السلام عليكم يابنات
والحمدالله على كل حال
يابنات مدري من وين ابداء احس ضايقه فيني الوسيعه ودي افضفض لكم ولاقي منكم دعوات صادقه من القلب
ياماتمنيت اتزوج واعيش بسعاده والحمدالله تزوجت وزوجي طيب مره وحبوب وهذي مو مشكلتي
مشكلتي اني ماتهنيت لابشهر عسل ولا بعزايم ولا شي
تخيلو سافرت 4 ايام بعد زواجي وبرابع يوم جانا اتصل من ام المحروس تقول ارجعوا وكان عندها سبب بس مو مقنع ورجعنا مع انه الشهاده لله قال خل نجلس زياده يومين ونروح قلت لا كلام خالتي اولى خلنا نرجع ورجعنا على اساس بنعوضها بروحه ثانيه
وبعدها باسبوع كان عزيمتي وصار للوالده حادث تنومت 3 شهور بالمستشفى وتوها تطلع جلست شهرين طريحة فراش بالبيت وطول هالايام انا معها والحمدالله كنت ادعي ربي يعوض صبري وبعدها تحسنت امي والحمدالله على كل حال وبدت عزايمي وللوالده بعد ماقامت بالسلامه كانت الاولى حمولتي مسوينها والثانيه اخوي بيسويها والثلاثه عمي بيسويها والرابعه خالي بيسويها
جت عزيمه وحده وفيها عرفت خبر ضيق صدري بنت خالي واغلى بنات خالي جاها ورم براسها وللحين خاضعه للفحوص من 3 اسابيع ومحد يدري عنها نكلمها وتكلمنا ماقالت شي وتوني عرفت بوسط عزيمتي يوم الخميس ضاق صدري وراح تتأجل كل هالعزايم
ماهمني عزيمه وماهمني شي كل همي تقوم بالسلامه بس ابكي قهر على حالي جاء زوجي بظل هالظروف طول عمري عايشه ضايق صدري ووتمنيت الزواج ويوم حصل الضيقه مافارقتني توها معي وربي ارحم زوجي يشوفني حزينه ويحاول يطيب خاطري واحس من كثر الهم الي فيني ماني طايقته وارجع اتحسف مع ان بنت خالي تصير بنت خالته يعني فيه قرابه لنا كلنا وهو متاثر مثلي بس مايبين
ادعو لها بالشفاء العاجل وربي مايحرم اولادها منها عندها ولدين الكبير اول ابتدائي والثاني مايدرس توها بشبابها الله يشفيها يارب
زرتها امس تحزززن مو الي نعرف لابفرفشتها ولا ضحكتها وصوتها صاير غيير من الضيقه وشعرها فيه شيب ماقد شفته بحياتي الله يقومها بالسلامه
يوم طلعت من المستشفى كلمت اختها قلت لها ماتوقعت تخبون عننا هالشي ليش ماعلمتنوني انها بالمستشفى قالت والله ماندري عنها قالولنا فيها زايده وبتطلع هاه وش اخبارها متى يشيلون الزايده وعرفت ان حتى اهلها مايدرون محد علمهم بالي عندها وضاق صدري زياده هي هنا بالرياض واهلها بديره ثانيه ويحترونها تطلع على اساس ان مافيها شي
طبعا انا سكت مابينت لها شي ومشيتها على اساس زايده الا ان يعرفون بطريقه غيري
دعواتكم لها بالشفاااء العاجل بعد استئصال الورم لانه خلال هالايام بيحددون يوم:44:
واسفه اني طولت عليكم بس مالي غيركم بعد الله
وحيده 111 @ohydh_111
محررة برونزية
يلزم عليك تسجيل الدخول أولًا لكتابة تعليق.
لولة m
•
الحمد لله على كل حال ادعيلها بالشفاء والله يثبتكم
الله يشفي بنت خالك
بس ياقلبي لازم تناظرين لزوجك ولحياتك الخاصه
مصير زوجك يطفش
والحمد لله هذا حال الدنيا عليك بالدعاء لقريبتك وانت اهتمي ببيتك وزوجك
بس ياقلبي لازم تناظرين لزوجك ولحياتك الخاصه
مصير زوجك يطفش
والحمد لله هذا حال الدنيا عليك بالدعاء لقريبتك وانت اهتمي ببيتك وزوجك
الله يشفي بنت خالك
بس ياقلبي لازم تناظرين لزوجك ولحياتك الخاصه
مصير زوجك يطفش
والحمد لله هذا حال الدنيا عليك بالدعاء لقريبتك وانت اهتمي ببيتك وزوجك
بس ياقلبي لازم تناظرين لزوجك ولحياتك الخاصه
مصير زوجك يطفش
والحمد لله هذا حال الدنيا عليك بالدعاء لقريبتك وانت اهتمي ببيتك وزوجك
الصفحة الأخيرة