طيب يابنات ممكن نتناقش بكم سؤال الان :
للمجروحات فقط : بأعتقادكم ليش يسوون الحركات هذي ؟؟؟
للمتزوجات فقط: لو منعك زوجك من صديقة العمر وش موقفك؟؟؟؟؟؟؟؟
تتنازلين عليها بسهوله والا تحاولين اقناعه والا تطنشينه ؟؟؟؟؟؟
طيب يابنات ممكن نتناقش بكم سؤال الان :
للمجروحات فقط : بأعتقادكم ليش يسوون الحركات هذي...
ما عندي في البلد الا اربع صديقات تقريبا..كنت اعتبرهم المقربات طبعا.. اثنين تغيروا تماما من اول ما انخطبوا و وحده شكلها كانت ناوية تقطع العلاقة تماما و بالفعل استمرت على هالطريج لحد ما مسحت الكل و الاجمع.. و الثانية لحد ما تزوجت و عقب ما ملت من زوجها بدت تدور علي لكن النفس خلاص تغيرت.. صح بينا سلام و كلام بس العلاقة رسمية جدا جدا جدا جدا و احس انها صارت اقرب لانكم تسمونها سخافة من صداقة.. الثالثة انا ليومكم مو فاهمة شنو علاقتي فيها بالضبط... خخخخخخ
اما الرابعة فهي العسل كله .. يا حبيلها... رتبنا كل زواجها مع بعض.. و حضرت لها كل حفلات عرسها و حضرت حملها و ولادتها و ما انقطعنا عن بعض ابددددا.. حتى عقب ما تزوجت و عشت مع زوجي برى البلد ما انقطعت عني ابد و لا انقطعت عنها... الحمدلله .. الله يخلينا لبعض و لا يحرمنا من بعض..
عندي صديقات من برى بلدي.. بعضهم تزوجوا و بعضهم لا.. و اللي تزوجوا صار عندهم عيال .. لكنهم و الله عسل لا تغيروا و لا شيء و دايما ندعي الله يجمعنا عشان عيالنا يلعبون مع بعض نفس ما كنا نقعد مع بعض ايام الجامعة.. و دايما نحلم انا عيالنا يصيرون ربع نفس ما احنا كلنا ربع و صديقات.. الله يخليهم لي ياا رب و لا يحرمني منهم...
من ناحيتي ما تغيرت سواء قبل الزواج او بعده الا على اللي تغيروا علي.. لاني حسيتهم فشوش و لا منهم فايدة.. بس ابد ما تغيرت مع اي حد على طول اسأل و اتصل و ارسل مسجات و حتى لو ربعي المتزوجات او غير المتزوجات انشغلوا عني و اقطعوني اعذرهم بس ما اقطعهم ابدا و الحمدلله...