اختي وعود الهيام لا اتغلى ولا شئ
وشلون أتغلى على حبايبي ... بس والله ظروووووووووووووووووووووف واختبارات والاهل مايخلوني ادخل في نص الاسبوع بس اربعاء وخميس وجمعه
والقصه خياااااااااااااااااااااااااااااااااااااليه من خيالي الخصب يعني من تأليفي
الصفحة الأخيرة
مساكم الله بالخير
لعيون إلي طفشو ولي يتابعوني وينتظروني كتبتلكم بارت طووووووووووووووووووووووووووووويل
بكرة ماعلي إختبار فحاولت مع أمي إني أكتبتلكم والحمد لله رضت:39:
توتي سويت:لبى الطفشان والله
عائشه المشرقة: مشكورة ياعسل على سؤالك عني واختباراتي تسلم عليك >>اهم شئ:hahaha:
إختباراتي فل الفل والحمد لله والفضل لله ثم دعاويكم الله يجزاكم خير واليوم كان علي اختبار النحو والحمدلله يهبل
يعني 10 على 10 بإذن الله:27:
وباقي البنات الي ماذكرتهم مشكورين ياحبيباتي على تفاعلكم معي
أحــــــــــــــــــــــــــبكم كلكم :35:
نكمل يا احلى بنات حواء
دخلت روان السيارة:السلام عليكم
العم سعد + العمه سهام:وعليكم السلام
روان:وين نجود ولا ماراح تجي معنا؟
العم سعد:نجود عند آلاء عشان تساعدها
روان:وليه ماأخذتوني من بدري كان يمديني ساعدتهم
عمه سهام:إنتي جيتك أحلا مساعده بالدنيا
روان:أكيد مو أنا روان
العم سعد:ياشين الواثق
عمه سهام+روان:ههههههههه
وصلو البيت وستقبلتهم آلاء وبعد السلام والسؤال عن الحال جلسوبمجلس الحريم
آلاء:نور نور البيت
روان:منور بأهله..إلا وين نجود
آلاء:الحين تجي
روان:وليش جالسين بالمجلس ترانا من الأهل خلينا نروح في الصاله
عمه سهام:روا نوراك مستعجله حتى عبايتك مافسختيها
آلاء :ولا ماتبينا نشوف كشختك
روان:أي كشخهوالله إنها تطفش>فسخت عبايتها
آلاء:ماشاء الله عليك مررررره كشخه وطالعه
أحسن مني بعد
روان: من زمان أنا أحسن منك
عمه سهام:أهم شي حصنتي نفسك؟
روان:إيه ياعمه حصنت نفسي
آلاء:بصراحه الصاله فيها صرصور وإنتو تعرفوني أخاف من الصراصير
روان:عاد أنا إلي ماأخاف شعري يوقف إذا شفته
عمه سهام:حنا 3 يمدينا نفتش ونحصله
آلاء :يلا قومو>وراحو للصاله
روان:ليه الأنوار مقفله هنا
آلاء:وليش الاسراف؟؟ أقعد أفتح أنوار البيت كلها ليه؟
عمه سهام:الله الله أموت أنا عالتوفير
روان:طيب وكيف تشوفون الصرصور حقك
آلاء:روحي ياروان لآخر الصاله تلاقين زر أضغطيه
روان:آهاااا
عمه سهام:غريبه متحمسه للمهمه
روان:مدري أحس إنها خراط..لأنه لوفيه صرصور زي ماتقول مالقيتيها ببيتها..
