اختي آنه الرحم عندي مثل القلب والحمد لله صار حمل بعد العلاج
وبصراحه خواتي فكرت ان حالتي نادره لأن الدكتوره كانت متعجبه والضاهر اني اول حاله اتشوفها مع انه اخصائيه كبيره
بس طمنتوني الحين ان في مثل حالتي

الله يشفيك ويرزقك الذريه الصالحه قوووووووووولي آمين
بنات انتم تبذلون كل الاسباب وتنسون الرقيه الشرعيه

شوفي حبيبتي والله انا حاسه فيكي لاني مريت بنفس تجربتك

انا اول بدايتي مراجعات في مستوصفات خاصه من يوم تاخرت في الحمل بعد سنه واخذت منشطات بسيطه

كلوميد لااكثر وسويت كي لقرحه بعنق الرحم وسويت كامل التحاليل لي ولزوجي وطلعت سليمه

بعد تعب من المستوصفات الخاصه قررت اروح اتعالج في مستشفى الملك فهد وقلت بمسك معهم خط لين الله يفرجها

سويت جميع التحاليل وبعد السونار المهبلي صار عندهم شك في انه يكون رحم ذو قرنين واطلبوا مني اني اصلح اشعة الصبغه

رحت بسويها عندهم وطلع دكتور اللي بيسويها ورفضت وطلبت منهم اني اصلحها برا المستشفى واجيبها لهم

ووافقوا ورحت للاستشاريون للاشعه دلتني عليهم وحده من المنتدى جزاها الله كل خير

وبعدها صلحتها وجبتها لهم انا بهالوقت باقي مادخلت عيادات تاخر الحمل واطفال الانابيب لاني كنت اراجع بالعيادات الخارجيه

وبعد ماشافوها الاطباء والاستشاريون مابلغوني اي شي بس حولوني للعيادات حقت اطفال الانابيب

وقالولي ان مافيني شي بس العيادات الداخليه بيحاولون يساعدوني :hahaha:

بعدها قلت ان ماعندهم سالفه وقلت بروح لدكتوره اسمها عفاف شرق الرياض وبصلح تلقيح صناعي

وشافت الاشعه وقالت لي ان رحمي غريب وماادري وش فيه وانه ماقد شافت مثله حتى بالكتب شوفوا الاسلوب بس:icon33:

وقالت لي خوذي منشطات او صلحي تلقيح قلت لا انا بسوي تلقيح وقالت لو حملتي لازم نصلح لك ربط

وصلحت عندها تلقيح وفششششششل

بعدها رجعت للملك فهد وكملت معهم

وباول موعد لي في العيادات الداخليه قال لي الدكتور قالولك العيادات الخارجيه عن حالتك قلت لا بس مستشفلى برا قال لي ان عندي حرف تي قال حتى عندنا هنا حرف تي وانا احسب ماعندهم سالفه

وقررو لي عملية منظار رحمي اذا كان حاجز رحمي بيشيلونه واذا كان ذو قرنين بيوضح لهم

والحمد لله صلحت العمليه تنومت قبلها بيوم واعطوني حبوب لفتح الرحم ونزل معي دم والم زي الدوره بس اكثر شوي

الا اكثر شويات لان صار عندي تقلص في الرحم من الالم يعني اللي جربوا الولاده صار عندي زي الطلق لان اللي اخذتهم طلق صناعي

وانا الدوره من قبل تموتني

وللصبح وانا مهدئات عشان التقلص

والصباح صلحت العمليه والحمد لله تنويم كامل وماحسيت باي شي وصحيت وشرحت لي الدكتوره حالتي ان عندي حاجز رحمي معترض للرحم وانه لوصار تلقيح مايكتمل لانه صغير وانه ****ل بنسبة 95 بالمئه والحمد لله فرحت كثير

وقالت لي انه هو احد الاسباب اللي مانعه الحمل عندي

واعطتني حبوب بريمارين وقالت لي اخذها شهر وحبوب ثانيه للهرمونات وقالت لي ارتاحي اسبوعين من الجماع وبعدها مارسي حياتك الطبيبعيه والعمليه الحمد لله مااحس فيها نهائي الا بعض الخوف

واستمر النزيف معي اكثر من اسبوعين ويوم شفت النزيف زاد عن حده رحت لها وقالت لي وقفي الحبوب لانها هي السبب ماناسبتني ووقفتها

يعني شهر كامل وانا نزيف وبعدها وقف وانبسطت ورجعت لحياتي العاديه

هاذا قبل شهرين واللحين طلع عندي كسل بسيط جدا بالمبايض وقالت لي خوذي منشط او انتظري وانا قلت لاباخذ منشط واليوم ثالث يوم لي بالمنشط وثاني شهر بعد العمليه ودعواتكم لي بالتوفيق وعلى فكره الم الدوره اللي كان معي راح الحمد لله تنزل الدوره مع الم بسيط جدا جدا

واي استفسار تحت امرك

الله يعطيكم العافيه جميعا ...........................والله يسعدكم وحده وحده يارب

اولا ابشركم يا اخوات بعد ما قريت عن حالتي وسمعت تجربت الاخوات اللي مثل حالتي .....تطمنت كثير يارب لك الحمد
ونفسيتي الحين الحمد للله
انا بعد الصبغه انفجعت لاني اول مره اسمع بهالحاله
لكن يوم شفت انه كثير من الاخوات رحمهم ذو القرنين وحملو عادي وهوه ما يمنع الحمل
وانه لو طلع فيه حاجز عمليه بيوم واحد يشيلونه ويرجع رحمك شكله طبيعي وتحملين عادي
يعني وكلت امري لله والا بذكر الله تطمان القلوب


طبعا ......................ززانا سويت ولله الحمد اشعة الرنين المغتاطيسي وخلصت منها
بس للحين ما رحت ااخذ النتيجه ...............زاولا لاني انشغلت بظروف عائليه

ثانيا موعدي عند الدكتوره يوم الخميس باخذ النتيجه وبروح لها وبشوف وش تقول ...................و***** الله خير وبطمنكم

اكيد بطمنكم ......................................دعواتكم لي بالحمل عاجلا غير اجل يارب

وان شاء الله ان شاء الله كلنا نحمل عاجلا غير اجل يارب العاليمن

لله لا يحرمني منكم ولا من المنتدى هذا اللي استفدت منه كثيرر يارب لك الحمد

واتمنى اتمنى يجي يوم واكتب فيه موضوع واقووووووووووووووووووول حامل والله حامل

والله اني ادعيلكم ................................زادعولي