بعد المستشفى عن بيتي مسبب لي قلق .. الله ييسر لكم اموركم ادخلوا

من بداية حملي وهالموضوع مسبب لي قلق كبيير
خصوصا لمن قريت قصة وحدة من الاخوات ولدت في السيارة
ومرة اخوي كانت حتولد في السيارة
وولاداتي السابقة كلها سريعة واوصل المستشفى والرحم مفتوح تسعة سانتي
طبعا في كل ولاداتي اشرب كف مريم
حتى احيانا نفسي اشرب يانسون او كمون عشان اولد بسرعة
بس اخاف من حكاية بعد المستشفى

المهم من عصر اليوم وانا احس بألم غرييب اسفل بطني مشبوك مع الرجل
لدرجة مو قادرة امشي ولا اجلس وبصعوبة تسدحت على السرير
وحاسة كأن البيبي نازل مرة تحت
بس الالم مرة مو زي الطلق اللي اعرفه وجربته من قبل
ترددت كثير في الذهاب للمستشفى
بس خفت ورحت للمستشفى
قالت لي مفتوح واحد ونص بس ماعندك ولادة
قلت لها ان ولاداتي سريعة وبيتك بعيد
قالت لا تستني لين تجيك ولادة
تعالي نعطيك طلق صناعي

وش رايكم يا اخوات بكلامها
ماقد جربت الطلق الصناعي
بس من كلامكم مرة مؤلم

معليش احس كلامي مو مرتب
بس دوبي جاية من المستشفى
وخايفة من الولادة