راحت تدور وحست بأحد يمسكها وصرخت وعلى طول إشتغلت الأنوار والكل قالها:
مبرووووووووووووووووووووووووووووووووووووووووووك
روان بكت مررره :06:ويوم شافت الكل يقلها مبروك فرحت بالمرررره:27:
روان:سميه وهديل وصالحه وعائشه ونجود ماأصدق
عمه سهام:حبيت أسويلك هيا مفاجأة فجمعتكم في ذا البيت
هديل :أظن إن هالكلام طلع مننا
روان سلمت عليهم:وليه ماقلتولي
صالحه: وشلون تكون مفاجأة إذا قلنالك يالدلخه
روان:إيه صح
نجود:شكلكم أول مره تجتمعون خارج البيت
عائشه: إيه ..ماشاء الله روان طالعه قمر بالملابس
روان:من زمان وانا قمر
سميه:وأنا اقول ليش مفقع وجهك طلع إنت القمر
روان:وجهي أنا مفقع؟
هديل:ههههههه لامن جد طالعه تهبلين
روان:كلهكم حلوين..بس ماتلاحظون شي؟
الكل:وش هو
روان:كلنا لابسين نفس الألوان مو معقوله تكون صدفة
عمه سهام:كنت عارفه إنك بتلبسين هذا اللبس عشان كذا قلتلهم يلبسون زيك
عائشة:طلعت السوق بس عشانك
روان:لازم تطلعين السوق مو عشان الحبيب شافك يعني بتضربين عصفورين بحجر
عائشه إستحت:35:
صالحه:إخس يالمستحي ماأقدر أنا
عائشة:خلاص أحرجتوني
نجود وروان ناظرو في بعض وبصوت واحد:ألف الصلاة والسلام عليك ياحبيب اللـــــــــــــــــــــــــــه محمد لولولولولولوش
سميه:هذا لعشعوشه وصلوحة
آلاء:يوه ياخالتي قديمات صح؟..توهم يتزوجون
عمه سهام:صادقه والله .. حنا خلاص استانسنا وإنتو توكم
روان:الزبده تبغو تقولون إننا بزرات صح؟
نجود:سبحان الله تصدقي ياروان أول مره أعرف إنك ذكيه
سميه:هههههههه ليه؟
نجود:دايم في الأشياء الغامضه إلي زي كذا أجاوب عليها لكن هالمره روان جاوبت
صالحه:يمكن ضغط العلمي أثر عليها
روان: على طاري العلمي..هذي الحفله أهديها لكم كلكم من تخرج أو نجح
عائشه:وأنا بعد ..أهدي حفلة نجاح روان لي ولبنت عمي وبس
هديل+نجود+سميه:مالت عليك
آلاء:الحين إنتم بنات عم؟>تأشر على عائشه وصالحه
عائشه+صالحه:إيه
آلاء:سبحان الله خلق من الشبه أربعين
روان: يالدلخه وين التشابه بالله
سميه: ابد ماتو الي شبهو
هديل: متعبك محاولة التشبيه الله يعينك
آلاء: والمثل الي قلته معناه انه مايتشابهون.. صح ؟
البنات: قال ايه قال متزوجه
عمه سهام:وش دخل إنها متزوجه أولا؟
صالحة:مو هي متزوجه ؟يعني عقلك أكبر من عقلنا
عائشة:ولسى ماتعرفين معنى هذا المثل
آلاء:مع إن كلامكم طلاسم بس مشي الحال
( أهم شي تمشي القصة )هع هع هع:hahaha:
الكل:هههههههههههههههه
وفتحوا الزينة إلي مثل الطراطيع وشغلوا أناشيد ورقصو وستانسو مرررره
وبدو يعطونها الهدايا
نجود:أنا كل مرة أهديك بودي شوب لكن هالمرة جبتلك عطر
وإن شاء الله يعجبك
روان فتحته وشمته: يجنن مادامه منك
سميه:حنا فكرنا بالتوفير وقلنا كلنا نسويلك هديه وحده
روان : ياشين التوفير في الهدايا
هديل: هي هديتين وحده مني انا وسميه والثانيه من صلوحه وعشعش
عايشه: هذا درع وسط صندوق فيه كم عودة ومصحف صغنن< يعني صغير
