السلام عليكم ورحمه الله وبركاته
اللهم لك الحمد كما ينبغي لجلال وجهك وعظيم سلطانك سبحان الله عدد خلقه ورضا نفسه وزنه عرشه ومداد كلماته
اليوم بغت تكرر مأساة ام كادي (الله يرحمها ويوسع مدخلها ويغفر لها ما تقدم من ذنبها وما تاخر )
لكن قدرت ربي وسعت كل شي فاللهم لك الحمد والشكر
مالكم بالطوووويله ابدخل بالسالفه على طوووول
زوجي يشوفني متاثرة مرة بقصه ام كادي :44:وكل شوي يسالني وش صااار عليها وما لقوها ومن هالقبيل المهم قبل شوي دخل علي وهو يبتسم قال تصدقين
بغيت اصير حدث مهم مثل ام كادي انا كذا :blink:
قلت كيف ؟؟؟؟؟؟؟؟؟؟
زوجي مستاجر مزرعه تعرفون اهل القصيم مشهورين بالمزارع المهم يقول المزرعه فيها بير قديم وجديد الجديد مسكرة صاحب المزرعه باتقان
والقديم حاط عليه قطعه حديده وفوقها طوب بس يقول الحديده االلي فيها من كثر ماجاها ماء صدت صار فيها زي الصدا ويقول عندي عامل جديد واعلمه عن المزرعه وش فيها واقوله عن البير القديمه خايف عليه قلت لاتجي في ذا مافي كويس غطاء خخخ يقول واحط رجلي مكااان الغطاء والا يوووم انكسر الغطاااااء مو كله جزء منه انا هنا :icon33:وبعدين وش صاار ؟؟؟؟؟؟؟؟؟؟
قال لولا رحمه ربي كنت في خبر كااان تمسكت بالعامل ووخرت شوي وسميت بالله يقول الابعد شوي اسمع شي داخل البير يوم طلع صوووت اثره بقايا الغطاء (واضح ان البير عميييق مرة ):09:
المشكله انه احيانا ياخذ بناتي معه واقوله وعادي تاخذ البنات قال مكان البير بعيد شوي عنهم
قلت الحمد لله على السلالامه وعلى فكرة انا الحمد لله دائما استودعهم الله (بناتي وزوجي)
فاللهم لك الحمد على سلامته والله يخليه لنا يارب :icon28:
دعواتكم صبايا:26:
ان الله يسخر لي زوجي ويصلح لي بناتي ويفرج همي ويحقق امنيتي انه القادر على ذلك
سما القصيم @sma_alksym
محررة
يلزم عليك تسجيل الدخول أولًا لكتابة تعليق.
الحمد لله علئ سلامتة الله يحفظنا ويحفظ المسلمين اجمعين
الله يجعلها حادثة ماتتكرر لجميع المسلمين
الله يجعلها حادثة ماتتكرر لجميع المسلمين
الحمد لله على سلامتـه
والله يرحم ام كادي ويسكنها فسيح جناته والله اني تاثرت للي صار لها بس مشئية رب العالمين
والله يرحم ام كادي ويسكنها فسيح جناته والله اني تاثرت للي صار لها بس مشئية رب العالمين
الصفحة الأخيرة
والله يرحم ام كادي ويسكنها فسيح جناته والله اني تاثرت للي صار لها بس مشئية رب العالمين