بعد حرمان 12 سنه أبشركم حملت ع

السلام عليكم ورحمة الله
كنت متابعه لكم من زمان بس توني سجلت
الله يرزقكم ماتتمنون يارب
بقص عليكم قصة حملي
سبق حملت مرتين بأبنائي ربي يخليهم لي
وبعد هالطفلين ماحملت
لم أستخدم حبوب منع حمل في حياتي كلها
ولا ركبت لولب
وماني أرضع أطفالي
لكن سبحان الله ماكان فيه أي سبب
بعد ماكملت سبع سنين بديت أحاول أشوف طبيا
وكانت الأسباب عاديه
خفضي وزنك شوي أفضل
تكيس بسيط تحتاجين كلوميد
نسبة التشوهات مرتفعه شوي كثروا مشي
ماكان فيه أسباب تمنع الحمل
وخذت مره منشط أبر
وأستجحمت خلطة أخذتها من حرمه تعالج شعبي
وانتظرت شهور وسنين واستخرت وقلت بسوي أشعة صبغه
ورحت مستشفى الحبيب وسوو لي اشعه صوتيه أول ثم قالت فيه ورم درمويد حميد فوق المبيض
وبدت رحلة العلاج اول شي قالوا كلي حبوب منع حمل عشان ماتحملين وهو موجود لما نشيله
وهذي أول مره آكل فيها حبوب منع حمل
وأكلتها وبديت رقيه شرعيه لما شلته الحمد لله عملية منظار والكلام هذا في ذي الحجه 1432 هجري
وبعدها قالت الطبيبه انتي جايه تحملين وزوجك كبير وانتي مو صغيره خفضي وزنك سبعه كيلو وتعالي بنسوي أنابيب
وكل شهر بسوي وما أروح أنا أفوت المواعيد
وبعدين قلت بروح على حسابي بسوي صبغه وأجرب قبل الأنانيب قد تنجح وما أحتاج أنابيب
واستخرت وقلت بس تجي الدوره باخذ موعد أشعه
وانتظر وتتأخر يوم ويومين وثلاثه وأسبوع
وبعد عشر أيام تأخير أنا قلت أكيد رجع لي ورمم أو فيه مشكله في الرحم
جاني دم
قلت نزلت بس ليش تأخرت
شربت قرفه يومين
وانقطع الدم
ماعاد نزل شي
جلست كم يوم كذا سويت تحليل بول منزلي طلع سلبي مافيه شي
وانتظر بعد كم يوم وقلت أجل دام ماطلع شي مضطره أروح طبيبه بس قبلها بسوي تحليل دم أتأكد
ورحت وسويته
ورجعت البيت أنتظر نتيجه
وكلمت عليهم قالوا مبروك حامل
لا أنابيب ولا أشعة صبغه ولا طب شعبي ولا أي منشطات الحمد لله
الشي الوحيد اللي سويته يابنات وأتمنى كلكم تسوونه
هو إني كفلت يتيم
ثلاث شهور قبل الحمل كل شهر أدفع خمسين أو سبعين ريال للكفاله
وبعدها ماشفت الدوره
والحين أنا الحمد لله تقريبا الشهر الثامن ربي يهون علي
حاسه فيكم وأعرف بإيش تحسون وربي
وأعرف نظرات الناس لكم
بس اللي ماعندها أسباب طبيه واضحه تجرب الكفاله
وربي يرزقكم ماتتمنون يارب