سميه: وهديتنا هالشنطة لكن لاتنفتح الا بالبيت
الاء: وهديتي قاموس الكتروني ادري بك تتمنينه
روان: مشكـــــــــــــــورين وتسلمون .. تصدقون انا الحين أحبكم واموت فيكم
البنات: احلفي ياشيخه
روان: هههههههههه والله العظيم
الكل: هههههههههههههههههههههههههههههه
وبعدها قطعو الكيك واكلوها وتعشو ورجعو البيت وراحت العمه سهام مع روان للبيت وكان البيت فاااااااااضي لانهم راحو لحديقة السلام ومافي الا ابو روان جالس بالصالة وجلسو عنده وقالوله وش سوو والهدايا الي اعطوها لروان
ابو روان : ماشاء الله كلهم واضح انهم يحبونك
روان : ايه وانا بعد اموت فيهم
عمه سهام : ماشاء الله صديقات روان واضح عليهم انهم بنات محترمين ويحبووووووونها ومره طيبين
ابوروان: الحمدلله .. يعني طالعه زي ابوها ماتختار الصديقه الا وفحصتها زيييين
روان: اهم شئ فحصتها
عمه سهام : حشى صرنا بمستشفى
الكل: هههههههههههههههههههههههههههههه
عمه سهام : روان اطلعي حطي اغراضك وروحي للمطبخ سوي شاهي
روان: طيب < راحت
عمه سهام : اخوي محمد بصراحه قبل لا اطلع من بيت الاء صديقات روان اعطوني ورقه وشريط بدون ماتدري روان وقالولي اعطيها ابوها
ابوروان وعلامات الدهشه واضحه عليه:غريـــــــبه ؟!! وريني اياها
عمه سهام : هذي هي .. ويلا انا طالع شكله تركي جاء
ابوروان: ابروح اسلم عليه
عمه سهام: اذا جت روان وانت برى بتخاف
ابو روان : بس بسلم
عمه سهام: انتم يالرجال ماتعرفون انفسكم ... صرتو مثل الحريم
ابو روان: ههههههه ... يوم تزوجتي طال لسانك والله
عمه سهام تلقط وجهها: يلا مع السلامه وسلم على روان
ابو روان: سلميلي على تركي... يوصل
وبعد ماراحت عمه سهام فتح ابو روان الورقه وكان مكتوب فيها
الى ابو روان
احنا صديقات روان ودنا انك تنفذ لنا طلب واحد وبس
ودنا تسعد روان وتوديها الى امها عشان تشوفها
وغير كذا تلاقي امها المسكينه مقهووووره على بنتها
تخيل نفسك عايش بدونك امك وحولك ناس يحنون عليك وناس يظلمونك
بتقدر تعيش طبعا مستحيل .. لكن روان مؤمنه بقضاء الله وقدره
انت تتمنى كل يوم تشوف امك ... وروان مثلك تتمنى تشوف امها ولو كان من بعيد
نسالك بالله مو حرام الي تسويه في بنتك .. مو يعتبر هذا من قطع الرحم لامها وترى هي ماراح يكون عليها ذنب لانه الامر بيدك
وكذا بيصير الذنب عليك وبس
"وهذا شريط نتمنى انك تسمعه "
مع تحيات >>> الشــــــله
ابو روان دمعت عينه : صديقاتها مفكرين فيها وانا ابوها مافكرت < مسح دموعه لان روان جت
روان: وهذا احلى شاهي لأحلى أب بالدنيا
ابو روان: يعطيك العافيه
روان: غريبه يبه تسمع للأشرطة
ابو روان انتبه للشريط وحطه بجيبه: لا هذا لواحد من اصحابي
روان: اهاااااا
ابو روان: صبي الشاهي ودي اسمع شاهيك
روان: ولا يهمك .. اكيد يهبل
ابو روان: الي يمدح نفسه كذاب
روان: ذوق وشوف انا كذابه ولا لا
ابو روان شرب شوي من الشاهي
روان: حلو صح ... قلتلك من أول
