وينك يا قمر وينك

تكفين وينك كملي

ننتظرك ياقمووورة

مشكورين على الردود واليوم ان شاء الله بيكون البارت طويل
نكمل
صالحه:لاتنادينها ولاشي ماراح ترد عليك
روان:وش السالفه وش صاير
شذى:لايكون ما تبيني اجلس معكم..خلاص بقوم عشان ماازعجكم
صالحه:لااجلسي انتي مننا وفينا اسمعو السالفه..أخوي راح يخطب عايشه وأخوها خطبني وبكره الشوفه حقت عائشه وبعد شوفتي
روان+سميه+هديل:ألف الصلاة والسلام عليك ياحبيب الله محمد لولولولوش
صالحه: بس عاد فضحتونا
شذى:بس هذي السالفه
صالحه:لا..من انخطبت عايشه صارت رافعه خشمها على الرايح والجاي حتى على ابوها وامها
روان:انتقلت العدوى من ندى اختي
هديل:بسم الله على عشعش من اختك
سميه:وعلى ايش ياحسره رافعه خشمهاعشان انخطبت حتى انا انخطبت
روان:مين خطبك..أكيد راعي البلديه الهندي
سميه:ويه ماالت عليك
صالحه تقاطع:أنا قلتلكم السالفه عشان تحلون مشكلتي مو تزيدون الطين بله
روان:طيب انا بروح اكلمها>راحت
هديل:هالروان هذي انا خايفه انها تقلب المشكله فوق تحت مو تحلها
سميه:خلي امنيتها تتحقق
شذى:اي امنيه
صالحه:روان تتمنى انها تحل مشاكل العالم الإجتماعيه
هديل:خليها تحل مشكلتها بعدين مشاكل الناس
صالحه:روان مشكلتها بيد ابوها وبس
سميه:يا قلبي ياروان والله انها تقطع القلب
هديل:ايه والله 17سنه ماشافت امها..انا لوماشفت امي يوم انجنيت
شذى:هذي صبوره..وابتسامتها متفارقها
صالحه:من يوم ماعرفت روان وشعارها ابتسامتها الله يديم عليها هالإبتسامه
سميه:بنات وش رايكم نكتب لأبوها ونعطيه اشرطه محاضرات عن قاطع الرحم
هديل:والله خوش فكره متى التنفيذ
صالحه:التنفيذ يكون يوم الثلاثاء لأنه في بالي شي والى الأن ماخلصته وإذا صار ابقولكم بكره
شذى:الحين تقوليه حدي متحمسه
صالحه: الى الأن الفكره تحوس براسي بس اصبرو علي شوي
نروح عند روان وعايشه
روان:وأخيرا لقيتها حشى دورت المدرسه كلها
روان تنادي عائشه:عايشه يا عايشه
عايشه:خير وش تبين
روان:أفا كذا ياعايشه تقولين لصديقتك
عايشه:وش تبين وخلصيني
روان:عرفت السالفه وأبي اعرف وشوله رفع الخشم عشان انخطبتي بس
عايشه:لابس انتم فاهمين غلط
روان:اجل عشان شنو
عايشه:.......>لارد
روان:الله يهديك ياعايشه انتي تدرين انه مايدخل الجنه من كان في قلبه ذرة من كبر ماسمعتي حديث الرسول صلى الله عليه وسلم
عايشه:إلا سمعته
روان:أجل انتي عارفه وش يصير بالمتكبر..انتي اختي وصديقتي وماأبي يكون فيك صفة التكبر لأني أحبك عشان كذا انصحك
عايشه:انا اسفه ياروان..وان شاء الله من اليوم ورايح ماراح اتكبر على اي مخلوق
روان:فديتك..ولاتنسين انه المتكبر هو الله سبحانه وبس هذي من اسمائه
عايشه:كلامك درر.. خلاص انا اقتنعت تنفعين تحلين مشاكل العالم الإجتماعيه
روان:هههه ربي يسلمك..ايه صح الف الف مبروووووك
عايشه:الله يبارك فيك وعقــ....أوه اسفه
روان:لاعادي..نروح للشله وشرايك
عايشه:شمينا >وراحو للشله
روان:بنات وين سمسمتنا
صالحه: راحت تشوف المصلى وش فيه
هديل:خلاص صافيه لبن
عايشه:ايه
شذى:حلو والله..أهنيك ياروان
وشوي وسميه جايه طايره وبرجه قالت:بنات..بنات
شذى:وشفيك يابنت الحلال
سميه بهدوء وبروده:فيه محاضره بالمصلى
عايشه:الله يقطع ابليسك عوايدك
سميه:هلا عايشه خلاص رضيتي
روان:ايه رضت
هديل: أقول خلونا نمشي نسمع المحاضره أزين
سميه:لابعد الي تلقي المحاضره ابله صباح خطيـــــره في القاء المحاضرات
روان:وناســه يلا قومو وش تنتظرون
وراحو المصلى وجلسو يسمعون المحاضره وكانت عن الأم وابجيبلكم من آخر الكلام
أبله صباح:والله يابنات انو فيه بعض البنات مايشوفون امهاتهم إلا بعد5أو3سنوات لهدرجه صارت الأم عندها ولاشي
الأم..تتعب وتشقى وتسهر وحملتك 9شهور فيكون هذا جزاءها>وبكت
وشوي وقالت:أنا عند قصه على شكل أنشوده عن ولد ربته امه ويوم كبر وتزوج رماها بدار المسنين اسمعو وتعظو يامن تعقون بوالديكم
وان شاء الله مايكون بينا عاقه<وهذا رابط انشودة وين انت ياحمدان

