بعد سنه حملت والحمدلله رب العالمين

السلام عليكم وحرمة الله وبركاته

عزيزاتي هذي اول مشاركه لي معاكم
واتمنى اني اكون اخت خفيفة الظل على قلوبكم ان شاء الله
راح اقص عليكم قصتي رغبة في الحمل واللي اكثر النساء يعانون منها
لكن سبحان الله بقدرة الواحد الاحد يصير الحمل فجأه وبدون سابق انذار

عزيزاتي
تزوجت من سنه وبعد 3 شهور اكتشفت انه فيني التهابات وقرحه في المهبل
خفت كثير لأنها كانت اول مره ..وعلمت انه الالتهابات هيه اللي تمنع الحمل فتعالجت عنها بالتحاميل والكريمات والحمدلله راح الالتهاب
في الشهر الرابع ما جتني الدوره اسبوع وكنت احس بالام في ظهري وبطني كنت فرحاااااااااانه وايد قلت خلاص انا اكيد حامل لكن لما عملت تحليل بلبيت والمستشفى ما ظهر شي رحت عند دكتورتي الخاصه وقالت لي انه القرحه زادت وهيه اللي اخرت الدوره :( كنت خاااااااااااايفه من القرحه لاني لازم اعمل كوي والحمدلله انه دكتورتي عندها جهاز مطور للكوي (كوي بالتبريد ) ما يؤلم ولا تحسين بأي شي
والحمدلله نزلت الدوره
كل شهر كنت اخذ تحليل بول للحمل وما يظهر شي وكل شهر كانت نفسيتي تتعب كثير
مره اخذت كلوميد لمدة شهرين ولاكن ما صار نصيب وقالت لي الدكتوره انه مبايضي ضعيفه شوي
:06:

اوووووه نسيت اخبركم بعد اسبوع من زواجي ظهرت لي الحساسيه في كل جسمي وكا نت اعرف شو السبب الرئيسي والله اني تعذبت كثير تخيلوا اني عروس وماكنت اتعدل ولا اتلبس ولا شي وكنت اخذ حبوب وابر والمشكله انه حبوب الحساسيه تأثر على الحمل وعلى المبايض اتضعفهم
ولكن بعد 6 او 7 شهور تقريبا من المعاناه الله رحمني وراحت عني رغم انها للحين ترجع لي بين فتره وفتره لكن الحمدلله انه مو مثل اول

اللي اريد اقوله اني في كل شهر كنت اسوي شي مره اقرا قرءان في ماء زمزم
ومره في زيت زيتون وامسحه على بطني كنت كل يوم ادخل المنتدى علشان اشوف وصفات العضوات واستفيد منهم

وماصار نصيب
في اخر الشهور قررت اني فعلا اطنش وما اهتم لانه الحاله النفسيه تأثر كثير على الحمل وخاصه علاقتج مع زوجج ما تكون كويسه

اللي ساعدني لما كنت اقرا عن العضوات اللي كتبن قصصهم وفعلا يا بنات
تدرون شو كان الحل
الاستغفاااااااااااااااااااااااار والصدقه والله يا بنات سبحان الله سبحان الله
انه كل ما تستغفرين نفسيتج ترتاح والله يجبر بخاطرج ويريح بالج ظليت شهرين او ثلاثه ادعي واستغفر واصدق وتوكلت على الله في كل شي والحمدلله قبل لااكمل سنه بشهر واحد حملت من دون علاجات ومن دون اي شي

سبحان الله فعلا لو كانت فينا امراض الدنيا اذا الله كاتب لنا نحمل راح نحمل
كل وحده فينا الله كاتب لها رزقها متى بيكون والحمدلله على كل حال

عزيزاتي طولت عليكم برسالتي ولكن صدقوني من تجربتي وتجربت كل العضوات
انه الصبر والاستغفار والتوكل على الله هذا اهم شي واهم علاج والله يجبر بخاطر الكل ويرزقكم بالذريه الصالحه ان شاءالله ويفرح كل محرومه مثل ما فرحني

وانا اللحين حامل بالشهر الثالث ادعولي انه حملي يثبت واولد ان شاء الله بالسلامه :27:

تحياتي لكم