اهلين ياحلوات

اجل متعقدين هاه

لا تحكمون لين تجربون

هل تركت صديقاتك؟أو ضعفت علاقتك بهن..

تركت اللي علاقتي سطحيةمعهم لكن القريبين مازالت علاقتنا نفسها ويمكن اكثر من اول
أو ضعفت علاقتك بهن..

أو حاولت تقطعين العلاقة بعد الزواج..؟
لا ابدا مستحيل
ولم؟
:)
ما السبب في نظرك..؟
يمكن الوحدة تنشغل او نفسيتها تتغير خصوصا اذا حملت اول الزواج
هل الزواج عائق عن استمرار الصداقة..هل زوجك يمنع عنك صداقاتك ؟
لا البنت نفسها هي اللي تعطيه فرصه يمنعها او يتعود عليها بس المسؤلية تزيد عليها يمكن تنشغل بعض الوقت عكس ما كانت في بيت اهلها هي حرة نفسها,وبعدين بعض البنات الله يهديها ما تعرف توازن بين صداقتها وزوجها بعضهم تهمل زوجها بسبب صديقاتها بها لطريقه ما ألوم الرجال لو منعها من صداقاتها

وبالنسبة اللي يتكبرون او يتغيرون هالحركات مالها داعي واغلبهم وقت البزه سنه سنتين ان طولت بعدين تدربي راسها تدور صديقاتها

والله يزوجكم ويستر عليكم وعلى وخياتي ويرزقكم بالرجل الصالح
آآآآآآآآآآآآآآآآآآىمين يارب

موضوع مرررررررره رائع ونزلت موضوع قبل فتره اشتكى من نفس الحاله مدري ليش كده دا الاسلوب بس اكتشفت شي انو مو كل البنات مثل بعض والله وربي عندي صاحبه مررره كبرت بنظري رحت زواجها بس ماقدرت اسلم عليها ولا احد من اهلها شافني المهم وهيا طول الوقت تسأل اختها وامها عني وهما يقولولها ماجات وتاني يوم زواجها بعد المغرب دقت علي وقالتلي انتي امس ماجيتي الزواج قلتلها الا جيت شوفو كيف الاهتمام والله مررره مقدرتني ولا غيرت رقم جوالها ولا شي مو زي البعض اول شي تسويه تغير رقم جوالها ولا عاد تعطيه لزميلاتها وكل فتره تدق وتسأل مو زي صديقه عمري واللي بيني وبينها شي كبير من يوم ماسافرت بلدها وانخطبت وانا دريت بالصدفه حتى رقم جوالها غيرتو ولا فكرت تعطيني هوا ودحين انقطعت الاخبار بعد معرفه 5 سنين الصراحه خساره الطيب معاها وعندي كمان صديقه متزوجه والله والله لو دقيت عليها وما ردت ما الحق احط الجوال من يدي الا وهيا داقه وتقولي اسفه ما رديت والله في ناس من جد مهما صار ما يتغيروا بالعكس

toty2009
بس اللي مايبي يخسر صديقته مهما سوت وش تسوي ؟؟ انا ماتهون علي العشره وماراح اتنازل عنها بسهوله


ســـــــارونه
طيب واللي يموت بخقاتك وش يسوي :)




لينا الحلوه :

اووووووووووووووف هذي بصراحه (No comment ) الله يعوضك باللي يعرف قدرك



اكره الرجال :

خخخخخخخخخخخخخخخخخ الله يعوضك بزوج يعرف قدرك <<<<---- هالمره نبي زوج :)



مس فوشيا :

والله والله كأنك تتكلمين عني (بصديقتي الثانيه اللي تكلمت عنها بسالفتي) صح انها تكلم تقريبا كل يوم وانا اعترف انها بنت اصول وماهي نكارة عشير والاهم ماهي طفافه بالعرس :) بس وش لي بمكالمات كلها ماتتعلق بي ولا تهمني لدرجه انها نست تسألني عن اخباري وهمومي ولاقلت متضايقه تصرف الموضوع والله انها قبل تزعجني ودي اشوفك ودي اشوفك مشتاقه لك احيانا اواصل عشان امسك اخوي ومايروح ويخليني وانشب بحلقه لحد ما اقابلها بالسوق وتصير هوشات من امي والبيت بس والله ماتهون علي ما اشوفها ... والحين لها شهرين مافكرت تقول بشوفك .....!!!! قلت لها مرتين وماحصل لها!!!!! وقبل لامن ماحصل لها تشوفني تقعد تصيح من القهر .. اما الحين عادي !!
قبل كنت اشيل همومها وواسيها وابديها على نفسي ومصالحها .. لحد ماتعلقت فيني.... وصحيح الى الان تكلمني بس مكالمات جامده ... حتى ماتسالني وش فيك لاشافت صوتي متغير !!!!!! وش دعوه انا امس ماتركتها وهي بحاجتي وهي تركتني خصوصا اني امر بظروف صعبه ابوي اعز انسان على وجه الارض توفى ماصار له 5شهور !! كل يوم اصيح واحترق من جوه .. انا مابيها كذا ابيها زي اول .. وش خانة الصديق اذا ماشال عن صديقه ...تصدقون يابنات ان بأيام العزاء دايسه على حزني واكلمها والغصه واصله حلقي ودموعي تنزل على خدي ولا ابين لها اخاف اضايقها ولاسكرت منها طحت على الارض انتفض من الضغط
بس اخذت من هالزمن حكمه لاضاق صدرك افرش سجادتك واشك لربك فالشكوى لغيره مذله...... لان الكل يتهرب .. فعلا محد يحس .. الكل يبيك الان بوقت الرخاء..