أما روان حاله لايرثى لهاتصيح صياح موطبيعي وأبله صباح لاحظت هذا الشئ وأول مره تشوف روان زي كذا تصيح المهم خلصت المحاضره وروان تبكي حاولو البنات يهدونها لكن مافي فايده نادتها ابله صباح وودتها لغرفتها وجلست تهدي روان إلى ان هدأت وبعد ماهدأت حكتلها قصتها بأنها ماشافت امها من17سنه ولا تعرف ولاشي عنها حتى اسمها
ابله صباح:لاحول ولاقوة الابالله..حسبي الله ونعم الوكيل..أنا بدعيلك ليل نهار وان شاء الله ربي يستجيب لدعائي
روان:الله يجزاك خير ياابله
ابله صباح:صفرت..الحين بيوزعون الشهايد
روان: الله يعين
ابله صباح:عساك الأولى ان شاء الله
روان:أميـــــــــن..مشكوره يااستاذه ماقصرتي والحين انا استأذن مع السلامه
ابله صباح:مع السلامه
روان طلعت من الغرفه وكانت الشله بإنتظارها ومعرووف لازم الأسئله وروان ماقالتلهم المهم دخلو الفصل وسواليف وضحك ودخلت المعلمه وبأقوى شئ عندها ضربت الباب بيدها وصار الفصل هدوووووء
أبله هناء:يلا يابنات إلي اقول اسمها تطلع وتوقع وتأخذ شهادتها
رهف>طالبه من الفصل:طيب يااستاذه لمين الهدايا الي معاك
سحر>طالبه من الفصل:أكيد للأولى والثانيه والثالثه
ابله هناء:حتى اخر يوم اللقافه منتشره..نبدأبتوزيع الشهدات وبدون اسئله مالها داعي
العنود<طالبه من الفصل:طيب انتي بتقولين بترتيب الحروف لأني اباخذ الشهاده وأطلع
ابله هناء:اسمك اول واحد خذي الشهاده وألف مبروك
وأعطت المعلمه العنود شهادتها وراحت
أبله هناء:نبدأ بالأسماء أي وحدة اقول اسمها تجي توقع وبدون اي صراخ او تصفيق
وأعطت الطالبات وجاء دور روان
أبله هناء:روان محمد ال.......
روان:نعم
ابله هناء:نعامه ترفسك تعالي خذي الشهادة
روان:طيب>وجت روان واستلمت الشهاده
روان بفرحة ودموع الفرحة واضحة وبصراخ: الاولــــــــــــــــــــــى
البنات بصراخ : مبرووووووووووووووووك ماشاء الله تبارك الله < تصفيق
ابلة هناء: بس انتي وياها وش قلتلكم انا في بداية الحصه
تهاني<طالبه من الفصل: يااستاذه خلينا نستانس وخلي روان تحس انها الاولى
روان: مشكوووووووورين والله يابانات فصلي بصراحة حسيت اني تخرجت مو بس الاوولى
ابلة هناء: روان هذي مني لك
روان: مشكوره ياابلة هناء
البنات: تصفيــــــــــــــــــــــــــــــق كلهم
ابلة هناء : يلانكمل الشهايد
واعطت كل وحده شهادتها واعطت الهدايا للثانيه والثالثه وبعدها خرجو من الفصل واجتمعت الشلة ومعهم شذى
روان: بنات نسبتي 99,50% باركولي
البنات: ماشاء الله تبارك الرحمن الف مبرووووووك << صفقولها
سميه: انا نسبتي 90 %
عايشه: وانا نسبتي 90,50%
روان: حلووووووووو والف الف مبرووووك
هديل : انا جايبه 98%
صالحه : فقاشة<< بمعنى كذابة
