بعد ست سنوات امل

قبل ست سنين اختفى اخي
طلع من بيتو بمكالمة من واحد وبعدها اختفى نهائيا
بمعرفي القديم كتبتلكم يومها انو اختفى وطلبت الدعاء منكم
اتصلو بعدها بساعتين وطلبو فدية وامناها بعدين طلبو ضعف المبلغ بعدين اختفو
دورنا عليه بكل الأماكن مالقينا الو اسم او مكان
كل يوم نعيش على الأمل وانو اليوم بيرجع وبكرى بيرجع
بعد حوالي سنة انفتح ملفو عند الدولة صارو يدورو عليه بحجة انو سيارتو لي طلع فيها مسكوها بعملية تهريب مخدرات واسلحة بعدين مسكو لي استدرج اخي وعينا خير انو يبين وما اعترف على مكانو بس اعترف على لي خطفوه
وللمصادفة لي خطفوه انقتلو بعدين وراح السر معهم
دفعنا ملايين على أمل نلاقيه مالقينا والكل نسي واعتبرو بعداد الموتى
قبل شهر زوجي لقى واحد ودفع الو مبلغ كبير ووعد يعطي خبر يقين بعد شهر
مبارح جاب الخبر النهائي انو ميت
مات بنفس اليوم لي انخطف فيو اخذو سيارتو وقوصو عليه ودفنوه بمقبرة جماعية داخل منطقة خارج سيطرة ونطاق الدولة
بعدين الدولة اخذت جثث المتوفين ولصعوبة التعرف عليهم دفنتهم بمقابر الها
الخبر عندي بس انا وبسببو أصابتني حالة انهيار حسيت جرح ورجع انفتح
مابعرف كيف أخبر امي او مرتو لي قاعدين بيستنو الأمل انو يرجع ابنو صار عمرو 7 سنين مابيعرفو غير بالصور وكل ماسأل عنو قالو مسافر وبيرجع
بعد ماكنت عايشة على أمل منتظر اني ارجع اشوفو انتهى الأمل وتبدد
اسفة على وجع القلب بس من حرقة قلبي ومو قدرانة احكي لحدا ولا أبوح بهذا الوجع بس قتلني قتل