بعد انتظار خمس سنوات حملت خارج الرحم

السلام عليكم خواتي المتأخرات ربي يرزقنا وياكم بالذريه الصالحه عاجلا غير آجل
طبعا الغالبيه عارفيني لي خمس سنوات متزوجه وربي مارزقني بالحمل
وكل شي سويته لكن ربي ماكتب ولله الحمد على كل حال
مريت بظروف وفاة وانشغلت فيها عن سالفة الحمل وسبحان الله جا موعد الدورة جتني نقطتين ووقفت
رحت الدكتورة حللت قالت حمل بصراحة خفت اتكلم بالموضوع مادري ليش يعني حتى زوجي خفت اخبره
وسكت على الخبر لاني لاحظت الم موووو طبيعي لدرجة ماقدر اجلس زين وكنت اضغط على نفسي
ولما قلت للدكتورة قالت عاااااادي وعطتني دوفستون
انا بحثت بالنت عن الألم هذا لقيته انه احتمال حمل خارج الرحم بصراحة اوجعني قلبي وحسيت انه بالفعل
حمل خارج الرحم على طووول رحت حللت لقيت انه المفروض اكون بالاسبوع الثالث طبعا هنا خبرت زوجي
ورحت كذا دكتورة كلهم سوو لي سونار خارجي وداخلي ومالقو لاجنين ولاكيس
وطبعا هرمون الحمل يررررتفع والالم يروح ويجي
آآآخر شي رحت المستشفى وقالي الدكتور راح نعطيكي ابرة كميائيه مخففه بحيث انها تموت الحمل
ولكن بكل الحالات الانبوب خرباااااان واحتمال كبير يتكرر الحمل خارج الرحم(لاحول ولاقوة الا بالله)
وجلست اسبوع بالمستشفى والله شفت الموووت بعيوني لكن الحمد لله على كل حال
والى الآن الهرمون مانزل للصفر وجالسه اسوي تحاليل كل اسبوع
لمراقبة الهرمون وطبعا مانزل معي اي دم الا بعد اسبوووع من الابرة وهو المفروض ينزل ثاني او ثالث يووم
لكن الحين معي الم اسفل بطني يعني بالضبط اسفل السر وخاااايفه حيل
دعواتكم حبايبي ربي يعوضني خير ويرزقني وياكم بالحمل السليم