بعد تطنيش اسبوع لزوجي

بكتب مشكلتي على نقاط 
1-خوات زوجي مؤذيات و يبون يخربون بيتي (حسبي الله و نعم وكيل عليهم ) سببو لي مشكله و آذى كبير و خلاني اطلع من بيت




2- زوجي من نوع الي ما يتصل واجد علي و لا يسأل عني و لا يصرف علي 




3- يتجاهل مكالمات ابوي 3 مرات و احيانا يتجاهل مكالمتي 




4- يهتم بمرت حماي كبير اكثر مني (يجيب لها اغراض جمعيه ...الخ) 




5- هو طيب و على نياته و طيب معاي و مع خواته و حريم اخوانه بنفس وقت له حركات تنرفز  




6-خواف خايف من اخته كبيره الي تهاوشت معاها و خايف يطلعني شقه او يفتح لي باب خارجي من اخته (تحرضه على و تقول اني ابي افرق بينهم ) عشان أطالب بسكن 




7- عشاني ادق عليه و اسأل عنه واجد صاري يتجاهلني و يصير متكبر 












الحل 
اتبعت سياسه تطنيش على مسجاته 3 مرات لمده اسبوع كامل  هو ما يرسل واجد (ما يحب سوالف واتس أب و لا مكالمات ) لما أرسل للمره رابعه رديت عليه بعد 5ساعات و أجابه قصيره (هلا) جذي 
بعدها أرسل لي و تجاهلته و دق عليه و رديت عليه 




سألني قال شفيج ما تكلميني ؟ زعلانه ؟
قلت له كل شي في قلبي قلت ان ما توقعت انه بتتجاهل و طنش مكالمات ابوي الي يحبك و بعزك 




حاول ينكر و قال بس مكالمه وحده و حاول يلف و يدور بس انا واجهته بحقيقه و قال انه بيكلم ابوي اليوم
 ( اذا ما كلمه يعني ما في امل منه )  
 
قلت له لمتى بنقعد منفصلين عن بعض عشان أختك 
قال انها زعلانه مع زوجها و جايه قاعده بالبيت و هو خايف علي منها لانه يعرف انها راعيه مشاكل 
و (حماتي كل يوم و ثاني متزاعله مع زوجها و تجي تحط حرتها علي ) حسبي الله و نعم وكيل 
 
قلت له اذا بتخلي أختك تحكم فينا ترا ما في امل نستمر قال لا ليش تحكم ما راح تقدر تحكم ..الخ 
 بعدين قلته عن مشكله  حاول يدافع عن اخته بقوه و يقول كلكم غلطانين انتي و اختي و انا قلت انا مو غلطانه واثقه بنفسي و ربي شاهد علي و مو غلطانه انت تدري و ما تبي تعترف طبعا أنكر  




قلت انا بنت حموله و لي ناس و ما اقبل بهالمعامله 
و ان اذا فتح لي باب خارجي (على الاقل) اذا انت ما تقدر عشان أختك فللأسف ما في مجال نستمر 
غير سالفه و حاول يتهرب و يغير موضوع 




قلت له يوم فلاني مودي مرت اخوك مستشفى و انا حتى مصروف ما تعطيني و قلت اهلي مو عجزانين مني بس انا قلت انه لي رجال بيصرف علي 
هني قال ما قلتي لي اجيب لج فلوس قلت له بس هو نسى او تناسى  استغفر الله 
لا و دافع عن مرت اخوه ما شاء الله على هالحب يؤديها و يجيبها اكثر من خواته و زوجته ( هذا فايده الاختلاط ) حسبي الله و نعم الوكيل 




الحين بنات هذا 👆 في منه امل استمر معاه و لا اتركه و عسى ربي يعوضني احسن منه ؟؟؟ و لا أتمسك فيه 




هو قال لي انه هو ما ضرني و لا طقني و لا زعلني 😒كل هذا الإهمال وما زعلني