ومع ذلك والله اني ابلع العافيه واسكت واضحك معها واسولف بس احس اني من جوا ميته خلاص صرت مثل الدميه معها وكل ذا عشان ما اخسرها زي ماهي ماتبي تخسرني ... انا انتظر اتقبل هالوضع حتى تمر هالمواقف واتعود عليها... حنا صديقات الى الان الروح بالروح بس المشكله الحين هي (تجاهلها لمشاعري) يمكن ماتبي تنغص حياتها خصوصا انه لسه عروس .مالها شهرين ... ( بس ولو هذه ليست من شيم الكرام)

والله اني مثلك يامس فوشيا اذا سكرت يضيق صدري اكثر ... وهي ياحياتي تكلمني عشان تستانس لاسمعت صوتي .. وانا ماشوف وناسه .. تصدقون لاصحيت من النوم ادعي انها ماتدق اليوم مالي خلق يضيق صدري زياده .. وهذا مؤقتا لحد ما اتأقلم على هالوضع

انا معتبرتها الان نزوه مؤقته ومتأكده انها بتتغير (متأكده ماراح تخيب الظن)

يكفيني بالدنيا وجودها عسى الله يطول بعمرها في طاعته .. قولوا امين
الله يوفقها (انا مايهمني الحين الا ان الله يوفقها بزواجها وان زوجها يصير رجال ابن رجال ومايذلها ويهينها )





شهوده :
حياك ياقلبي



هناء القلب:
معك حق بس انا ما اتكلم عن البنات الطايشات الموضوع اكبر من كذا انا اتكلم عن وحده منحتيها لقب (صديقه)!!!!!!

همسة غلا:
نفس السؤال اطرحه لكم .. والاجابه تختلف من شخص لشخص تبعا لطبع الصديق !!


حلى البحرين :
الله يوفقنا واياك ياقلبي


تفاءلي بالخير:
مافيه سر ولاشي ... فيه قطاعه .. والبعض فيهم نذاله ... والا مافيه شي يشغلك عن احد تحبينه


لانا :
اعلمك ليش؟؟؟؟؟؟ لانهم صديقات ثانوي دخلوا الجامعه وتعرفوا على اجناس واجناس... واغلب صداقات الثانوي غير ناضجه



اميره بكلمتي :

ماشاء الله لاقوة الا بالله ( كلكم يساعد) مب وحده بوادي والثانيه بوداي.. الله يوفقكم

PINK
ننتظر السبب وهو واحد من اثنين (يا اما سحبوا عليك والا انتي سحبتي وزوجك يسحب معك خخخخخخخخخخخ)




في قلبي صغيرتي:
اعوذبالله وش هالادميه معقوووووووووووله توصل فيهم الدناءه لكذا !!!!!!! ياعمري والله اني تعاطفت معك بشكل وحسيت فيك
الله يعوضك باللي احسن منها ....... وزين ماسويتي خليها تخجل من نفسها هذا اذا عندها احساس !!!!!!



بندوره:

ياقلبي ردك يطمن وفعلا مو كل البنات زي بعض ......... بس ولوووووووووووو الاغلبيه سحابات خخخخخخخخخخخخخخ



دودي عيون مودي:


ياقلبي انتي .. خسرتي وحده ماتستاهلك بس ربحتي اللي يستاهلونك ..



ووووووووووووووووووووووووووووووووووووووه تعبت واخيرا خلصت :)

شوفي يختي

انا تزوجت ما سويت ربع فعايل صديقاتي اللي كبرت انا وياهم سوا

اول وحده تزوجت قبلي اشتريت لها هديه اول ما رجعت من السفر واوديه لها


وجات للكليه حشى خربت اخلاقها

تتحاشى الجلسه معي وانا معها ساكته

وتحاول تتكلم مع غيري وتقط وجهها عالبنات وتجلس معهم وتتركني

اول شي اخذت بخاطري

بعدين خليتها براحتها

لين جا اليوم اللي شله من هالشلات اللي تقط وجهها عليهم قامو يتخبون منها يبون ياخذون راحتهم

ولما سمعتهم يوم يقول (اسكتو فلانه القلق جات)

