بعد ست سنين ذبحني الحنييين لذيك السنين ....ابغى رايكم حوائيات ./ استوفى الرد

السلام عليكم ورحمة الله وبركاته 
كيف حالكم 
بنات بقولكم سالفتي باختصار انا عشت وحيدة فترة طويلة ماكان عندي خوات او احد بسني كان عندي بنات عمه بدولة ثانية 
كانت وحدة فيهم انا وياها اكثر من خوات كنا مثل التؤام اليوم اللي يجون فيه بالنسبة لي عيييييييد 
واليوم اللي يروحون فيه كنت يومي كله اصيييح فيه 
مع العلم كانوا يجلسون في بيتنا شهرين وانا معها ننام ونصحى وناكل مع بعض ......
المهم كبرنا وعلاقتنا زي ماهي تملكت البنت وجات تقضي عندنا 
وانا كنت معها لحظة بلحظة 
وجاء زواجها بس ماقدرت احضر بسبت ظروف عندنا وكلمتها واعتذرت 
وجات من شهر العسل وكلمتها وباركت لها 
بس كان صوتها غييير مو الانسانه اللي اعرفها 
من بعدها سحبت نفسي انا تملكت بعدها بسنة ولااتصلت ولاشي ولاغيرت رقمها وليومكم هذا ماعرفه 
انا يوم تملكت احتجتها تكون معي استشيرها واخذ رايها وخاصة ماكان عندي خبرة بس ماقدرت اكلمها وهي ماحاولت تواصل معي 
لنا الحييين ست سنوات ماندري عن بعض هي صار لها حياتها وانا عندي حياتي 
وهي عندها اطفال وانا بعد 
بس ياحوائيات مدري وش فيني لي اربع شهور دايم تجي على بالي بس كرامتي ماتسمح وفيه تفاصيل ماذكرتها للاختصار 
ودي اتواصل معها واتس اب بس اقول ليش اتواصل معها خاصة مستحيل نرجع زي قبل السنين بنت بينا حواجز كبييييرة 
ومرات اقول بسال عنها بس مرة واشوف اخبارها 
مع العلم اهلي اذا زاروا عمتي يلتقون فيها ويقولون ماعمرها سالت وش رايكم اكلمها وواتس ولا لا تشجعوني ابدا الخطوة 
حطو نفسكم مكاني بليييز ....