وحشتوني كلكم والله
كنت في مكة ودعيت لكم كلكم الله يتقبل منا ومنكم يارب
بعد هالغيبة بحط لكم طريقة الكيكة عالفحم لذيذة ونكررها كم مرة
ومن اسويها اتذكر ابوي الله يرحمه ويغفر له
وانا صغيرة كنت اشوفه يسويها
واتوقع انه كان يسوي عقيلي لان بصراحة مادري بالضبط ايش كانت خلطته
عاد انا سويت خلطة الكيك بطريقتي لكن طريقة الطبخ على طريقة ابوي الله يرحمه ويغفر له
اول شي شبينا الضو وشوينا ريش
وكنت مسوية حمص ومخلل خيار
الحمص من قريب
السلطة
الريش احلى شي ان اللي يستوي يقدم على طول وياكلونه حار بحار مع الليمون بالعافية
جهزت خلطة الكيك
نص كوب طحين + بيضة وحدة + فنجان زيت + 2 فنجان سكر + نص كوب حليب المراعي + ملعقة صغيرة هيل مليانة + ملعقة صغيرة بيكنغ باودر
خلطت المقادير مع بعض ودهنت الجدر بالزيت وصبيت الخليط فيه
هالجدر شريته مخصوص للكيك عالفحم لاني نفس الجدر اللي كان ابوي الله يرحمه يستخدمه وعشان الغطا سيدا وينحط عليها الفحم بسهولة
سبحان الله تمشي الايام وقعدته عند الضو للحين في بالي وهو يحط الفحم فوق الغطا الله يرحمك يا يبه
المهم بعد ما غطيت الجدر بالغطا بعد غطيته بالقصدير
\وحطيته فوق الشبك عالضو
بعد عشرين دقيقة
حطيت الجمر فوق الغطا
بعد نص ساعة سويت هالحركة هههههههه
والله حسيت ان عندي فرن اولع فوق وتحت ماشالله
خليت الجمر فوق الغطا 20 دقيقة
قلبتها في الصحن
ريحتها تجننن
يتبع