بعد انتظار سنين رفضتو !!!

مرحبا
نحنا كلنا بالعيلة شباب وبنات متزوجين الحمدلله ماعدا ٢
واحد لساتو صغير والثاني قصتو غريبة عجيبة
هلق في خالة الي ترملت من زمان زوجها مات بحادث وعندها بنت صغيرة امي كثير بتحبها ومن حبها للبنت حجزت الها اخ من اخواني يكون زوجها المستقبلي
كبر هالولد شوي وصار بدو يتزوج امي ماكان على لسانها مافي الا بنت خالتك ويتخانق مع امي انها صغيرة شو ذنبي استناها وتنهي امي الجدال يا هي يا اما بغضب عليك والولد يسكت خوف من الغضب فوت اخوالي خالاتي امي رافضة يا هي العروس يا مافي انتهى الجدال
مر عمرو وصار ٣٠ سنة خلص دراسة من زمان امورو مستقرة ونحنا بالبلد الشب اكثر شي بيكون عمرو ٢٥ سنة وبيتزوج والمصون الحمدلله كبرت صار عمرها ٢٠ سنة بعد انتظار
امي حركت عالخطبة دغري البنت تحججت اول شي انها بدها تدرس ورفضت اي زواج قبل ماتخلص دراستها وفاتت طب يعني حسبتها ٧ سنين كمان يعني عمليا اخي لازم يستنى كمان ويصير عمرو ٣٧ سنة !!! وترا امي ماعندها مانع بتخليه يستنى كمان لاتخلص طب والا بتغضب
بعدبن تطلع ب اعذار ثانية بعدين قالت مابدي ياك وماطموحي اني اتزوج من القرايب وقفلت على امي ومارضيت تحاكيها جوابها النهائي مابدها ياه
طيب وهالسنين لي ضاعو هيك بسببها وسبب خالتي
خالتي ماعلى لسانها غير بدنا نزوجهم ولما بنتها قالت لا خالتي وقفت بصف بنتها
وليش هالاصرار عليها من امي بتقول اخوكي لازم يسجد كل يوم شكر لله اذا وافقت عليه
ليش وزيرة ولا اميرة ولا ملكة
بتقول لا بس متميزة ب اخلاقها وجمالها
يعني خلص هي البنت بس عندها اخلاق وبقية بنات البلد مافي اخلاق فيهم ولا جمال
بترجع بتقلك شاطرة وذكية وليكها دارسة طب طيب روحي على الجامعة بتشوفي الف وحدة عم يدرسو طب كمان شو يعني شو المميز فيها
طيب اقلكم المفاجئة الكبرى شو هي
اخي دارس طب بشري كمان
هو واخي الثاني واختي الوحيدين لي تميزو فينا هو طب واختي صيدلة واخي الثاني هندسة معمارية
ليش التقليل منو مشان ست الحسن والجمال
وامي بدال ماتدور على وحدة بدالها قال اليوم بتقلي لا بدي ارجع احاكيها واذا بتنقضى انو نستنى سنتين كمان مافي مشكلة منستناها

دج راسو بمية حيط مافي غيرها والبنت طيب مابدها وقالت مابدها شو يعيش على اطلالها يعني
والولد مابدو يتزوج او يخطب الا بموافقة امي مابدو يعيش كل حياتو ندم مشان امي وامي بنفس الوقت ماراحمتو وابي ساكت
طيب والحل يا اخوات لهيك مشكلة مع عناد امي