مراحب حبيباتي طولت عليكم كثيييير والله الي يعلم بظروف كل انسان :(
الله يعين بس
رابط موضوعي الاول الى مب فاهمين السالفه من اولها
http://http://forum.hawaaworld.com/showthread.php?t=2877164
بخبركم اشياء كثيرة والله العظيم بعضها يفقع المراره والكبد والبطن والبعض الثاني يضحك :icon28:
تعالو اسمعو الحكاية
.
.
.
.
طبعا عقب موضوعي الاول كلمت ريلي وقلت له انه نزلت لك موضووع اخذ اراء البنات وانه الاغلبية رفضو موضووع زواجك وعارضوه عليه قال اصلا اغلب الحريم بيقولون لاء والاغلبية بيرفضون والحين بيتمون يدعون علي :42:
وكل وحده بتم تتكلم على كيفها
الى صار بعدها اني اكتشفت اشياء واااااااااااااااااااايد وكلها طول عمري من يوم اتزوجت مادريبها ولا ادري عنها وشوفو يوم يقولون على نياتكم ترزقون ترى والله صدق هالكلام وبخبركم ليش اقول هالشيء
.
.
انا عقب موضوعه زواجه والسالفه الى قالي اياها صار كل يوم يرد من الدوام يقول خليني في همي خليني في الى انا فيه اه يا قلبي اه يا نفسي انتي بس لو توافقين انتي وانتي ....
قلت بالله عليك انت تبى تعرس علي ومقرر وخالص عيل حق شو تبى رايي تبى تشمت فيني القاصي والداني وخالص وقاضي يعني امورك طيبه عيل حق شو تبى رايي؟؟ يقول ابى احس اني مرتاح نفسيا انه ما عندج مانع ولا ابى اخسرج لانه انتي شيء كبير واااايد في قلبي واحبج و,,,,,,و,,,,و,,,, الكلام العبيط الي يقصون فيه علينا احنا الحريم اونه نحن الحب الاول وام العيال والخريط طبعا ..:icon33:
قلت روح وانا بطلق منك ولا ابى اعيش وياك خلاص شيء وانتهى وحياتي معاك وقفت وانا لي الله انا وعيالي وخليها تنفعك وانا بعيش وبدوس علي قلبي مش لازم انته في حياتي ما تحمل هالكلام قال خلاص سكري ع الموضوع انصدمت منه يعني هو يفتحه ويسكره علي كيفه
مر هذا اليوم وخلاص
اليوم الى بعده ساكت مهموم حزين زعلان مقهووور ولا يطالع بويهي وانا عادي بالعكس من شده حرتي وزعلي صرت اطلع الحره بعيالي الى اصرخ عليه والي اهب فيه حززززززززززززززززينه موووووووت لاني اعرف ابوهم عقله بره البيت ولا فكر فيني ولا فيهم كل همه ملذاته قسم بالله العظيم اقولها لكم بكل صدق اني اتقططططع من داخلي على عيالي وعلى نفسي :icon33:واحس اني ابكي دم مب دموووع يوم انه الريال الى وافقت عليه من كمن سنه خطفن ورضيت به ريال على قد حاله وما عنده ذاك الزود وقلت مش مشكله الدين والصلاه اهم شيء ووافقت عليه واكتشفت بعد العسر انه اهله وهو يحسون انه يالله انهم اتفضلو علي يو م خذوني وتوني عروس مالي 10 ايام وامه تقولي كل الى بعرس قالو المعرس احلا من العروس المعرس مسكت العروس دبه ومش بحلاه المعرس ؟؟؟؟؟؟؟؟؟؟؟؟ وانا والله من يوم يومي رشيقه الحمدلله لا ازيد ولا انقص الا كم كيلو ومحد يلاحظهم الحمدلله والمفاجاه انه ريلي الموظفات الى معاه بالدوام حضروا عرسنا :icon28: وطرشو له اهداء يوم نحن بشهر العسل وقالو له عن طريق الاهداء حرفيا العرس يجنن وبدون زعل انته احلا عن العروس بوااااااااااااايد
وانا @@ مبققة عيوني وانا معاه بشهر العسل اسمع وابلع وسكت اقوله شو؟؟ اتضارب وياه ولا شو اسوي
يا خواتي بنات حواء بدون لا احلف عيال عمي وقرابتنا من بعيد كلهم من يوم نحن صغار يتضاربون علي خص نص عن كل خواتي لاني كنت العب معاهم وانا صغيره وبعد ما شاءالله روحي حلوة وشكلي ما شاءالله كيوت
وما نسوني من يوم كنت صغيره وصار النصيب وخذني هالانسان الى هو زوجي حاليا بس شكله ما قدر النعمه الحمدلله على كل حال ......