البنات: هههههههههههههههههه
هديل: نسبتي 88%
صالحه: انا 95%
شذى: حلوة نسبكم على دجتكم هذي
روان: ههههه ماتوقعت هالنسبة ابد بس الحمدلله
سميه: بنات شوفو هذيك وشلون لابسه
صالحة : الحمدلله والشكر هذا البنطلون طالعين الحين فيه
روان: ايه صح اسمه سكني
هديل: هههههههه اسكيني
عايشه: مدري شلون تتنفس مره ضيق حرام والله
وشوي جت جازي صديقة قديمه للبنات : هـــــــاي بنات
البنات بدون نفس: وعليكم السلام
جازي: روان تعالي شوي
روان: طيب < راحت عندها
جازي: صراحه ياروان في وحده من زمان تبي تخاويك واليوم آخر يوم وودها تمشي معك
روان: اهااااا.. بس انا مااحب هالحركات وانتي تعرفيني
جازي: ايه صح .. بس هي مؤدبة وشاطرة وماتحب شغل الاعجاب بس تمشي معك
روان: طيب ليش مايكون اول يوم بالسنه الجايه
جازي: لامايصلح اليوم
روان: اجل الساعه 9 ونص
جازي: اوكي يارسمي
روان: هههههه < راحت عند البنات
هديل : اما ياصالحه ايوه ووش قلتو
صالحه: دخلنا قسم كل ابوه متزوجات وسوينا انفسنا متزوجات ونحل المشاكل
روان: وش السالفه
عايشه: صالحه تقول انها تعرفت على وحده بالمنتدى اسمها حولا بس مركزه وجلسو يقرقرون وبعدين دخلو قسم كله متزوجات وجلسو يحلون المشاكل
روان: صلوحه انتي لقبك قمر اليابان
صالحه: ايه كيف عرفتي
روان: انا حولا بس مركزه
صالحه: الله يقطع ابليسك
البنات: هههههههههههههههههههههههههههههه
روان: بس اخذت تهزيئ كلهم يدعولي بالتعدد
عايشه: حرام عليكم التعدد يكسر خاطر الاولى
صالحه: صحيح انه يكسر خاطر الاولى لكن هي غلطانه ليش ماتعطيه كل حقوقه
روان: وفيه حريم اعوذ بالله تبي تفتن بين الزوج وزوجته بأي طريقة
سميه: ايه والله يقهرون الي كذا
روان: وش لنا والزواج غيرو السالفة
صالحه: عطونا نصايحكم
شذى: اذا صار يوم ملكتك ابعطيك كتاب نصائح مو نصيحه
سميه: تخيلو يابنات يوم السبت رحت مع امي السوق وصارلي موقف لااحسد عليه
روان تقاطعها: اكيد طحتي اول مادخلتي
عايشه: لا هندي حسبك زوجته
شذى: لايمكن ضيعت امها وراحت عند الشرطي وقالتله
صالحه: لا اكيد وحده اندونيسيه حسبتك شغالة مثلها
هديل: بس انتي وياها ماقالتلكم خمنو توها تبي تتكلم
سميه: فديت هدوله ياناس
هديل: فداك الكون
سميه: كل مواقفكم غلط صارلي انه كنت بمحل اكسسوار وتعرفون وش الاكسسوار بالنسبه لي المهم انا اندمجت مع السلاسل والاساور وامي اخذت كم غرض وطلعت وقالتلي لكن مع الاندماج نسيت ويوم اخت الاغراض الي ابيها رحت عند المحاسب شفت شنطة مثل شنطة امي فاخذتها وطلعت الفلوس والحرمة تصارخ فلوووووووووووووووووسي حراميه
