صباح / مساء الخيرات والمسرات
مطبخي صغير مرررررررره حتى عند التفصيل سوا لنا سالفه اليماني كل مااطلب شي يقول المساحه صغيره((مطابخ الشقق:angry2:))
المهم تم بحمدلله تفصيل المطبخ بس غلطت اكبر غلطه اني حطيت لون اسود والاسود مايصلح مع جو الرياض ابددددد((معاناه:06:))كل يوم مسح ونقط المويه تبين وبصمات الاصابع تبين بس كنت حابه اللون الاسود
((( اذكروا الله )))
نبدا بالاشياء اللي اخذتها من ايكيا واستفدت منها وطلعت شكل المطبخ حلو
الرخام مررررررره صغير وكانت علب البهارات على الرخام وجبت هذي العلاقه ورفعت العلب عليها وارتحت من الحوسه
وهذي الطاوله رفعت عليها العلب حقت الليبتون والسكر والقهوه وماقصرت وسعت علي بعد
وهذي صديقتي الساعه اللي مااستغني عنها حلوه وانيقه وسعرها الظاهر بتسعه ريال من حبيب الشعب ايكيا
وهذا الرخام كاااااااااااامل
وجبت هذي تشيل الاسفنجه اذا خلصت غسيل مواعين وتشيل مسدس النار
وهذي السله حقت الادوات اللي تقطع السلطه والخرابيط اللي زيها وهي اكثر شي تسوي زحمه بالمطبخ
مقسمه الملاسات ريحتني كثييييييييييير كانت مسويه زحمه بالدرج واللي جنبها سله الملاعق والملاعق حقت العزايم اخذتها من ايكيا
كنت رايحه ايكيا ابي زيها خشب وعجبتني هذي الحديد وغير كذا قويه وسعرها 50 ريال وشالت كل شي كنت ضايقه فيه خصوصا فرن الكهرب ورفعت عليها سطول الزبايل((الله يكرمكم))الابيض للقراطيس والاخضر للاكل وبعدها نعطيه الحيوانات لانه حرام يروح للزباله مع البلديه
واخر شي بوريكم ديكورات من عمل ايدي((ربي يسلمني))
هذي طاوله الطعام المتواضعه بسولف لكم عنها
البويه السوداء : سطل بويه وصبغها ابو الشباب
الاطار الرصاصي : من نفس محل البويه شريته رول وشريت صمغ الجدران ولصقته وطلع حلو كذا
الطاوله : من ايكيا
اللي فوق الطاوله : الورود من ايكيا والملاحه من هوم سنتر
الابجوره : من ايكيا
ونجي للديكور الثاني
هذا بقسم الرجال عند المغاسل فيه مساحه وحطيت هذا المنظر
اللزقه اللي بالجدار : من ايكيا
الشتله طبيعيه حقت منازل : من المشتل اللي جنب المجمع الصيني طبعا بالرياض
وهذي حبيبتي صالتي
الكنب : تفصيل
الزوليه والطاوله والرفوف والدولاب : من ايكيا
الشتلات من نفس المحل
الستاره : من ايكيا
المخدات : من هوم سنتر
اتمنى ان اللي نزلت عجبكم وطبعا لاحد يطلع من الموضوع الا معطيني رايه واذا فيه نقد اتقبل واذكروا الله لاعجبكم شي