ارجع لكلامي ويوم ام ريلي تمدح ولدها وتمدحه وتتكلم قلت لها ولما همه يشوفونه يجنن وجميل جداااااااااا على كلامهم ليش ما زوجوه او ليش ما خذتو له من اهله تقوم تقولي هو ما يبى ياخذ من الاهل وهيه تكذب كل بنات عايلتهم جمالهم عادي واقل من عادي وسمر او قمحاويات
ويوم يت تخطبني قسم بالله تقول للامي ولدي يدور وحده بيضاء ومزيونه وراعية بيت واهم شيء تكون جميلة عشان يطلع النسل حلو :42:
شفتو عاد الجذب لين وين وصل ريلي وسيم بس ب امانه في الاجمل عنه واااااااااااااااايد يعني وسامته مش بذاك الوصف الى قالوه
وانا جميله تبارك الله <<<< والله يخليكم لا تقولون تمدح عمرها بس انا ابين الصورة لكم
وكل ما ييون خطاب الكل بدون استثناء يطلبوني بالاسم بس سبحان الله ما كان يصير نصيب لاسباب وااايد
حتى ريلي هذا كان مرفوض بس النصيب الحمدلله على كل حال المهم
((( من المفاجات))
بعد فترة يا بنات دقيت على وحده ابى اطلب منها خدمه هي صديقتي وتشتغل مع ريلي بنفس المكان بس عمري ما سالتها عن ريلي ولا شيء ؟؟؟ مادري ليش ما يه في بالي ولما كلمتها ذاك اليوم قالتي لي ريلج محترم مؤدب خلوق رائع وقالت قصيده مدح وهيه معرسه وعندها عيال وقالت هذا مش كلامي انا بس هذا كلام كل الناس الى يشتغلون معانا حتى البنات وقالت البنات بيموتون يبون يتعرفون على زوجته ويعرفون منو هاي الى ماخذنها هالانسان ((الملاك)) تفاجات جدااااااااااااااا هو لسانه حلو مع الصنف الناعم والخشن ايضا وطريقته واسلوبه رااااااااقي معاهم والله العظيم انه يوم حتى يكلم خواتي احس بالغيره تعالو شوفوه كيف اسلوووووووب وكلامه حلو بس مؤدب يعني بالعربي شخص محبوب الحمدلله المهم
البنات يكلموها وقالو لها خاطرنا نشوف حرمه فلان الى هي ( أنا ) يا ترى حلوه دبه بيضا سمرا كيف شكلها كيف عايشه معاه والله العظيم انها تقولي اني رديت عليهم وقلت لهم حرمه فلان صديقتي واعرفها معرفه شخصيه قمررررررررررررررر تقول للقمر قوم وانا اقعد مكانك قالت لهم لا تحاولون حرمه جامعية مثقفة جميله جدا مهتمه في عيالها وما شاءالله ما عليها زود مثل ريلها بالاسلوب والطريقه واني ستايل وشكلي روعه شكلا وداخلا وتقولي تعرفين عاد سوالف الحريم وغيرتهم وكيف كلامهم ...
