تجربتي بالتفصيل برغم سبق وكتبتها بالملفات القديمه بس لعيونكم نعيدها لعلى الله أن ينفع بها
بعد التوكل على الله والثقه بالله بان الله راح يرزقني ماهو خير لي سواء بنت أو ولد اتبعت الآتي :
1- الاكل مفتوح لا حميه ولا غيره بالعكس كنت اكل حلويات بشكل جنوني + كل يوم كنت اشرب حليب مع نسكافية على الريق عشان اصحصح بالجامعه.
2- ماستخدمت اي غسول
3- زوجي ماستخدم شي
4- ثلاث ايام الاخيره من الدورة كنت اسوي مساج لبطني بالزيت الزيتون وادعي بالحمل السليم الطريقه حقت المساج شوفوها باليوتيوب وطبقيها على نفسك
5- قبل الحمل بشهر شريت من موقع امازون فايتمينات خاصة لتقوية البويضه او بالاحرى تحسن من نوع البويضه لان شي مهم للحمل ماهو حجم البويضه المهم نوع البويضه وتخيلو كنت اخذ اربع حبات في اليوم بس كان مفعولها اطلق من التفجير والدكتورات والخربطه اخذتها من اول يوم لدورة لحد يوم التبويض وقفت لحد تحليل الحمل
6- شريت هالجهاز حق التبويض صدق سعره الف ريال من امازون بس دقيق ويستاهل واعتقد انه ادق من الاشعه لانه يحسب لك من اول ساعه لنزول الدوره كابداية يوم لحد افضل يومين للحمل غير كذا انتي بتشوفين معدل ارتفاع الهرمون كل يوم يرتفع المعدل تحللين في نفس وقت تدخيلك لتاريخ نزول الدورة مثلا الدورة نزلت الساعه 4 العصر كل يوم بعد الطهر تحللين الساعه 4 العصر لحد ماتطلع صورة البيضه هاليوم تكنسلينه اليوم الثاني بتطلع لك البيضه مره ثانيه هنا احسبي 20 ساعه وتوكلي على الله فقط مره وحده يكون اللقاء وفالكم الحمل بالولد
الجهاز ماركة كلير بلو برضو لازم تشترين التست حق لانه مايجي معه وكله موجود بامازون تقدرين تطلبينه وفالكم العيال يارب دعواتكم لي بثبات حملي وسلامة طفلي :)
ملاحظة انا سبق وتابعت عند دكتورة وتفجير ومتابعة تبويض وجلست سنتين احاول مالله كتبه إلا في هذا الشهر ولك الحمد عدد ماخلقت وانبت وانزلت من خير من السماء
ابكتب تجربتي بالتفصيل برغم سبق وكتبتها بالملفات القديمه بس لعيونكم نعيدها لعلى الله أن ينفع بها...
ماشاء الله الأخبار الحلوه تهل علينا اللهم لك الحمد ولئن شكرتم لازيدنكم
ان شاء الله تبشرونا باحلى اولاد انتي ومسفهله وخياله ودموع الفرح وشوق ناصر وكل البنات يارب