بعد العمليه القيصرية

السلام عليكم عزيزاتي

اتمنى تفيدوني لان الحيرة ذبحتني

انا ولله الحمد اكرمني الله باحلى توام وكان حملي الاول .. وطبعا ولادتي كانت قيصري
مر عالعمليه 9 شهور الحين .. مشكلتي ان اثناء الحمل صار عندي انتفاخ في الافخاذ و الرجلين من فوق لتحت مش فقط القدمين
والدكتوره قالت لي هذا بسبب الضغط و ثقل الحمل عليك .. المهم بعد الولادة راح الانتفاخ كله لكن صارت رجولي مشوهه
كلها سيلولايت و خطوط و الجلد متجعد مو طبيعي .. رحت للطبيبه قالت لي هذا طبيعي حاولي تستخدمي كريمات و زيوت
استخدمت كريمات لتخفيف الخطوط و زيت زيتون و خلطات و بعد 9 شهور كانت النتيجه ان الخطوط خفت و تحول لونها من الاحمر الى بدون لون تقريبا .. بس المشكله مازالت موجوده في الرجلين على شكل تجاعيد
صرت استحي البس نعال مفتوحه او اي لبس قصير بالبيت
حتى بطني التجاعيد اللي فيه مدري بتظل كذا للابد ولا شسالفه يابنات
ثقتي بنفسي اهتزت ماعدت اكشخ زي اول و زوجي لاحظ هالشي
شلون وانا جسمي صار كذا وبكمل سنه الحين !!!

مين مرت بتجربتي؟ هل رجع جسمك طبيعي ؟
هل استخدمتي كريم او خلطه فادتك فعلا

بليز ساعدوني جزاكم الله خير