ابو روان: حاااااااااااااااااااااااااااااااااااااار .. حرق لساني
روان طالعت فيه باستغراب لانها اول مره تشوف ابوها كذا وبعدها الاثنين فطسو ضحك : هههههههههههههههههههههههههههههههههه
وجلسو شوي يسولفون وبعدها راح ابو روان لكتبه وروان راحت المطبخ وغسلت مواعين الشاهي وفكرت انها تروح غرفة ايليا
روان تدق الباب
ايليا : ادهلي < ادخلي
روان : ايليا .... وش فيكي تبكين
ايليا: انا مافي يبكي
روان: قوليلي وش فيك
ايليا وهي تبكي: ولد حق انا في المستشفى
روان: ياحياتي ... وانتي تبين تروحين له
ايليا: ايوه
روان : طيب .. بس وين زوجك ؟؟؟
ايليا : زوجي عند ولد حق انا بس ولد حق انا يبغا انا ويبغا زوجي مع بعض
روان: المشكله اذا رحتي وعشتي هناك من وين فلوس
ايليا: زوج حق انا يشتغل في محل خبز
روان: حلو .. وحنا بنرسلكم فلووووس بعد .....طيب دقايق واجيك
وراحت لمكتب ابوها وكان يسمع للمحاضره وحط المسجل تحت الطاوله
ابو روان: تفضلي
روان: يبه عندي طلب
ابو روان : آمري
روان: مايامر عليك عدو... بس يبه ودي تخلي ايليا تروح اندونيسيا يعني خلاص ماتجي عندنا تعيش هناك
ابو روان : ليه ؟؟!!
روان: <<قالتله السالفه
ابو روان : الله المستعان .. طيب اذا راحت وعاشت هناك مين بيصرف عليها وعلى ولدها وزوجها وانتي تعرفين هم فقراء
روان: لا تاخذ هم ...بتشتغل مع زوجها لانه عنده محل خبز يعني مخبز
ابو روان: اهــــــــــــــــأ .. طيب افكر
روان : يبه تكفى
ابو روان: مايصلح صعبه والله صعبه
روان: يبه لاتحرم أم من ظناها
ابو روان سمع العبارة وتأثر : طيب بنكلم محل الاستقدام
روان باست راس ابوها وطلعت
اما ابو روان جلس يفكر بالعبارة الي قالتها روان
وكل شوي تترد على مسامعه
نرووووح عند روان الي استانست عشان ايليا وراحت عند ايليا وقالتلها وفـــــــــــــــــــرحت ايليا بالخبر
وبعد ماكلم الاب محل الاستقدام قالوله لبكره تجيبها الساعه 7وربع
ايليا فرحت.... من فرحتها حضنت روان....
وروان فرحت لفرح ايليا الي عيونها ماجفت من كثر الدموع وبعدها روان طلعت غرفتها ونامت
ويوم الاربعاء
الكل مشغول في ترتيب الاغراض ولا احد فاضي للثاني والساعه 7 وربع ودعت روان ايليا الي كانت بمثابة مريبه لها
ايليا: روان انا فيه يشيل الكراسه الي كنت انا وانت نرسم في السطوح
روان جلست على الكرسي وبكت بقوووووووووووووووووة
ام عبدالعزيز: روان حبيبتي كافي بكاء
روان: ايليا تذكريني وتذكري اني ماراح انساك وانك كنتي مثل أمي
ايليا: ان شاء الله في يشوف أم حق انت وأنا اشوف ولد حق انا
روان: آآآآمين الله يسمع منك
الجده هيفاء: سبحان الله وهي شغاله تقوله انتي مثل امي
ام انس : واااااضح انها تموت فيها
روان راحت مع ايليا الى الباب وودعتها وهم يبكون عند الباب وبعدها روان دخلت البيت وكانت بتمر من الصاله لكنها سمعت كلامهم
ام انس: سبحان الخالق الناطق اول مره اشوف وحده تبكي عشان شغالة
