بعد تجاربي في الريجيمات وانواع الخلطات قررت

السلام عليكم ورحمة الله وبركاته كيفكم يابنات اجمل عالم ياحبي لهالمنتدى:)
انا اول مرة اكتب هنا مع اني متابعة من سنوات
المهم بما اني اكتب في هالقسم يعني اكيد اعااااااااااااااني
اول شي اقول الحمدلله على نعمه العظيمة التي لاتعد ولاتحصى ومن اهمها الصحة والعافية
سويت انواع الريجيمات جربت انواع الخلطات واصابني انواع الاحباطاااااااااااات والاكتئاباااااااات
لأنها جميعها فاشلة او بمعنى اصح اللي مجربتها هي الفاشلة ( راح يستغرب البعض
كيف انعت نفسي بهالصفة(حلوووة انعت) لكن هذه هي الحقيقة التي اعلنها على الملأ
انا فااااااااااااااااااااااااااااااااااااااشلة وبقوة(طبعا بس في الريجيمات لاتفهموني غلط وتقولون هذي فاشلة
في كل شي) لا ولله الحمد بس فشلي في السيطرة على (نهمتي-منهومة)(فجعتي-مفجوعة)(دبابتي-دباااا)
انا من زمان وانا احب الأكل مو جديد عليه بس ماكنت كذا الحين آكل وكأن الأكل اللي قدامي آخر اكل بالدنيا وابي آكل على طوووووووووول لي سنتين وانا على هالحال مو عارفة وش صابني شهيتي مفتووووووحة على الآخر بشكل يخوف من يوم جبت بنتي وانا والله ماكنت كذاصح أحب الحلويات بس آكلها مرةوحدة في الأسبوع وباقي الاكل عادي ماعليه منه اما الحين احب كل شيء وآكل الأخضر واليابس مدري وشو ذا:confused: مابي اقفل فمي
واذا سويت ريجيم انواع الاكتئاب وتزيد نهمتي واذا كملت اسبوع معجزززة ولو نقصت كيلوين ثلاثة انواع الفرح
وجري على المطبخ استدرك مافاتني وكأنك يابو زيد ماغزيت وترجع حليمة لعادتها الوليمة قصدي القديمة(شفتوا كيف الفجعة)ووزني يتأرجح مابين طلوووووع ونزول انا قبل ماتزوج كان جسمي حلو لكن من بعد الحمل والولادة:09:
لدرجة اني اغلب الاحيان اتعب ماالقى ملابس على مقاسي هذا وانا وزني مو كبير لهالدرجة
والله يابنات نفسيتي تعبانة ومحبطة حتى احيانا اعاقب نفسي عقاب شديييييد تدرون كيف













بأني اروح آآآآآآآآآآآآآآآآآآآآآآآآآآآآآآآآآكل
شفتوا اشلون عقابي قاسي ومافيه رحمة(لاتسوون مثلي اذا بتعاقبون انفسكم)
صدق والله احيانا احس اني آكل عشان اعاقب نفسي قد شفتوا أحد كذا(قولوا الحمدلله)
بجد يابنات تعبت ومو عارفة اشسوي فبعد تجارب الريجيمات واغلب الخلطات اللي هنا في المنتدى جربتها وكالعادة
بلا جدوى مع اني اقرأ تجارب البنات ويمدحونها بس انا غيييييييييييير حالة مستعصية
ففكرت وفكرت واستخرت بأني استخدم حبوب زين الأتات قاطعة الشهية قرأت هنا في المنتدى موضوع للأخت رروامس الله يجزاها خير فيه ردود تشجع وفيه ردود تخووووووووووف لكن بتوكل على الله واجرب
مع العلم اني جربت من عنده الزهورات لي اكثر من ثلاثة اسابيع وكالعادة بلا فائدة تذكر لكن اجرب الحبوب
لعل الله يجعل بعد عسر يسرا(يااااااااااااارب)
ولاتقولون خففي اكل لأني حاولت بس ماقدرت ولاتقولون إرادة لأنها عندي صفر واصفار وماعرف منها الا حروفها
الله يخليكم يابنات اللي جربت الحبوب او تعرف احد جربها وكيف نتايجها واهم شي اضرارها وتعرفون احد تضرر منها
الله يوفقكم لاتطنشوني لأني توي عضوة جديدة ردوا علي لو بدعوة ان الله ينحفني لأني تععععععععععبت
الله يوفقكم جميعا وينحف اللي تبي تنحف ويحقق لكم كل اللي تتمنوه