بعد الفتلة قررت(( أسوي ليزر عشان اخلص)) اللي سوو ليزر لوجههم ساعدووني !!!

والله يا الغاليه نفس مشكلتي قبل الحف بالخيط كان ويهي اينن ماكو شعر واضح وخفيف لكن لقافه مني مع انه اختي الله يجزيها عني كل خير انصحتني وقالت لا تعودين ويهج على الحف بس العناد واني ابي اكون للاحسن بس للاسف صار ضدي مو معاي وصرت للاسوأ من بعد هاليوم والحبوب انتشرت بويهي والشعر صار يطلع بسرعه وفيه اماكن صار الشعر فيها خشن ...المهم ما اطول عليج ..صار لي فتره استخدم الليزر للوجه يعني تقريبا 5 جلسات بس ماحسيت الشعر اختفى ...يعني الي لاحظته انه الشعر يتأخر بدل ماكان لازم اشيله كل اسبوعين صرت اشيله بالليزر كل 6 اسابيع ,,,بتقولين اشلون الشعر صار بعد الليزر اقولج الشعر الي كان ثقيل عندي ويابس صار خفيف بس الشعر الي كان مايبين وناعم مثل الشنب صار باين واثقل من اول ...ولما سألت الدكتور قالي منطقة الشنب من المناطق الي استيعابها بطيء للعلاج وتاخذ وقت طويل ..بس لليوم ما حس انه صار الي في بالي والي كنت متوقعته من كلام البنات ...كنت متوقعه انه بعد كم جلسه بقول باي باي للشعر بس للاسف ماصار هالشي..ما ادري يمكن العيب فيني بس اعرف بنات وايييد هم نفسي منهم اختي وصديقتي الي يروحون معاي بنفس الوقت وللحين مافتكو منه ...نصيحه اخيره لج حبيبتي ...لاتخلين الدكتور يسويلج ليزر على الشعر الخفيف الي ما يبين خليه بس على الثقيل عشان تشوفين نتيجه حلوه ..وانا انصحج بالليزر بس خل يكون عندج صبر يعني لا تستعجلين عليه ....كافي انه يأخر وقت الشيل وهذا بروحها ميزه تخلينا نسويها ....وبعد لا تستهينين بالمكان الي تسوين فيه ....لازم مكان معروف وعند دكتور خبره عشان بشرتج ما تتأثر وتحترق .
والله يوفقج ويسعدج ويحقق الي في بالج يارب

هلاااااا حبيبتي مشكووورة عالرد والله.. كثر ما الموضوع هذا متعبني والله صحيت من النوم طوالي عالجهاز :( .. وزي ما قلتي والله الشعر زايد في وجهي بعد الحف مرة وطويلة الشعرة في جوانب وجهي وحتى في رقبتي الي عمري ما لاحظت شعر بعد الفتلة طلع ..حسبي الله عليها ما سابتني لين اقنعتني بالفتلة مدري ايش تبغى مني هذي الحرمة..

بسألك اختي انتي من وين ؟ وقد ايش كلفك الليزر في الوجه؟؟ انا افكر اسويه في اوباجي يقولون حلو..

بس والله غريب انه ما نفع معاك كثير.. شفتي البنات في المنتدى يقولو عنه انه مرة تمام ووحدة سوته لمنطقة الابط واعرف بنات كثير يبون يسوونه في هالمنطقة .. واللي سووه في وجههم كمان يقولو حلو :(

والله كل شي يحير وانا الحين والله وجهي يكسف حتى في دقني زي الوبر :( شي يفشششششل ولله الحمد

اتوكلي على الله وسويه راح ترتااحين اذا كان الشعر كثير واسود واذا هو خفيف انصحك لا تسوين الليز لانه مفيد جدا في ازاله الشعره السواداء والمتينه اكثر من الشقراء والخفيفه هذااا والله اعلم
ماا كاني طولتها وهي قصيره؟؟؟

:( ام فصولي والله احترت تراه مو اسود ومتين لكنه في نفس الوقت من بعد الفتلة ما عاد صار اشقر وخفيف ههههههههههه ((((((((اجل ايش صار!!!!)))))

جوانب الوجه كثر مرة والله ولونه اغمق من اول والشعر اطول وحتى عالخدود الاقي شعرات صغيرة ماكانت فيه اول .. واسوأ شي الدق والله احس انه سميك ما ينسكت عليه

والله شكلي ماعندي حل غير الليزر او نبات السعد .. والاخير هذا مادري اخاف ينبت الشعر داخل:(


رشحولي افضل مستشفيات في جدة يابنات اللي جربو.. وايش رايك في اوباجي؟؟

سمورة

بالعكس حبيبتي انا اقولج توكلي على الله وسويه مدام الشعر عندك صار ثقيل بس لاتخلينهم يسونلك على منطقة الخدود لان الشعر فيها خفيف واخاف يزيد عليك ...وللاسف انا من الكويت والا جان علمتج وين ..بس عيوني لج اذا احتجتي اي شي ...والله الموفق