بعد انقطاع\أسرع من السرعة .. أسهل من السهولة .. الحلقــ6ــة

السلام عليكم ورحمة الله وبركاتخ ..
عدنا بحمد الله إلى السلسلة التي بدأنا بها من الأعمال الفنية سهلة التطبيق ..
مرة أخرى أقول قد يكون هناك نقص في المعدات ..لكن ليس شرطا أن نبدأ العمل من الألف إلى الياء ..
ممكن أن نعتمد على النجار مثلا في إنجاز مرحلة الخشب ..والباقي يكون علينا .. مع أنه وبلا شك أجمل وأحلى مائة مرة أن ننجز العمل جميعه نحن ..بأيدينا لأن ذلك فيه سعادة بعد الانتهاء من العمل لا توصف وبالذات إذا كان العمل جميلا .. ودائما يبارك الله في العمل الذي يكون بعرق الجبين وبجهد اليدين ..


نبدأ ..
عملي اليوم درع بسيط جدا جدا إن كان عندنا الخشب ..
أنا قصيت الخشب ..قاعدة .. وواجهة الدرع ..وأعطيتهم ضربة بماكنة الفرمايكا على الداير ..

1


2

وقمت بتثبيت واجهة الدرع على ملزمة بالعكس وحطيت غراء عشان يكون أثبت لما نركب عليه القاعدة

3


وبعدين أنا عندي فرد المسامير الي مشبوك على ماتور الهواء .. ( تبع التنجيد ) وممكن أنتو تدقو براغي أو مسامير ..لكن تحتاج لحذر أنو البرغي أو المسمار ما يطلع من جوانب الدرع من الجهة الأخرى ..وهاي بتيجي بالتجربة ..هيك بكون الدرع قاعدتو ثابتة ...ثبتناها أول بغراء ثم مسامير ...

4

وبعدين زدت كما غراء على المنطقة الواصلة بينهم .. عشان ينسد الفراغ تماما
والأفضل في هاي الحالة إذا بدكو نتيجة ممتازة جدا .. ويطلع الدرع كأنو قطعة وحدة تخلطو مع الغراء برادة الخشب الي قصيتو منو ..يعني هذا اسمو خشب mdf بنجيب برادة خشب mdf برضو ..بنخلطها مع الغراء كويس وبنسكر فيها الفراغ بتصير كأنها قطعة وحة صلبة جدا ..

5


الآن انتظرت يوم كامل لما الغراء نشف تماما ..
وبدأت أدهن بالخشب مباشرة بدون أساس
ليش ؟؟
لأني صرت أدهن بألوان الأكريليك
وهاي من الشغلات الي تعلمتها والله فقط من المنتدى الحبيب ( عالم حواء )
وبالذات من الأخت سمو الروح ..ما كنت أعرف عن الأكريليك مع انو كل شغلي بالالوان ..لكن أحيانا بشعر الواحد كم هو يجهل كثيييييييييير من الأمور بعد أن يتعلم
ألوان الأكريليك بتغطي مباشرة مسامات الخشب ..وهي مكلفة أكتر لكن صدقوني لما نشتغل فيها أسهل وبعدين حتى التكلفة بتظلها تقريبا متساوية لانا لازم ناسس لو ما حطينا لكر بتطلع هاي بهاي - فكر تجاري ههههههههه-
على كل هاي دهنت بني ثقيل بدون ما أخفف وحتى بدون ترتيب لاني اصلا بدي أطبع وبدي بروزات

6


هلا شوفوا هاي الطريقة في التطبيع بسيطة وسهلة ..
مباشرة ولسا اللون ما نشف بجيب اللون الأبيض برضو أكريليك وبعطي ضربات على اللون البني .. شوي اللون الأبيض لكن رح ينتشر معنا لكل الدرع وراح يختلط اللون لحالو ويصير بثلاث درجات ..بيج أو أبيض سكري ..والبني الفاتح ..والبني الغامق
7

8

وهاي نتيجة التطبيع .. شغل بسيط وحلو

9

10

ملاحظة إذا شفتوا لون طغا على لون ممكن نجيب من اللون التاني ونطبع بنفس الطريقة .المهم يطلع التطبيع مدروس ومتناسق


...

لا تروحوا لسا إلنا تكملة