من يومها صارت تقعد معي وعرفت ان الله حق بس انا طنشتها

وبس بعد فتره بدت تتعدل وبعد زواجي صارت ممتازه معي وتسولف مدري وش الفرق

انا جيت من شهر العسل جبت للكل هدايا وعطيتهم

وهم كله يسافرون برا مع ازواجهم حتى سوالف ما يحكون لي (شكلهم يخافون من العين بس انا ليش ما خفت زيهم؟؟؟؟؟)

وعاد الاخيره توها متزوجه

انقطعت خييييير شررررررر

عالنت قدامي ليل ونهار ما تسلم ولا تتصل ولا كاني موجوده

واخر وحده صديقة الطفوله هذي هي متزوجه مالها شهرين

اقسم بالله رحت بيتها وهديتها هديه ومعي امي

وعزمناها تجينا ابد تقول طيب ولا تجي بتاتا


وبالعيد كنا نكلم بعض الصبح هالعيد حتى مسج ما ارسلت

واخواتها دقو علي وهي صديقتي ما دقت علي

اخواتها بعد قالو لي انها تغيرت حتى عليهم ولا عاد تتصل ولا تسأل عليهم بس تكلم امها وتقفل:(

وش اقول غير مدري ليش كذا البنات

اشوف زوجي اهم شي عنده اخوياه ويضحك معهم وانا عروس يكلمهم ويفلونها وانا معه ومحد يسأل علي



البنات يسوون حساسيه مره وعيب اكلم عند زوجي

طيب هو ليش يكلم وعادي

بالعكس يضيق لو كلمت بعيد عنه لكن لو قدامه يفرح لانك ما تتخبين عنه

ووحده من صديقاتي الحين سافرت لمصر

تخيلو دقت على الكل تعايدهم من مصر الا انا!!!!

مع اني اقرب وحده لها بس ايش السر مو عارفه ابد


:(

هل تركت صديقاتك؟
لا

أو ضعفت علاقتك بهن.. منهم مو مني

أو حاولت تقطعين العلاقة بعد الزواج..؟
لا ابد


ولم؟
يعني وش في الزواج يمنع (مسؤليه )

والله مكالمة مرتين بالاسبوع ماتضر ابد

ما السبب في نظرك..؟
يمكن يحبون النوم كثير خخخخخخخخ

اعرف نص صديقاتي لا دقيت عليهم قلت كيفك تقول والله نايمه

وكيف ستكون علاقتك بهن بعد الزواج..؟
انا متزوجه وربي شاهد علي اني افرح لهم بالزواج والحمل والذريه وان عيالهم زي ابني واحبهم

بس لما شافو ابني هم ما باسوه بس من بعيد يلاعبونه وانا صور بناتهم وربي شاهد علي احفظها بجوالي من حبي لهم

وما هي نظرتك تجاه من تقطع علاقتها مع صديقاتها بمجرد أنها تزوجت؟
معقده وماعندها شخصيه وكنت بالنسبه لها مجرد وحده تقضي معها وقت الدوام

انا ردي راح يكون نفس رد العضوه الاخت اللي باقي من عمري..

انا نفسكم صديقتي بعد ماتزوجت ماعادت هي اللي انا اعرف قلت يمكن ظروف الزواج
والحياة الجديده لكن مع مرور الوقت بدت تتجاهلني ومشاعري مو مهمه عنده وكل ماعاتبت قالت
بكرا تتزوجين وتعذرينن لحد بديت مااعاتبه لانه بتقول لي نفس الاعذار اللي كل يوم تقوله واللي اساسا ماتقنعن..

المهم انه بديت انا اتجاهله ومااهتم كثير فيها لحد ماعودت نفسي على عدم وجوده بحياتي الا بشكل بسيط..

صارت علاقتي معه مثل علاقة زماله يعني المكالمه مره بالشهرومافيها سواليف إذا طولت خمس دقايق..
وبالاخير بديت افضل اني ارسل رسايل بدل المكالمات لاني بديت مااحب اسمع صوته عشان ما اتذكر سواليفنا قبل:(
في البدايه كان صعب علي اني ابعد عنه لانه عشرة عمر انا وياه بس مع الوقت صار شيء عاااااااااااااااادي عندي خصوصا بعد دخولي الجامعه تعرفت على بنات كثييييير ولهيت بدراستي لاني داخله قسم صعب شوي ويبيله شده:06:

اناماألومه الا على الوعود اللي كانت تقولهم لي قبل زواجه اللي سرعان ماتلاشوا ومابقى منهم شيء>>>ياعيني عاالعربيه الفصحى:p لانه الكلام شيء والفعل شيء ثاني..

والدرس اللي تعلمته اني مااتعلق باي صديقه لي وحتى انا صرت من النوع اللي مااحب انه احد يتعلق فيني يعني صداااااااقه قويه بس مو لدرجة التعلق...

وسلامتكم>>>>>واخيراااااااا وصلت للنهايه:22:

ويعطيكم العافيه...