سالتني انتي ما عندج ثقه بنفسج ؟ قلت لها ليش ان شاءالله ؟ بالعكس عندي ثقه كبيره جدا بنفسي الحمدلله وهيه العلم عند الله سالتني هالشيء لانه المغريات عند ريلي وااااااااااااايد :(وهيه الى ماثره عليه قبل لا يشتغل مع بنات ويكون معاهم بنفس الاداره والله مافي حد احس منه الحين يوم ثار مع البنات الى تتفداه والى تقوله يعل كل الناس يفدونك والى تهديه شكوليت او سويت او يعزمونه ع الغدى الغدى يوصل لين طاوله مكتبه ؟؟؟؟؟؟؟؟؟؟؟ شفتو كيف
خلصت مكالمتي معاها وبعد فتره خبرت ريلي قال شفتي عشان تعرفين ريلج كيف محترم ؟ قلت ما عليه
ياني يوم بعد هالايام ويقولي انه مش قادر يتحمل المغريات والفتن كثيره ولازم يتزوج ؟ قلت سبحان الله يعني كل واحد يشوف لازم يتزوج غض بصرك ياخي يقول انتي نكديه انتي ما تعرفين للرومانسيه انا ريال رومانسي احب الرومانسيه احب الهدؤ احب الحب ابى اعيش قصه حب ؟؟؟؟ صدمممممممممني وكانه عطاني صفعه ع ويهي تعرفون ليش ؟؟؟؟؟؟؟؟؟؟؟؟؟؟؟
لانه ريلي ما يعرف شيء اسمه رومانسيه وعمره ما عاشها الا معاي قبل لا اتزوج كنا مالكين بس وكان يزورني وتعالو شوفو ايام الدلع الى ادلعها معاي وفتره ملكتنا طولت شوي والله اني كنت اسوي له مناسبات وهدايا واشتري له كيك وحلويات او اسوي له وافاجاه مفاجاه بدون سبب بس افتح نفسه او استقبله على ضو الشموع ونسولف وعصير وجاي وحلى وقهوه لين الليل وما يبى يروح بيتهم الا بالدز اقوله روح
وكان يقولي عمري محد حسسني اني ملك او كل هالدلع ما شفته في حياتي انتي شيء غريب عجيب وبجد رهيييبه رغم انه كان قبل لا يتزوجني بعد يشوف بنات بالدوام ويكلمهم !!
الحين بعد العيال وبعد ما صرت ملكه صرت انا ام النكد ؟وهو ما فكر من فتره طووويلة يعزمني بره او نروح نتمشى او يقولي خلي العيال وبطلع انا وانتي مشوار؟؟ بالله عليكم ما قدر يفكر شوي كيف يسعدني يبى يسعدني انه ياخذ حرمه ع راسي شفتو السعاده!!!!
.
.
.
اخر سالفه استوت من كم يوم يه وكلمني وقالي اباج توافقين اني بعرس قلت موافقة بس لي شرط واحد بعيش معاك زوجه ع الورق بس عايشة عشان عيالي يعني لا تلمسني ولا لك اي حق عندي قال اوك موافق اهم شيء توافقين قلت توكل ع الله محد مسكك قام يتكلم ويخطط ومتى بيطرش امه لهم عشان تخطبها رسمي له ؟؟؟؟ وانا ساكته واونه قام ومسكني ويقول انتي الحبيبه الغاليه ام العيال وكلام يقدم ولا ياخر قلت هذا الى عندي وتخيلو واااافق وقال خلاص بيطرش امه تخطب ؟؟
ياني اليوم وقالي خلاص ؟ قلت لاء مب خلاص انتم بتملك مني وانا بتطلق مناك هذا اخر قرار ؟ ليش تغيرين رايج وليش ومادري شو قلت هذا الى عندي وانتهي يحاول يلطف الجو معاي ويطرش لي مسجات بس سبحان الله قلبي برد واحس النفس واقفه خلاص واي شيء يقوله احسه مجامله
واخرتها اليوم قام يعيد الكلام الى قلته باول كلامي فوق انه انا اجمل منج رغم انه سمن وتغير شكله واسمر واشياء كثيره صارت فيه وانا ما شاءالله ازاداد اناقه جمال تناسق بشكل عام وهم مستغرب يقول كيف انا سمنت وانتي لاء ما شاءالله تبارك الله الله اكبر في عيونه وعيونهم ااامين قلت حراموحده عندها عيال وتهتم دايما في نفسها !!؟ انتي سمنتيني وغيرتي شكلي ليش انا الى اقوله كل فوق طاقتك ؟ او انا الى اتحكم فيه كل واحد حر يحافظ على نفسه مثل ما يبى ياما نبهته بس ما يسمع
واصلا تعرفون ليش قالي هالكلام لانه وحده من زميلات العمل الله يقلهم وياخذهم قالت له تغيرت وايد اول رشيق الحين سمنت وتغير شكلك !!!!! وانا اللهم لك الحمد رابطه على قلبي ومش قادره اتنفس لو تكلمت قال نكديه ولو تكلمت بقول كلام ما يعيبه ...