عاد انا كلش الا الحراميه نسيت شنطتها معي وانحشت وهي تنادي الامن الي بالسووووق ويلحقون وراي ونا خايفة طبعا في الاخير مسكوني وقلتلهم والله ماادري هذي الشنطه مثل شنطة امي عشان كذا فتحتها واخذت الفلوس .. وفي الاخير طلعت براءة لكن امي تقولي لااعرفك ولا تعرفيني لانها متفشله مني
البنات: ههههههههههههههههههههههههههههههههه< دوع تنزل من الضحك
روان: الله يقطع ابليسك لو اخوي عبدالله كان طلع من السووق
عايشه: حتى انا اهم شئ انهم مايتفشلون
صالحه: هههه .. تستاهليم الي جاك
شذى: صلوحه نذله
هديل: لو انا مكان امك كان قلتلهم كذابه مااعرفها .. وناسه تصير قصة بوليسيه
سميه: اقول تعليقاتكم زي وجيهكم
شذى: يعني حلوة
سميه: لا خااااااااااااااااااايسه
روان: انا بموووت من الجوووووع
هديل : اصلا انتي ميته ميته
عايشه: مو علي
سميه: على صلوحه قومي
صالحه: انا اقول ياجماعه الفلس << يعني الطفرانين اننا نخلي الشراء على شذى علشانها اول مره تداوم
شذى: وانا اقول نوووو
روان: صالحه قومي وبلا اعذار
شوي مر من جنبهم الاميرات الخمسه << عرفتوهم
هبه: ولك شوفي هم كيف لابسين كانهم لسى صغار
سماهر: والله انك صادقه لا ووردي بعد بزران لآخر درجه
عايشه: والله مالبزر الا الي قال علينا بزر
هبه: شو بتقصدي يعني انا وسماهر صغار
عايشه: ايه نعم وش عندك
روان: لو سمحتو مانبي مشاكل اليوم خلونا مروقين
ناديه : ماراح اعديلكم مقلب عصير الفيمتو
مها : فوتنا البيبسي وفوتنا الصرصور وقوتنا مقالب كثيرة لكن الفيمتو لا
سميه: هههه ليه تفشلتو
هبه: سؤالك هذ جدا غبي
هديل: والله مالغبي الا الي قاله
صالحه: انتم تبون المشاكل انا عارفه .. لوسمحتو ماكن ماجيتو ارجعوله ولا يصير كلام ثاني
مها: لا قومو طقونا أحسن
روان وقفت: أشوف طالت وتشمخت
شذى: اكسرو الشر
سماهر مطنشة كلام شذى: أقول يالهيكل العظمي انتي لو امسكك كفختك
وشوي الا والدوريات واصله << يعني النظام
نجلاء< من الدوريات: حتى يوم الشهايد بتتطاقون خلاص
ملاك<< من الدوريات : خلاص يابنات ولا ابوديكم لابلة نوووف
عايشه: لاخلاص
وراحو البنات وجلست الشلة تكمل سوالف الى الساعه 9 ونص وراحت روان تتمشى مع أبرار < خويتها





التكمله بكررررررررررررررررررررررررررررره
نشووووووووف هل بيصير شئ لروان اذا مشت مع ابرار؟؟
الاهل وش بيقولون عن الشهادة؟؟
ابو روان بيفرح ببنته ولا كالعاده ما همه ؟؟
انتظروووووووووووووووووني غدا ان شاء الله
والله ايدني تكسرت اتمنى يكووووووووووووووون البارت طووووووووووووووووويل وييعجبكم
والف الف الف شكر لكل من يقرأ قصتي

بصراحه مو حلوه



























































هههههههههههه


الا تجنن ماشاء الله عجبتني والله يوفقك