ام عبدالرحمن : هذي معها من عمر روان سنه
ام عبدالعزيز: وشلون جابت هذا الود
ام عبدالرحمن : راحت تقريبا سنتين هناك يوم كان عمر روان 13 سنه ومنها حملت
ام انس : بس روان مره متعلقه فيها
ام عبدالرحمن: لانها ربتها وعلمتها كل شئ اما ساميه والله كل شوي طق وطقيق
سمعت روان كلامهم وطلعت غرفتها وكملت بكاها
نروووح لمكتب ابو روان
جت ام ندى وفكت الباب بقوه
ام ندى: محمد وشلون تسمح لبنتك تسوي مثل هالحركه الغبيه
ابوروان : تأدبي في الكلام معي
ام ندى: جاوب على سؤالي
ابو روان ارتفع صوته: أظن انا الي يأمر هنا فاهمه ولالا
ام ندى : ..............< لارد
ابو روان: مااقدر احرم أم من ظناها
ام ندى: الحين ماتقدر تحرم وبنتك الي حرمتها 17 سنه عادي مو حرام
ابو روان مسكها من شعرها: الحين بعد الي سويتيه تجين تقوليلي انه انا الظالم انا صحيح ظالم لبنتي لكن انتي أظلم
ام ندى: مو انت الي تامر هنا ليش ماوقفتني عند حدي و انك من جد تامر وتنهى هنا ولو انك من جد رجال ....
ابو روان قاطعها :
طاااااااااااااااااااااااااااااااااااااااااااااااااااع < عطاها كف
ابو روان: هذا جزاتي يوم اني ما امنعك من شئ واجيبلك كل الي تبينه هذا جزاي ... اطلعي برااااااااااااا مابي أشوف رقعة وجهك
برااااااااااااااااااااااااااااا
ام ندى وهي تمسح دموعها : هذا كله عشان روان من هي روان عشان تسوي كل هذا فيني
ابوروان : هذا ولا شئ مقارنه بالي سويناه فيها
ام ندى: كذا يامحمد أهووووووون عليك تطقني
ابو روان: تطلعين براااا ولا يجيك زياده
ام ندى: وبتشوف يوم من الايام وش بيصيرفي بنتك < طلعت برا
ابو روان جلس على المكتب وحط ايده على راسه وفكر انه يطلع لروان
دق الباب
روان : تفضل
ابو روان : السلام عليكم
روان تمسح دموعها : وعليكم السلام هلا يبا
ابو روان يطالع بالغرفة لانه اول مره يدخلها :44:
ابو روان : روان
روان: سم يبه
ابو روان : انتي تكرهيني ؟؟؟
روان: استغفر الله وليش اكرهك الله يسامحك يايبا
ابو روان: متاكده؟؟؟؟
روان: اكيد مو انت وامي سبب في وجودي بهالدنيا مو انت وامي بابين (2)من ابواب الجنه مو رضى الله من رضاكم وشلون أكرهك يايبه مهما سويت فيني تبقى ابوي الي أحبه
ابو روان دمعت عينه وحضن بنته وحمدالله على حسن تربيتها
روان: يبه وشفيك تصيح؟؟
ابو روان: ابكي على الي سويته فيك
روان: يبه حنا عيال اليوم الماضي خلاص انساه
الي فات مات وافتح صفحه جديده ولا تضيق صدرك انا مو ماخذه في خاطري عليك
ابو روان: الله يسعدك انا راضي عنك يابنتي الله يرضى عليك ويطول بعمرك في طاعته
روان: آآآآمين ويطول بعمرك يايبه
وبعدها ابوها باس راسها ونزل وهو مرتاح روان تذكرت ايليا ودمعت عينها وبنفس الوقت فرحت ونااااااامت
إن شاء الله يعجبكم البارت ويحوز على رضاكم
والبارت الجاي راح تكون مفاجأة للجميع
وش تتوقعون؟؟
وهل المفاجأة بتعجب روان؟
وبتعجبكم بعد؟
أعطوني توقعاتكم ياقماري ...أنا في إنتظاركم