والحين ثالث واخر مفاجاه
تذكرون يوم اقول لكم حالف علي ما اسير له الدوام ؟؟؟؟؟؟؟؟؟؟
انا الحين عرفت ليش لانه مصدق انه احلى مني وما يبى حد يشوفني عشان لا يقولون كذاب وشكله يتكلمون الحريم عني ويحسبوني شينه وشكلي وع واني سمينه وسمرا وانه زين منه انه متحملني هالعمر كله واني نكديه ويمكن افشل بشكلي هذه الصوره الى الحريم راسمينها عني في شغله ما يدرون اني انيقة جدا وجامعية متعلمه وعندي لغه الحمدلله والكل يشهد لي ولله الحمد
عاد هذا الى اكتشفته مؤخرا انه ما يباني اسير له شغله عشان لا يستغربون كيف اني زوجته وبهالمواصفات ويبى يتزوج علي؟ والى عليها العين بتتاكد انه زوجي فيه مشكله يوم يبى يتزوج علي الحمدلله على كل حال
.
.
.
.
اخيرا
اسال الله العظيم رب العرش الكريم ان يصبر قلبي ويربط على قلبي ويلهمني الصبر وياخذ لي حقي من كل وحده تخرب البيوت العامره الله يرد كيدها في نحرها ويشغلها في نفسها ويرد لي زوجي ردا جميلا يارب العالمين
ادري طولت عليكم بس انا الحين قررت لو سواها اني اروح بحال سبيلي والله يعوضني خير
يا ترى يا خواتي الى بسويه صح ولا خطا ولا تقولون لي ارضي لاني ما ابى اعيش حرب نفسيه بسالفه الزوجه الثانيه والحروب الى تصير بينهم الله يبعد عنا هالشيء يااااااااااااااارب العالمين
الله يفرجها يارب
ادعووووووووووووووولي والله يعمي قلب وسمع وعيون وعقل زوجي عن نساء العالمين االلهم امين ما عداااااااااي يارب العالمين
يلزم عليك تسجيل الدخول أولًا لكتابة تعليق.
يامرحبا ياارذاااذ الرووح
تصدقين سرحت وأنا أقرى قصتك وأعجبني سردك وتسلسلك في الطرح
ثااانياا أنا لو منك خلي يروووح وانت مااعليك منه والله يتمم عليك الصحه والجماال
وتذكري داائماا مااطاار طيراا وارتفع الا كما طاار وقع
وأعرف قصص كثيره رجاال تزوجوا على زوجااتهم ورجعوا لهم وبكل قووه
وعسى الله يقويك ياارب
تصدقين سرحت وأنا أقرى قصتك وأعجبني سردك وتسلسلك في الطرح
ثااانياا أنا لو منك خلي يروووح وانت مااعليك منه والله يتمم عليك الصحه والجماال
وتذكري داائماا مااطاار طيراا وارتفع الا كما طاار وقع
وأعرف قصص كثيره رجاال تزوجوا على زوجااتهم ورجعوا لهم وبكل قووه
وعسى الله يقويك ياارب
أوجعتي رأسي قصدي قلبي ياقلبي
الرجال الرجال بموووتوونا ناقصين عمر
الله لا يردهم من رجال الراحه والابتسامه وسعة الصدر الله يحفظ لنا أولادنا مساكين عقدناهم
الرجال الرجال بموووتوونا ناقصين عمر
الله لا يردهم من رجال الراحه والابتسامه وسعة الصدر الله يحفظ لنا أولادنا مساكين عقدناهم
الصفحة الأخيرة
والله يرده لك ردا جميلا
ويصرفه عن هالزيجه
ويحس بذنبه لأنك ما تستاهلي