بعد الولادة ! الم وقطب وبواسير وحلمات ملتهبة!

السلام عليكم
انا ولدت من حوالي 20 يوم ولادة طبيعية بعد ولادة قيصرية سابقة قبل 4 سنوات..يعني ممكن اعتباري بكرية...قولولي مبروك !! جبت بنوته عسولة الله يحفظها ويجعلها من الصالحات.

بصراحة
ما كنت اتخيل الولادة هيك...اول شي اتأخرت 12 يوم بالعاشر وبعدها اخذت طلق صناعي شفت فيه الويل والحمد لله
شو بدنا بكثرة الحكي
من يوم ما ولدت لليوم وانا في معاناة !!!! وهذه المعاناة لم أشهدها عندما عملت القيصري.
اول شي القطب...قصدي قطب شق العجان ! المها كل اللي جربوه بيعرفوه بس المصيبة انه في اليوم السابع ذابت القطب والجرح بقي زي ما هو مفتوح !!! وشكله بيخوف.... والوجع زاد والحرقان لا يطاق

بعد الولادة مباشرة صار معي بواسير ..ويا ويلي من وجع البواسير....ومعاناة دخول الحمام والجلوس والنوم وكل شي.

واللي كملها التهاب الحلمات مع اني باستخدم المطري للحلمات من الشهر الثامن ....للاسف الرضاعة معاناة وبكاء واحيانا صراخ !

رحت للطبيبة قالت لي انه القطب ما بينعمل فيها شي...بس مغاطس ماء وملح ودهون مخفف للجرح ! ورح تترك الجرح يلئم لوحده وبعد عدة اسابيع ساراجعها لترى ماذا ستفعل !

والبواسير باخذ لها دواء وملين بس ما في فايدة...مجرد تخفيف .

يا رب يكون كل هالمعاناة في ميزان حسناتنا.....

الحمد لله ع كل حال
كله يهون لعيون البيبي... الله لا يحرم حد منهم ويعطيهم لكل مشتهي يا رب